رواية عبدالرحمن وساره -رواية خايف ياقلبي خايف / كاملة

[تاريخ الحب]

(19)



حسبت اشواق انا غابت..اثاري الشوق تو مافاق..
اثاري بقلبي الساهي.. حنين لك بعد باقي..
انا ماكنت احسب ان ..القلوب الساهيه تشتاق..
ولاكنت احسبك في يوم .. تجي وتحرك اشواقي..
سهيت بصفحة كتابي.. لقيتك بأول الآوراق..
انا لاهي مع كتابي لقيتك..كلك اوراق..
هلا ياحبي يالأول.. هلا ياغايتي مشتاق..
لقيتك منت في قلبي..واثرك داخل اعماقي..
من اشواقي اهلي بك..حياتي والغلا سراق..
نعم لأجلك سها فكري..حياتي ودمت لي باقي..
اهلي بك من الفرحه.. اهلي من الأعماق..
حسبتك منت لي باقي.. واثرك مالك اشواقي..


ساره.. بغرفتها على سريرها.. ماسكه مخده.. وتفكر في ناصر وهي تلعب بالسلسال اللي اهداها اياه..صار لي اسبوع ماشفته.. حاس اني فاقده شي... معقول اكون مشتاقه له..معقوله قلبي الميت نبض.. مشاعري الجافه ارتوت.. خايفه.. متى بيكشف عن وجهه الثاني.. والأشياء الثانيه .... مرت عليها ذكرى ذاك اليوم .. اليوم اللي ذبح فيه ماهر انوثتها بكل قسوه ووحشيه.. خافت .. وبكت... ايش راح اسوي؟؟.. خايفه اللي صار في الماضي يأثر على حياتي مع ناصر...مسكت راسها بين ايديها وضغت بكل قوتها.. يارب تساعدني.....
رن جوالها..مسج..من ناصر.....
(كلها ايام وليالي واحضن كفوفك ياغالي.. انت ياعمري وروحي ... لحظه ماتفارق خيالي)
قرت مسج.. قفلت الجوال ورمت الجوال بملل على السرير....
اندق الباب...
ساره: مسحت دموعها.. مين؟
انفتح الباب بقوه.. انا ياخاينه
ساره: شيمو......وقامت حضنتها..
شيماء: اقول.. من لقى احبابه.. في شنو سرحان الحلو..
ساره: نزلت عيونها.. اسكتي اللي فيني مكفيني..
شيماء: وهي تجلس جنبها على السرير.. خير عسى ماشر؟
ساره: خايفه.....
شيماء: من شنو... لا تقولي من ناصر؟؟
ساره: ايه..
شيماء: ليش؟؟
ساره: ماادري متى بيكشف عن وجهه الثاني.. وبعدين لا تنسي هو ماخذني عناد وبيكسر راسي..
شيماء: سارووه ياخبله.. الحين كل اللي سواه لك ايام الخطوبه وتقولين هالكلام.. وبعدين حفلة زواجك في افخم صاله بالدمام وفستان زاوجك اللي اصر يجيبه من لبنان ومن تصميم مصمم مشهور.. تقولين هالكلام.. واحد يخسر نفسه مئات الألوف عشان بس يكسر راس واحد.....بالعقل.. الرجال يموت عليك.. ويبي يعوضك عن كل شي..
ساره: ............ حاسه ان في شي بيصير.. وبعدين....
شيماء: شنو......
ساره :ولا شي..
وجلست تسولف معاها.. باقي اسبوع على الزواج...

ناصر.. كل شوي يطلع الدور الثالث يتطمن كل شي تمام اوكي..
ندى: والله ابوي بيذبحك طالع نازل.. الأنصانصير يشتكي..
ناصر: اووووووف ياربي متى تجين ياساره وارتاح من وجه هاذي.. شوفي لا اشوفك بدوري ابد.......
ندى: مو على كيفك ... بيت ابوي.. وبعدين يقولون البيت للمره يعني هذا دور ساره..
ناصر: اقول اروح اكلم حياتي احسن منك....... ومشى عنها....

ساره.. كانت مع شيماء وتحاول تهديها..
رن جوالها..
شيماء: اقول انا انزل اقعد مع خالتي واذا خلصتوا كلام الحب تبعكم انزلي ..باي
ساره: الو.....
ناصر: هلا بهالصوت اللي يرد الروح.....
ساره: ههههههه اهلين..
ناصر: فديت الضحكه والله.. واحشتني..
ساره: ............
ناصر: حبيبتي اش فيك.. صوتك كأنك متضايقه من شي؟
ساره :هذا جني يعرف كل شي... لالا مافي شي..
ناصر: انا متأكد فيك شي.. ناقصك شي.. في شي مو عاجبك نغيره اذا تبين..
ساره: لالا كل شي اوكي.. بس انا مرهقه شوي.. جيت من الدوام وعلى طول رحت السوق...
ناصر: اهاا(حاس ان فيها شي بس مايبي يضغط عليها).. طيب لا تتعبين نفسك.. قدمتي على اجازه.....
ساره: ايه وتبدا يوم الأثنين..
ناصر: حلو..........

خلصوا كلام ....
ساره... نزلت دموعها.. حاسه انه يحبني.. لكن ماقالها ابد.. خايفه..
اندق الباب.. ساره :مين..
دخلت هدى: السلام ..... انتبهت لها انها تبكي..
ساره: وعليكم السلام..
هدى: اش فيك؟؟ليش تبكين؟
ساره: خلاص ماقدرت تمسك نفسها وبدت تتكلم وهي تبكي..خايفه..
هدى: من شنو حبيبتي..
ساره: من كل شي.. ناصر.. ام فهد.. حياتي معاه.. خايفه افشل مره ثالثه..
هدى: قربت منها وصارت تمسح على كتفها..لاتخافين وخلي ايمانك بالله قوي...وبعدين خايفه منه ليش.. رب العالمين عوضك عن كل شي.. واحد يبي بس رضاك..
ساره: مو هذا اللي خايفه منه..
هدى: اجل ايش...
ساره:.............
هدى: فهمت عليها.. حبيبتي ناصر مبين عليه متفهم وحساس يعني مو متخلف مثل.... مابي اقول اسمه.. واكيد ماراح يسوي الا اللي يريحك..
ساره: انتي ماتدرين.. رجعت لي الكوابيس... هالأسبوع من كثر ماافكر في الموضوع....
هدى: كله من تفكيرك.. تعوذي من الشيطان واقري قرآن عشان تهدى نفسك..
ساره: هزت راسها..
هدى: يلا قومي انزلي معاي...
قامت ونزلت معاها.... لكن الخوف لسه بقلبها..........
الساعه 3 الفجر..........

اماني: لاحول ولاقوة الا بالله ..
راحت لغرفتها.. وفتحت النور.. لقتها تصرخ وتحرك ايديها ورجولها بقوه..
اماني: مسكتها.. وهزتها.. ساره.. ساره.. اصحي..
ساره.. فتحت عيونها.. وتطالع اماني بنظرات فزع وخوف.. انا وين...
اماني: ببيتك حبيبتي بين اهلك..
ساره: مسكت يد اماني.. وهي تبكي.. لاتخليه يجي.. واللي يسلمك لا تخليه يجي..
اماني: ماراح يجي ..و حضنتها.. ليما نامت..

جات ام عبدالرحمن: نامت......
اماني: ايه... يمه ش راح نسوي.. بتتزوج وهي على هالحال.......
ام عبدالرحمن: الله يشفيها على ايد زوجها..
اماني: شنو؟؟.. يمه زوجها اكيد ماراح يعجبه هالشي... وبعدين يمكن يسبب لها مشاكل معاه..انتي فاهمه انا شنو اقصد...والكوابيس رجعت لها هالفتره قبل زواجها بأسبوعين... يعني اكيد راح تأثر عليها بعدين..
ام عبدالرحمن: طيب شنو نسوي.. زواجها باقي له اقل من اسبوع...
اماني: ماادري.. بس كان لازم من قبل نحل الموضوع...
ام عبدالرحمن: مااردي ش صار لها.. مرت اكثر من ثلاثه شهور بخير ... والحين يوم قرب زواجها.. رجعت لها.. لاحول ولاقوة الا بالله......

بعد يومين..ساره اخذت اجازه..
الصباح...
صحت ساره مصدعه وتعبانه وحاسه بجسمها مكسر..
الكوابيس اللي شافتها البارحه نكدت عليها فرحتها.. وكل شي.. رجعت لها ذكريات حاولت ثلاث سنوات تتناساها.. لكن ليش رجعت هالوقت بالذات... لاحول ولا قوة الا بالله...
ساره.. بعد ماصلت الفجر.. جلست على سريرها وحطت راسها بين رجولها..
رن جوالها.. كان على التسريحه.. هذي نغمة ناصر..ماردت عليه.. دق مره ثانيه.. ماردت......
ناصر: شفيها ماردت.. معقول تكون نايمه..يمكن... ولو ان قلبي حاس ان فيها شي..
جات اماني لساره..
اماني: سارونه قومي افطري.. سعد تحت جايب فطور...
ساره: على سريرها.. وتطالع في الفراغ.. وعيونها متورمه من كثر البكي وقل النوم.. مابي....
اماني: جلست جنبها..وحطت يدها على كتفها..شفيك حبيبتي؟؟ تكلمي افتحي قلبك..








ساره: مابي اتزوج.....
اماني : ايششششششششش؟؟؟؟؟؟
ساره :ايه مابي وخلاص..
اماني:جنيتي.. الحين قبل كم يوم من الزواج تقولي هالكلام..
ساره :تصرخ بين دموعها.. افهموني .. مابيه,,,
رن جوالها..
اماني قامت جابته.. طالعت الأسم..ناصر......مدته لها..ردي عليه..
ساره: لفت وجهها الجهه الثانيه.. مابي اكلمه.....
اماني: مايصير.. وبعدين الحين ماتقدري تتراجعي.... تضيعين احسن رجال بالدنيا بسبب خوف.....
ساره: انتي قلتيها رجال.. كلهم مثل بعض.....
اماني: وطالما كلهم مثل بعض ليش وافقتي عليه من الأول.... ليش ماقلتي هالكلام عنه ورفضتيه مثل مارفضتي اللي قبله...
ساره: تطالع اماني.. وحست خناجر تطعن قلبها..آآآآآه لو تدرين انا ليش وافقت عليه.. مو برضاي.. هو هددني وخلاني غصب اوافق ....
اماني: ردي علي ليش ساكته...
ساره : ......... ماادري...
اماني: قامت.. اسمعيني هالكلام ماعاد ينفع الحين.. الرجال يبي بس يسعدك وانتي تقولين مابيه.. اذا صممتي على رايك راح تكوني غبيه وتضيعين فرصة عمرك.. ولا تنسي الكلام اللي راح يطلع عليك.. تبي تتطلقي مره ثالثه.. وطلعت..
تركتها في حيره وخوف... طلاق... مره ثالثه.. لالا... ش سوي ياربي.. الخوف بيذبحني..
وصلها مسج...من ناصر..حبيبتي اذا صحيتي كلميني ضروري..
قرت المسج وحطت وجهها على المخده وبكت..

عند ناصر.......
ناصر.. ياربي اش فيها.. موطبيعيه.. جلس يفكر.. كيف راح تكون حياتهم.. معقول.. اش هالأحساس اللي جاني فجأه.. معقوله تكون مثل هيفاء.. وتستغل حبي لها..انا غبي دللتها وسمعتها احلى الكلام.. يمكن تطلع ماتستحق.. وتخونني.. لا راح تشوف شي ثاني لو بس حسيت انها تحاول تخونني او تستغل حبي لها..
رن جواله.. هي.. ابتسم..
ناصر: هلا بعمري..
ساره: بصوت يرجف ... هلا بك..
ناصر: اش فيك صوتك مو طبيعي...
ساره: ابد ولا شي تو صحيت من النوم..
ناصر: (حاس انها تكذب).. اهاا صح النوم اجل..
ساره: حست بغصه...صح بدنك..
ناصر: حبيت اقولك ان كل شي جاهز باقي بس انتي تشرفي بيتك وتنوريه..
ساره: تمام.. اخبارك انت.. وعبودي..
ناصر: تنهــــــــــد بقوه.. مشتاقين لك......
ساره: وانا بعد......
ناصر: انتي شنو؟
ساره: ناصر.. انت تفهم شنو...
ناصر: بالمصري.. فاهم بس باستعبط..
ساره:ههههههههههههههه
ناصر: دووم هالضحكه يارب......
تكلمت معاه دقايق,, وسكرت من عنده...

هذا حالها من اسبوعين.. خايفه ومرتبكه.. لكن تكلمه دقايق تنسى خوفها.. كلامه يخليها غصب تطمن..

قبل الزواج بيومين......
فاتن: جهزتي اغراضك كلها..
ساره: ايه.. هاذي تروح الشقه.. وهاذي باخذها معاي.. اووه صح نسيت في فستان ابي احطه عشان البسه بعدين..
رن جوالها.. نوره: مرحبا بمرت اخوي الحلوه...
ساره: هههه هلا فيك.. من ذوقك..
نوره : اخبارك مع التجهيز...
ساره: الحمدلله ... خلصت... ارسلي السواق ياخذ الشنط.....
نوره: طيب.. تعالي كنت بقولك شغله...
ساره: خير..
نوره: الخير بوجهك.. اسمعي اخوي الرومانسي راح يهديك اغنيه وانتو على الكوشه... لاتقولي له يذبحني بعدين..
ساره: هههههههه طيب ماراح اقول.. وبعدين...
نوره : اقول وانتي ليش ماتسوين مثله تهديه اغنيه بعد..
ساره: اممممم.. هو اكثر شي يفضل الأجنبي..
نوره :ايه...
ساره :طيب في عندي اغنيه حلوه وتصلح..
نوره: طيب حطيها في سي دي او فلاش وعطيها السواق اذا جا..
ساره :طيب..
نوره: ارسل لك السواق الحين..
ساره: ايه ماعليك امر...
نوره :اش دعوه...باي
سكرت من عندها وقامت تجهز باقي اغراضها..
ثلاث شنط.. وحده صغيره راح تاخذها معها الفندق.. والثانيه وسط.. لأنهم بيسافرون ماتدري وين ناصر مسويها مفاجأه.. والثالثه فيها باقي اغراضها بتروح شقتهم......
ساره:امممم هاذي.. مع انها قديمه لكنها رومانسيه وتنفع.. حطتها في سي دي..
وصل السواق..
سلمان وتركي نزلوا اغراضها..
ساره: سلمان عطي السواق هاذا وقوله حق نوره..
سلمان: طيب.. تامري عمتي العروس..
ساره: هههههههههه.. عروس.. هالكلمه ماحست فيها .. حتى في زواجها الأول..
وصلوا اغراض ساره الشقه..
ناصر: مبتسم وهو يشوف الخدم يرتبوا اغراضها في الخزاين..
ندى: الحمدلله والشكر.. اغراضها مو هي..
ناصر: مسك كتفها وقرصها.. انتي وبعدين معاك.. دايم تخربين على الواحد فرحته...
ندى: اييي.. اتركني لا اروح اشتكي عليك اخليهم يحبسوك ولا تتزوج...
ناصر: تشتكين ها... ومسك يدها وعضها...
ندى: اييييييي.. الحقي عليه ياساره .. صار مسعور..
ناصر: روحي عن وجهي يلا......
ندى: وهي تحك مكان العضه.. هين ..اذا ماعلمت زوجتك..مااكون ندووش
وطلعت...
ناصر:هههههههه.. مجنونه..اممم باقي يوم ونص..... اووف الساعه تمشي ببطء(العيب مو من الساعه .. انت المستعجل).....
جات نوره..ناصر ابي اروح المشغل(فستانها يحتاج تعديل) ..
ناصر: وين السواق؟
نوره: مع امي..
ناصر: طيب اوديك انا..
نوره: مشكور.. بعد صلاة العشا.......
ناصر :اوكي.......
ساره:جو لها زميلاتها بالدوام...رغد ورهف ونسرين.. وطبعا شيماء موجوده رسمي...
رغد: ش رايكم نطلع نتعشى.. نسوي حفلة وداع العزوبيه لساره..
نسرين : والله جبتيها.. ليش لا.......
شيماء: وانا موافقه.. ش قلتي سوسو.......
ساره:..................... تفكر.. وخايفه..
رهف: تهز كتفها.. اللي ماخذ عقلك..
ساره: .......ها.......
الكل:هههههههههههههه
رغد : كلها يومين وتملي من وجهه.. تفكرين فيه ليش.......
نسرين: صراحه وجهه ماينمل منه.. عليه جمال .. اخس بس لو ماكنت مسميه لولد عمي...
شيماء: احلى حتى من براد بيت..
ساره : اقول كأنكم تغزلتوا في زوجي وانا ساكته.. اسكتوا بس....
رهف: ايوه ياغيور...
الكل: ههههههههههههههههه
رغد : اكيد تغار ماشفتيها ذاك اليوم بغت تذبح البنات اللي سلموا عليه..
نسرين: اقول اتركوا عنكم الكلام ويلا شوفوا لنا مكان نتعشا فيه.. انا جعت..
ساره :لحظه لحظه..
شيماء: لازم تاخذ اذن من سي السيد....
ساره: ضربت كتفها.. سي السيد طل في عينك.. مو اذن اعطيه خبر هو مايمنعني من شي ابد...
نسرين: ايه عاطيك حريه...
ساره: مو حريه.. لكن مايحب اطلع بدون مايدري.......
وقامت راحت عند الباب.. ودقت على ناصر...
ناصر: اللي كان توه يركب السياره عشان يوصل نوره المشغل
رن جواله.. طلعه وهو يسكر باب السياره.. ابتسم ورد..
ناصر: هلا وغلا .. على البال والله..
ساره: اهلين.. وانت بعد....
ناصر: ادري..
ساره: يالواثق..
ناصر:ههههههههههه امووت عليك انا..
ساره: كم مره اقولك لاتقول هالكلمه..
ناصر: اي كلمه امووت..
ساره: ايه ..بعيد الشر..
ناصر: تخافين علي..
ساره :ايه... ناصر ابي منك طلب..
ناصر: عيوني لك..
ساره: تسلم عيونك.. ابي اطلع اتعشى مع البنات.. العشا عشاني... ههه حفلة وداع عزوبيه..
ناصر:هههههههه.. طيب وين رايحين..
ساره:امممم.. لفانا.. عشان نطلع من هناك وبمر الشاطئ مول ...عندي شغله ابي ابدلها..
ناصر:اممممم الشاطئ.. طيب.. روحي وانتبهي لا تطيحي عند السياره وتضيع محفظتك ويلقاها واحد ويحبك..
ساره:هههههههههههههههههههههههههههههه
ناصر:ههههههههههههههههههههههههههه عجبتك..
ساره: ولا نسيت..
ناصر: كيف انسى الموقف اللي جمعني فيك..
ساره: ههههههههه... جات شيماء من وراها..
شيماء: اقول ماخلصتوا مغازل.. جا السواق...
ساره :الحين.. دقيقه بس..
ناصر: سمعها.. طيب حبيبتي... روحي وانبسطي...اوكي.. وانتبهي لنفسك..
ساره: ان شاءالله.. باي
ناصر: باي...
جات نوره وركبت السياره.. ومشوا..
ساره: راحت لبست عبايتها.. وركبت السياره.. آخر وحده..
رغد: كان ظليتي معاه لبكره..
ساره: هههههه سخيفه..
رهف: لو على كيفها ماسكرت..
شيماء: المشكله اني واقفه وراها ولا سمعت شي... اسمع صوت خطيبها في التلفون وهي صوتها ماينسمع..
ساره: اذا ماسكتتوا بنزل..
نسرين: لالا كل شي ولا ساره.. اسكتوا لا يكثر..
الكل:ههههههههههههههههه

ناصر: المشغل وين...
نوره: الشارع اللي ورا الشاطئ مول.. خذ اللفه اللي جنب الشيراتون وبعده اقولك وين..
ناصر: طيب.......
ساره : بالسياره.. ساكته وتطالع من النافذه وسرحانه..
وقفوا عند الأشاره اللي قبل الشاطئ..
ساره: انتفضت من مكانها. . تعرف هالسياره..شارجر اسود..كل سياراته لونهم اسود هههههههه.. هذا هو.. يضحك ويتكلم مع نوره..حست قلبها بيطلع من مكانه... مشتاقه له.. حتى جرأتها اللي تحرجها مشتاقه لها......
طبعا هو مايشوفها.. لأن السياره مظلله.......
رهف: شنو تبي تبدلي من الشاطئ؟؟
ساره:.................. تطالع في ناصر وتفكر.. معقوله هذا احساسي مشتاقه له.. وكنت افكر انفصل عنه...
رغد: نحن هنا.........
ساره:...................
شيماء: جنبها.. اشوف شنو تطالع............... اها خطيبها..
كل البنات مالوا على نافذة ساره يطالعونه...... كان لابس قميص اسود نص كم... ومبين شوي من عضلات كتفه.. وذقنه طالع شوي.. وطبعا الأزرار الثلاثه اللي فوق لازم مفتوحه......
ساره: اش فيكم..
رغد: نتغزل في المملوح اللي في هذيك السياره واشرت على سيارة ناصر.....
ساره: مدت يدها تبعدهم....... صحيح انكم سخيفات بعدوا يلا......
شيماء: بس نطالع ماراح نسرقه منك..
ساره: لا ممنوع..
فتحت الأشاره وسيارة ناصر مشت قدام .. اما سيارة السواق لفت عند الشاطئ..
شيماء: خساره راح..
رغد: شوف الغبي روح لفانا..
ساره: طيب.. ننزل نبدل الأغراض بعدين نروح لفانا..
رهف: اقول قوموا ننزل يلا ...
نزلوا الشاطئ.. ساره بدلت الشغله اللي تبيها......
رهف: ش رايكم نتعشى هنا...
شيماء: ليش لا.......
رغد: ولو انا ملينا من كثر مانتغدى هنا.. بس يلا......
طلبوا لهم عشا وراحوا قسم العائلات..
بعد ساعة رجعوا كل وحده بيتها..

ساره: بعد بكره الزواج........مو عارفه شنو تحس.. فرح خوف..يمكن فرحانه بس خوفها مغطي على كل احساس ثاني......

ناصر.. كل اللي شاغل تفكيره كيف يسعد ساره...لكن خايف يقول لها قد ايش يحبها..

بكره الزواج.........
ناصر مادق على ساره يومين(يتثيقل الحبيب) وهي الحمدلله جات منه...مادقت..
ساره... موقادره تنام.. من الخوف اللي مالك قلبها.. كيف راح يتعامل معها في علاقتهم الزوجيه...هل راح يكون مثل ماهر.. مااتوقع لأنه كان رومانسي معها مرره ايام الخطبه.. لكن ماتدري يمكن هذا قناع.. بعدها يكشف وجهه الحقيقي.. هاذا اللي شاغل تفكيرها وبس.......
غطت وجهها بالمخده ابي انام.........
.............
في بيت ابوناصر........
كانوا مجتمعين في الصاله.. يتكلمون عن العرس,, وناصر مبسووط ع لآخر وعبدالله في حضنه..
اندق جرس الباب.........
فتحت الشغاله الباب......

الكل:؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟











هيفاء...........وامها..........

ناصر: هذول عن جد هادم اللذات ومفرق الجماعات...ايش جابهم هالوقت..
ندى: وهي تهمس لنوره.. ياخوفي ياخوفي تخرب عليه فرحته..
ام هيفاء: مساءالخير..
ابوناصر: هلا اختي.. تفضلي..
عبدالله شاف امه: دفن وجهه بحضن ابوه وهو يقول بابا اخاف منها..
ناصر: وهو يمسح على ظهره..لاتخاف حبيبي....
طبعا هيفاء.. العبايه كلها الوان وتلمع ومكياج كامل..والعطر ريحته نفاذه..
راحت سلمت على خالها.. وجلست جنب امها مقابل ناصر.. وحطت رجل على رجل.. وبانت رجلها..لابسه قصير الأخت..
ناصر: نزل عيونه وتنفس بقهر.. حمل عبدالله وقام..
هيفاء: وين........
ناصر: مشى ومارد عليها.. راح لغرفة نومه.. وجلس على السرير وعبدالله بحضنه..
هاذي اش جابها هالوقت بالضبط.. بكره زواجي..جايه تخرب علي بس.....

في الصاله..
ام هيفاء: سمعنا ان ناصر بيتزوج.. نشره عليكم محد عزمنا..
ابوناصر: والله يااختي انتو محد يدري عنكم شي... سافرتوا و انقطعتوا عنا حتى هيفاء ماتسأل عن ولدها..
هيفاء: حركت فمها بملل.. اووف هذرته فاضيه.. قلت مو جايه..
ام هيفاء :اسكتي..ايه يااخوي.. البنت تزوجت وانا بعد وتدري الحياة مشاغل..
ابوناصر: الله يعين الجميع.. استأذن انا..وقام راح لولده اللي كان قاعد مع ولده(صار لغز)......
هيفاء: واللي بيتزوجها .... شلون شكلها.....
نوره: حلوه تجنن من برا ومن داخل..
ندى: اخوي طاير من الفرحه ويعد الثواني ....
هيفاء:يحبها......
نوره: بس يحبها.. يمووووووووت فيها(قالتها بطريقه تبي تقهرها)......
هيفاء: ايش هالقلب عليه.. مو كان يحبني..
نوره :كان .........
ندى: وهي تلعب بشعرها وتغني..
اللي مايعرف قراره واللي ماصح اختياره.. هو جاب لأيده ناره..
ماوفى مره لحبيبه نكر حبه وخان طيبه... الله لايجعلها غيبه..
سيبه عذب حبيبه...
هيفاء: ايش تقصدين؟
ندى: اغني حرام الواحد يغني...
هيفاء: لفت وجهها الجهه الثانيه.. وطلعت جوالها...
ام هيفاء: اجل احنا نمشي.. لا تواخذونا عندنا اشغال وطلعوا...
نوره وندى وبدريه وام فهد:؟؟؟؟؟؟؟؟؟؟؟؟؟؟؟؟؟
بدريه: حتى ماسألت عن ولدها..
ام فهد : مثل ماسوت امها لما تزوجت ناصر... ثلاثه شهور ماسألت عنها..
ندى: اقوم اروح ابشر المعرس انها انقلعت......
ابوناصر: يمكن جايه تبي ولدها...
ناصر: مستحيل تاخذه...
ابوناصر: حرام تفرق بين ام وولدها..
ناصر: هاذي ماتستاهل تكون ام... وينها اكثر سنه وهو معاي حتى بالتلفون ماتسأل عنه ... تقول تبيه.. وبعدين شفته لما شافها كيف خاف منه..
ندى: فتحت الباب بأقولا ماعندها.. راحــــــــــــــــــــت..
ابوناصر وناصر: ههههههههههههههههههه
ندى: ليش تضحكون..
ناصر: لأن شكلك يضحك... منو اللي راحت..
ندى: هيوف.......
ابوناصر: ماقالت تبي تشوف ولدها؟
ندى: لا......
ناصر: الحمدلله........ لكن خربت مزاجي...اممممممممم ادق على ساره.. محد يروق مزاجي الا هي.........
ساره كانت قاعده مع امها واخواتها يحضروا للعرس..
ساره :يمه صبي لي قهوه..
صبت لها وعطتها.. جات لينا تركض وكبت عليها..
قامت بسرعه تنفض ثيابها..حرقها شوي..
دق ناصر..
ساره: معقوله داق الحين..الو..
ناصر: فديت الجوال انا..
ساره: الجوال ها.....طيب مو راعيته؟؟؟
ناصر: يلمس خدك.....
ساره: ناصر وبعدين...
ناصر: الوعد بكره..
ساره: ترى بسكر مو ناقصه...
ناصر:ههههههههه تسويها؟؟
ساره: اذا زودتها اسويها..
ناصر: طيب.. شفيك مو ناقصه..
ساره: انكب علي فنجان قهوه......
ناصر: بس فنجان.. انا انكب علي كوب كبير وماقلت شي حق اللي كبه..
ساره :كنك تقصدني..
ناصر: هههههههههههههههههههههههه
ساره: والله كنت تقدر تهاوشني...
ناصر: ماقدرت..
ساره: هههههههههههههه
ربع ساعه وسكر الجوال... رووووووق... متى بس تكوني معاي..
.................

اليوم الزواج...........
ساره .. نامت وهي مرتاحه.. صلت ركعتين لله قبل ماتنام وقرت قرآن والحمدلله ارتاحت ونامت...
ناصر.. حضن عبدالله ونام.. تطمن انه معاه.. وبكره بتكون معاي..

الصباح..الساعه 10
اماني: صاحيه بدري اشوف..
ساره: ابتسمت... ايه الحمدلله نمت زين.. بدق على شيماء وفاتن يجون بدري..
اماني : طيب..
دقت عليهم يجو بدري عشان مايتأخروا على الصالون..
راحت المطبخ..
فطرت وجلست بالصاله.... راح يوحشني بيت اهلي..
تركي: وانا.. اكيد بتشتاقي..
ساره:ههههههه والله يتذكرك اذا كان هدوء...
تركي: هههههههه.. ساروه تعالي كل يوم..
ساره: وليه؟
تركي :يمكن يوم اكون مفلس شي. . الا انتي موجوده..
ساره: ضربته على كتفه رووح يالنصاب...
سلمان: اختي سارونه حبيبتي..
ساره: الموضوع فيه مصلحه...نعم...
سلمان: خطبيك بيزفك في الموستنج .. خليه ياخذ بي لفه قبل الزفه...
تركي: وانا بعد...
ساره:هههههههههههههههههههه.....
حاسه انها بتفارقهم.. لكن موحاسه بخوف مثل قبل... كأن في شي يطمن قلبها..
ناصر.. صحى مرروق...
شاف مسج في جواله...... عقد حواجبه.. اللهم اجعله خير......
ناصر: ندوو.. ديري بالك على عبداللله...انا رايح مشوار..
ندى: تامر امر...يااحلى معرس..
ناصر: تسلمين يارب... وطلع..
ركب سيارته الهمر.. تذكر ساره انها ماتحب تركبها..
دق على هيفاء..
هيفاء: بدلع هلا بأبو عبدالله.......
ناصر: بدون نفس.. اخلصي ش تبين..
هيفاء: 10 آلاف بس.....
ناصر: وليه؟
هيفاء: محتاجه....
ناصر: و زوجك البطران وينه......
هيفاء: متزاعله معاه...
ناصر: 5 آلاف مافي غيرهم.....
هيفاء: اجل بخذ عبدالله.....
ناصر: حاولي بس.......وانا ادفنك بمكان محد يدري عنك ولو بعد10 سنين..
هيفاء: بلعت ريقها.. لكن........ناصر انت كنت تحبني ش لي غيرك..
ناصر: ههههههه.. احبك... هذاك اول ياماما.. مات حبك يابنت عمتي..
..شوفي اذا دقيتي علي مره ثانيه او فكرتي تمري جنب بيتنا والله...ثم والله اسوي اللي قلت بسويه..وسكره بوجهها...
هيفاء: ش للي غيره.....
ناصر: حقيره خربت علي احلى يوم بعمري.......وينك ياساره..
معقوله تكون مثلها..اعوذ بالله من الشيطان الرجيم......
تذكر كيف كان يحب هيفاء .. ايام المراهقه..ضحك على نفسه وهو يقول مات حبك ياهيفاء من زمان..

مات حبك....بعد لاتسأل عليه..
مات حبك.. انت هذا اللي تبيه..
مات حبك.. روح وانثر له ورود..
وابكي ياخاين على اللي صار فيه..
انتهى اللي بيننا ولا تظن اعود..
مابقى لك عندي صدق اي وجود..
انتهيت وبعد ش اللي ترتجيه..
مات حبك.. مات حبك..
كيــــف سميتك حبيبي.. وكيف حبيتك سنين..
الفرق واضح. واكتشفته.. انت وين وآنا وين..
ياخساره عمري كله..ودمعتي وقلبي الحنين..
بلحظه بعت سنين حلوه.. حتى غيري تشتريه..
مـــــــــــــــــات حبك.....

رجع بيتهم..
لقى ندى قاعده وعبدالله يفطر..
جلس جنبه.. وباس راسه...
ندى: اقول متى بتروح الكوافيره..
ناصر: هههههههههههههههههههههههه..
ندى: أأأ اقصد الحلاق..
ناصر: الله يرجك ضحكتيني وانا مالي خلق اضحك.. من متى اروح حلاقين ياخبله .. هو بيجي البيت..
ندى: وليش مالك خلق تضحك.. متهاوش مع ساره..و هي ترفع حواجبها..
ناصر: لا.. الله لا يقوله ..مع البلوى القديمه..
ندى: بصوت واطي هيفاء..
ناصر: ايه...
ندى: ليش ليش.. ايش صاير..
ناصر: قام بعدين.. مابي اخرب مزاجي.. اووف متى تجي المغرب...
ندى: يمه منك انت...
ناصر: ههههههههه وهو يحضن عبدالله..

ســــــــاره..
في الكوافير..
شيماء: اليوم طالع قمر.. في طلتك ياسلام..
ساره: ههههههههههه ونزلت عينها بخجل..
فاتن: الله يهني ناصر فيك..
ساره.. مثل الملاك.. طبعا فستانها ذوق ناصر.. مثل فساتين الاجانب ناعم مرره.. ومكياجها وصاها مايكون ثقيل.(يتدخل في كل شي وساره مبسوطه عليه..يحسسها انها مهمه بالنسبه اليه..وهي كذلك..حلوه لا تكثري منها)......
مكياجها هادي.. بارز جمالها الطفولي..فستانها مثل ماقلنا ناعم.. والطرحه اطول من الفستان من راسها لتحت من قدام ومن الخلف تكون مثل الذيل مع ذيل الفستان.. اما باقتها.. زنبق ابيض..(ناصر هو اللي اختارها بعد.. اقول لكم يتدخل في كل شي)........
خلصو من الكوافير...
دقت فاتن على سعد.. وقالها دقايق وجاي.......
جا.... وراحوا ل قصر الأفراح........