أدب مساعد الرشيدي

بغرد لكم بأبيات شعرية للشاعر الكبير الراحل : مساعد الرشيدي رحمه الله

أخت القصيد وشيخته ريميه
الساس نجدي والترف بحريني

مرت على بال المطر عصريه
القاع جرداء والعرب مضميني

غنت وهلت وامطرت وسميه
ماها قراح وعشبها يغريني

الله هو اللي عالم بالنيه
الرب داري والبشر داريني

يا ابن الحلال انت وش تبغي بها الدمعه
بتموت ماشفت دمعة ذل من عيني

ماني حبيبك اذا ضحيت بالسمعه
لاذلني حب ويش اللي تبي فيني؟

ليالي الصيف جمّاعه
والدار تزهى باواليده

والشعر بالقلب مرباعه
تسقيه غيمه وتنهيده

سودة ابها يدين العذر ممدوده
حجّتي ماتبي قاضي..ولاشاهد

يوم شفتك لصدْر الغيم مشدوده
وردةٍ تستغيث..وعطرها ساجد

احبك من هنا حتى طلوع الفجر حتى النور
صحيح انك قدر محتوم بس اجمل مقاديري

احد ربي يحطك له حبيب ومايجيه غرور ؟
انا ليه التفت للناس وعيونك جماهيري

ويش اباخذ من طعوني واخلي
والملامح تشابة ماعدا :
ظل نعناعةٍ قامت تصلي
في حشاية على قطر الندى..!

بني رشيد ان عتم الجو الجو تعتيم
ماللردى فينا ملامح وليحة

أجسر من الرعاد واكرم من الديم
سمر الجباه اهل الوجية الفليحة

جادلٍ كل الدروب المعشبة تنبت بثرها
جت تبي جرح وقصيد وخلت الثنتن ليه

من يحدثني حديث الثلج للجمر بثغرها
والله اني كنت ناوي لي بهاك الجمر نية..!

لاقديم الجرح يقوى ولاجرح الجديد
يخلف الناس العزيزه عن اللي ودها

والله اني ما اتنازل .. لي رايٍ عنيد
لين أداعب غرة الشمس ..والثم خذها

مادام فيني نفس يذري وفيني طموح
باب وراه اعتزازي...طارقه..طارقه

رغم امتداد التعب عيا يموت الطموح
والشمس بكره رغم أنف الدجى شارقه