كان لك قلبي (مدينة)

[دبدوبة قطر]

مرحبا الساع

كلمات قريتها وواااايد حبيتها... وحبيت اعرضها عليكم

وان شاءالله تنال اعجابكم

بس للأسف ماعرفت منو صاحب هالابيات..


ما تغيَّر شي .. لكن .. صار فاضي هـ المكـان
يعني إنتَ شفت قلبي طحت مِنْ عيني وعينـه
[ كان ] لك قلبي مدينه ولاحظ إني قلت : كان
يعني إنتَ الحين واحد خارج حدود [ المدينه ]
ليه مستغرب كلامي وليـه أعطيـك الأمـان
وليه تَكْذِب في كلامك العـذر وينـك ووينـه
ما ألومك كان قلبـك ثـارت أمواجـه وخـان
الخطا منَّي لأني صرت فـي بحـرك سفينـه
والسؤال اللَّي كتمته وما نِطَـق فيـه اللسـان
كيف إيدك إطعنتني وآنا أحْسِبْهَـا أمينـه ..؟
جرحي ما يرضيه قلبك لو يجـي كلِّـه حنـان
//لو تبوس الجرح فيني// ولـو تقبلهـا إيدينـه
يُوم أحبك قلت كلمه : ( يكرَم المرء أو يُهان )
وإنتَ قلبي ما كرمته!! وما قدرت إنِّـك تهينـه
[ عزِّتي ].. ما هي جديدهـ آنا شامخ من زمان
إغسل إيدك من رجوعي وروح يا إبن اللذينه
طاب خاطر قلبي منِّك وهذي الفرقـى رهـان
وحتَّى لو قلبي يحبـك ربِّـي بـ فراقـك يعينـه
تدري لما قلت أحبك قلت وما عنـدي ضمـان
| وإختياري كان خاطىء | تجربه بالحيـل شينـه
كنت تخطي وكنت أسامح مرَّهـ مرتين وثمـان
أدمح الزله عشانك وأكتـم أنفـاس الغبينـه
كنت أحبك وكنت أعزك والغلا فينـي جبـان
خاف تزعل لو ألومك ضعت ما بينـك وبينـه
في عيون الناس عادي بس في عيني جنـان
وكان قلبي من يشوفك تفضحه نظـرهـ حنينـه
ماني أوَّل من يحب ومنتَ آخر شخص خـان
المحبه في زمانك [ بحرها ] من غيـر مينـه
[ الفشل ] .. كان النتيجه وأعتقـد آن الأوان
أبني مستقبل حياتي وأنسى قصتنـا الحزينـه
وخطوتي الأولى غيابك وراح أطبقها عشـان
يبكي قلبك لا فقدني والندم .. يملـي سنينـه
جاي تسأل عن مكانك !! هو بقى فيني مكان ؟
الله يرحمها المشاعر اللي كانت لـك رهينـه
قلت لك [ قلبي مدينهـ ] فيها لك حشمه وشـان
لكن إنتَ الحين أغرب شخص في هذي المدينــه ..


ودمــتـــم ســـالـــمــــــيــــــن

[تعبت اشكي]

[دبدوبة قطر]

تسلمين عالمرور

[بنت سكر]

تسلمين حياتي

الله لايحرمنا منك

[دبدوبة قطر]

تسلمين عالمرور

[بنت النور]

[ عزِّتي ].. ما هي جديدهـ آنا شامخ من زمان
إغسل إيدك من رجوعي وروح يا إبن اللذينه


روووعه

يعطيك العافيه قلبي

ومشكوووره

[دبدوبة قطر]

المشاركة الأصلية كتبت بواسطة بنت النور

[ عزِّتي ].. ما هي جديدهـ آنا شامخ من زمان
إغسل إيدك من رجوعي وروح يا إبن اللذينه
روووعه
يعطيك العافيه قلبي
ومشكوووره

تسلمين عالمرور

[سندريلا طيبه]

روووووووووعه
يسلمووووووووووو دبوو
يعطيك العافيه
والف شكر

[دبدوبة قطر]

المشاركة الأصلية كتبت بواسطة سندريلا طيبه

روووووووووعه
يسلمووووووووووو دبوو
يعطيك العافيه
والف شكر

تسلمين عالمرور