بنات ....."" قلبها ميت ""

[mizo_wizo]

بنات ....."" قلبها ميت ""

يا بني مش شايفنى بتكلم؟؟ اسكت شوية وبلاش تتكلم في اللي مالكش فيه....
تصدق أن الحوار السابق دار بين بنت وصاحبها في أحد الشوارع بمصر؟؟ تصدق كمان أن الكلام ده كانت بنت بتقوله في خناقة بسببها؟؟
الموضوع باختصار أن الاثنين كانوا بيتمشوا في الشارع وفجأة 3 شباب عاكسوا البنت اللي كانت لابسه " هاف ستومك " ولسه صاحبها هيرد ويدافع عنها قامت قالت
" اسكت أنت شوية الخناقة دي بسببي وأنا هعرف أدافع عن نفسي كويس "
الولدأتغاظ وقال " أزاي تتكلمي ومعاكي راجل "
ضحكت وقالت " أنت لو راجل محدش كان عاكسني من الأول "
وشوية والثانية أتقلبت الخناقة سخرية من الولد والناس وقفت تتفرج وواحد طلع وقال
" يا نهار اسود عشنا وشفنا البنت واقفة تتخانق وصاحبها بيتفرج " وواحد تاني رد " الدنيا أتقلبت البنت بتتخانق ولا 100 راجل "
ده غير الألفاظ الجارحة اللي قالها ناس تانية..الحكاية دي فكرتني ببنت صاحبتي كانت بتحكي لي أنها تحب الــBoy friendبتاعها يكون ضعيف الشخصية علشان تعرف تسيطر عليه وتعمل اللي هي عايزاه وتخرج وتدخل براحتها.
البنات أصبحن يفضلن أن يكون فارس أحلامهن صاحب الشخصية الضعيفة , زمان كان فارس أحلام البنات رجل بشنب , طول بعرض, رشدي أباظة يعني ,يكون صاحب شخصية قوية وصوت عالي
" سي السيد " .
جرب تسأل أي بنت دلوقتي فارس أحلامك عامل أزى وهتسمع مواصفات غريبة,, بنت قالتلي مرة أنا نفسي أتجوز واحد كان صايع وجرب كل حاجة قلتلها ازي يعني ,, قالت يكون شرب كحوليات ومخدرات وكانت له علاقة بالبنات علشان اضمن انه ميلعبش بديله بعد الجواز....طبعا كلامها غريب,, أول مرة نسمع أن البنت عايزة ترتبط بواحد بالمواصفات دي ,,, في بنت تانية قالت:" ياريت يكون ابن مامته علشان اعرف اعمل اللي في دماغي برحتي ولان الواحد بمواصفات دي سهل التحكم والسيطرة فيه " غريبة أوي بنات اليومين دول.
واحد صاحبي كان مطرقع بمعني الكلمة وعلي طول " مهيبر" <مخدر ومش في الوعي> لقيته من كام أسبوع أتغير مرة واحدة ودقنة طويلة وبقي متدين فسألته فيه إيه فقال: أصلي متضايق شوية فسألت صاحبته قالت : أصل إحنا غلطنا مع بعض وأنا حامل وكانت بتتكلم عادي وبكل هدوء يعني أنت مش زعلانة,, ازعل من إيه هو لما عملنا كده كنت شاربة مثلا ؟؟ أنا كنت في كامل الوعي وأكيد مش هعمل حاجة مش عايزاها وكمان دي مش أول مرة تعمل فيهاكده بس حظه إني بقيت حامل المرة دي..صاحبي زعلان وحاسس أنه في مشكلة كبيرة لأن البنت حامل ودي فضيحة لكن البنت مش في دماغها.
يا تري إيه السبب الحال اللي وصلت له البنات لدرجة أن قلب الواحد بقي ميت؟؟ إجابة تحتاج إلى دراسة حقيقية لاكتشاف سبب ما وصلت إليه الفتيات ناس بتقول إن الفضائيات وما تعرضه هو السبب وآخرون يرجعون السبب إلى الحرية الزائدة التي منحها الأهل للبنات ....
أخر كلام بجد إحنا محتاجين لدراسة تعرفنا إيه هو موطن الخلل علشان كل اللي انكسر يتصلح