مشعل بن محماس الحارثي ويكيبيديا - السيرة الذاتية للشاعر مشعل الحارثي - صور ومعلومات

مشعل بن محماس الحارثي ويكيبيديا - السيرة الذاتية للشاعر مشعل الحارثي - صور ومعلومات


مشعل بن محماس الحارثي ، شاعر اشتهر بإلقاء القصائد الوطنية ، فأبدع في حبه لوطنه من خلال قصائده أمام الملوك والأمراء .
رتبته العسكرية الحالية عند كتابة السيرة : مقدم

ولد الشاعر الحارثي في مدينة الرياض ، وحصل على شهادته الثانوية من مدارسها ، ثم تقدم إلى الكلية الحربية ، ليتخرج في اللواء الثامن عشر بخميس مشيط بالمنطقة الجنوبية ، وقد كان منذ صغره مولعا بالشعر والقصائد الشعرية الوطنية .

وتعتبر خميس مشيط نقطة تحول في حياة الحارثي العسكرية والشعرية ، حيث ألقى أولى قصائده أمام الأمير سلطان بن عبدالعزيز رحمه الله عندما كان في زيارة لخميس مشيط ، فأعد له قصيدة نالت أعجاب الأمير سلطان الذي طالب بأن يكون في خدمته وصحبته إلى أن توفى رحمه الله .

وبعد ذلك انتقل لخدمة الملك سلمان بن عبدالعزيز قبل أن يتولى رئاسة البلاد ، كما حظي بتشريف إلقاء قصائد أمام الملك الراحل عبدالله بن عبدالعزيز رحمه الله ورعاه وحاليا قصائد ارتجالية حماسية لخادم الحرمين الشريفين في العديد من المناسبات الوطنية ، ومن شدة براعته في إلقاء مثل هذه القصائد فقد تنبأ العديد من النقاد والجماهير بأنه شاعر الوطن المقبل أسوة بالشاغر خلف بن هذال .

أول قصيدة وطنية له نالت الشهرة
وكانت في الأمير سلطان بن عبدالعزيز رحمه الله ، وكان في رتبة ملازم حينها ، وكانت في خميس مشيط ، حفل للقوات المسلحة...

قصيدة ( ولله لوصي فيك حتى عيالي )


خل النياح وفـارق العـش ياطيـر
غرد وهز الريش فـي كـل عالـي

اليـوم هـذا غيـر وأيامنـا غيـر
والبارحة ماهـي سـوات الليالـي

الأرض صارت في عيوني نواويـر
والبدر تـم وجـا مكـان الهلالـي

وأبها تحدت فـي بهاهـا الغناديـر
فلـت جدايلهـا وقامـت تـلالـي

وفي وجه خالد للفرح الـف تعبيـر
وحجاج فيصل فيـه كـل أبتهالـي

من السعاده باقـي شـوي ونطيـر
عزالله أن اللـي لفـا الـدار غالـي

يامرحبـا مـاغـردن العصافـيـر
مرحبـا مـازاف نبـت الرمـالـي

ترحيبٍ أحلى من حليب المصاغيـر
وضحٍ رعت روضٍ ربيـعٍ وخالـي

ياللي شكت رجله طوال المشاويـر
ياطـا بهـا درب الخطـر مايبالـي

قرت عيـون اللـي يحبـون ياميـر
طاريك.. وإلا الحين شفتـه قبالـي

ياما حسبت الوقت حسـب الدنانيـر
أسامـر نجـوم الثـريـا لحـالـي

مبطي وانا أسمع فيك وصف البياطير
واليوم جالي في القصيـدة مجالـي

ياسيـدي مـال القوافـي معـاذيـر
عـن البيـوت الوافيـات الجزالـي

من لاجعـل للمـدح قيمـة وتقديـر
ماظنتـي يلفـت ذهـون الرجالـي

وأنت الذي معك سحـاب المزابيـر
تمشـي ويتبعـك الحيـا والخيالـي

وأنت الذي بأسمك تبـاح الأساريـر
مثلك له أسمـاء عـراضٍ طوالـي

سلطان ياسلطان من يومـك صغيـر
مافي تسلطانك وشخصـك جدالـي

كانوا ولا زالـوا يسمونـك الخيـر
وياكثر السماء اللي تزاحـم فبالـي

كريم سبـلا إلا زبـون المخاسيـر
طلـق الحجـاج إلا بعيـد المدالـي

درع البـلاد إلا طويـل الأشابيـر
أبـو اليتيـم إلا عشيـق المعـالـي

لاوالله لبن مسطـر المجـد تسطيـر
على حصى الأرض ونفود الرمالي

واخو فهـد ذروة سنـام المشاهيـر
صفوة ملوك الأرض بـأول وتالـي

فهد ولا قلنـا فهـد جـاوب النيـر
تهتـز لإسمـه راسيـات الجبالـي

زعيمنا اللي للعـلا واصـل السيـر
حتـى تعلينـا علـى كـل عـالـي

مال الطموح بوسط رأسـه معاييـر
ولا للعوج عنـده ياكـود اعتدالـي

اليا زعل تزعـل ملـوك وجماهيـر
واليا رضا ينهـي جميـع الجدالـي

مايشبـه غيـر الثنيـن المناعـيـر
أنته وأبـو متعـب كريـم السبالـي

عبد الله اللي فيه من سالـم الزيـر
خطل اليمين الليـث حـام التوالـي

سقم العدو اليـا هـرج دون تفكيـر
رده على العـدوان جاهـز وحالـي

نفخـر بكـم وإلا القصايـد تعابيـر
ياشيوخ نجد الشعـب كلـه موالـي

والله لوفيكـم عـن الملـك تقصيـر
ماخصكـم ربـي عزيـز الجلالـي

منـا وفينـا مالفيـتـوا مـداويـر
حكامنـا وقـت الدهـور الهزالـي

ورث الجدود أمن الليال المعاسيـر
قبل القصور وقبل صرف الريالـي

هاك الزمان سلاحنـا حملـة بعيـر
مـن يومهـا متوثقيـن الحبـالـي

منهاجنـا واضـح ولا فيـه تغييـر
نمـوت مانرضـى عليـه البدالـي

مااستعمرونا اللي غذاهـم خنازيـر
تشهد لنا شهـب السنيـن الخوالـي

من قبل عاشر جد أبو بوش وبليـر
ماهي ثـلاث شهـور وإلا حوالـي

واليوم في وقت الرخـاء والتياسيـر
شفنـا العجـب لاوالله إلا الهبالـي

ياكثـر ماقامـت تسـوق المقاديـر
وياشيب عيني لاذكـرت وطرالـي

المسجد اللي هزه أصـوات تفجيـر
في حـزةٍ فيهـا يجـاب السوألـي

والمسلم اللي ذبح مـن دون تبريـر
ودم الرضيع اللي على الوجه سالي

ينشدك يامكفر هـل الديـن تكفيـر
وش حكم ذبح المسلمين العزالـي ؟

تدبـر القـرآن والـهـدي تدبـيـر
وأخذ الجواب بصيغتـه والكمالـي

فضحكـم الله يالوجيـه المغابـيـر
ياطغمـة التخريـب والإنحـلالـي

واللي على الفتنـة تـدق المزاميـر
نعرف مطامعهم علـى كـل حالـي

ونعرف من يدفع رسـوم الفواتيـر
يالحية اللـي جحرهـا الإحتلالـي

لنحورهم حنـا سـوات الأزاريـر
حنا حمـاة الديـن ياهـل الظلالـي

الأرض نزرعها رمـاح ومساميـر
يحـرم عليهـم وطيهـا بالنعـالـي

ديارنـا ماهـي بكابـل وكشمـيـر
ياهمـلالـي صــدق ياهمـلالـي

حامينها الأجـداد عـج ومعاصيـر
بسيوفهـم علـى ظهـور الجمالـي

واليـوم ياسلطـان شفهـم طوابيـر
ملوا من المجلاس تحـت الظلالـي

يبـون يـومٍ فيـه للحـق تكبـيـر
عـن الكـلام تبـان فيـه الفعالـي

ياسيدي قل وش تبي بـس ويصيـر
حدد هدف لوهـو عسيـر المنالـي

فالجـو نفاثـة وفالقـاع جنـزيـر
وأن مت هاك اليوم من طيب فالـي

هـذا وطنـا ماسكـنـاه تهجـيـر
الجيـش واحـد ماجمعنـا الحثالـي

لو ينتخي عرعـر تلبيـه خرخيـر
كل الجنوب يصير جنـب الشمالـي

لا يـاوطـن لاتحسبـنـا مدابـيـر
لو الدهر في بعض الأحيـان مالـي

طالبك لاتجفل مـن الوقـت وتذيـر
وكلـنـا أبـنـاك وبالله الأتكـالـي

وأن كان ماشفت السعـد والتباشيـر
عيـبٍ عليـنـا لبسـنـا للبـدالـي

نذرٍ علىّ لاحرسك وأفديـك وأغيـر
ديني وعرضي فيك وأغلى حلالـي

واللـي يأثـر فيـك بأيـات تأثيـر
أبرى منه لو كـان عمـي وخالـي

وأن مت واخذتني صروف المقادير
والله لاوصي فيـك حتـى عيالـي

قصيدة مشعل بن محماس التي أبكت الملك سلمان

YouTube