قصة شوق و خالد....."انا ما احبج بس اعزج حيييييييل"....

السلام عليكم ورحمة الله وبركاته

قلت القصص فاضية خليني احط لي روااية منقولة لعيونكم

=====================


البارت الاول:

في يوم من ايام الكويت الشتويه البارده كانت دلال قاعدة في ستاربكس شرق تشرب قهوة حارة و تتنظر نور و كل شوي تطالع الساعه......و بعد نص ساعه وصلت نور....

دلال: انام!
نور: ههه....سوري بس زحمه
دلال: عن العياره قولي ساعه تبدلين كالعاده
نور: ليش طلبتي كوفي...جان نطرتيني!!
دلال: لا و الله !!
نور: اي شدعوه
دلال: تعالي شلون حواجبج فصخي النظاره اشوف
نور: اي صح!!....ابيه شي خيال ....شرايج؟؟
دلال: مممم....نايس!
نور: اي بعد مع الميك اب....احلى و احلى
دلال: اي شغل عدل و الله.....انا ودي احط بس مابي اسود ابي براون مع شعري احلى
نور: اي يطلع زووووغه!
دلال: دريتي مها ال.. انخطبت
نور: حلفي
دلال: اي ما وصلج المسج
نور: لا دزيلي.....منو؟
دلال: شرايج يبيلها ذكاء يعني
نور: لا تقولين حمد!!
دلال: جنه خبر يديد الحين ....يبا صارلها مظبته سنتين و ما تبن ياخذها
نور: و الله هالبنات .....مالت علي و عليج
دلال: و ليش اعور راسي و ادورلي واحد.....اسم الله علي شفيني....اللي يبيني هو يجيني مو انا اروحله !
نور: انزين فكيني الفيلم بيبدي!
دلال: يلا مابي كوفي ....باخذ بوبكورن

نور و دلال بنات خاله و رفيجات و ثل الخوات ...و كلهم يدرسون في الهندسه و باقيلهم كورس على التخرج
نور بطبعها خجوله شوي عكس دلال اللي وايد اجتماعيه و جريئه.....نور البنت الثانيه بين 3 بنات (الاولى مريم 26 و الصغيره فرح17) و اخ كبير (عبدالرزاق 27) و دلال بنت وحيده بين 4 شباب 2 اكبر منها و 2 اصغر (خالد 31 و مشاري 27 و زيد 20 وبندر 17)

المكان : بيت دلال....يوم الخميس الظهر

منيره (ام دلال) : اللووو...
حمد (ابو دلال): هلا عمري
منيره: وينك بو خالد....تاخرت
حمد: يلا كاني ربع ساعه عندج
منيره: اي لانه بس انا و انت بنتغدى سوى
حمد: ليش وين العيال
منيره: زيد و بندر راحوا الشاليه....و دلال طالعه مع نور...و خالد و مشاري للحين بدواتهم كالعاده
حمد: انا جم مره قايل يوم الخميس الغدا بالبيت....و عقب عندهم الويك اند مع ربعهم....بس عيالج كله عناد و بس
منيره: ويه بو خالد خلهم شباب و بيستانسون.....يعني انا مو كافي ؟
حمد: انتي الخير كله يا ام خالد...يلا انا دخلت الشاميه
منيره: يلا اقولهم يحطون الغدا

المكان: احد شركات الاستثمار ....مكان عمل خالد..كان خالد قاعد بالمكتب و يتكلم بالموبايل

خالد: بابا قتلج بعدين
شوق: خالد متى يعني....صاؤلي اسبوع احن!
خالد: و انا قتلج مشغول....شلون يعني اهد شغلي و اجابلج؟؟!!
شوق: اي شنو ما استاهل يعني؟!
خالد: مليون مره قايلج لا تقوليني حجي ما قلته!....انا ما قلت ما تستاهلين...انا مشغول تفهمين!
شوق: واااي ....خالد ترى و الله ولهانه عليك....شفيك ما تفهم؟!
خالد: انتي و بعدين ويا لسانج هذا!!....يبا خلاص قتلج اليوم بالليل اشوفج زين!
شوق: لا مو زين...خلاص مابي اشوفك!...باي!

خالد: لا و الله تسكره بويهي....اوريج يا شوقوا!

شوق حبيبة خالد...و صار لهم مع بعض 3 سنين....شوق بنت جذابه حيل...طويله دات بشره حنطاويه و شعر اسود مثل الليل و عيون سوادها كاحل مكحله من الله....تحب اللبس و المكياج و شكلها من اولوياتها....طبيعتها جريئه حيل و ما نهتم لراي الناس تسوي اللي تبيه و بس...و عندها قناعه ان الواحد اذا يبي شي مو عين يروح يدورها حتى لو كان هذا الشي رجل!

المكان: سوق شرق....الوقت بعد اذان العصر

دلال: الفيلم مو بس لوعه...حسافة الوقت اللي ضاع!
نور: شدعوه ...بالعكس وايد عجبني
دلال: ما احب هالسوالف...ستايل غموض و خرابيط
نور: انزين انا ميييييته من الجوع!!
دلال: لا ان شبعانه....مو مشتهيه شي!
نور: يلا عاد بتروحين وياي غصبن عليج
دلال: انزين عيل نقي شي في افنيوز لاني عندي شغل هناك
نور: اوكي صار....بس بدق على فرح بشوف اذا تبي تي معانا......الوو

فرح: هلا نور
نور: هاي فروحه....وينج
فرح: بالبيت....ترى ابوي معصب عليج
نور: ولين.... ليش بعد؟
فرح: يقول ما يصير كل خميس تكشتين بالغدا
نور: انزين...اراضيه بعدين....انا و دلول بنروح افينيوز...تبين تين؟؟
فرح: ممم....لا مواعده شيخه ال.. بروح معاها الصالون
نور: ويييي.....شالطاري هذي من وين طالعه؟!...يلا عاد تعالي معانا
فرح: انا اصلا ما عندي شي بالصالون هي بتصيغ شعرها و تبيني اروح معاها
نور: ويع!....لا لا تروحين وياها...شفيج جم مره اقولج هذي و خواتها وخري عنهم!
فرح: اوكي....احاول اخلص منها....تمروني و لا ايكيم؟
نور: لا يلا نمرج بس ترى ربع ساعه و احنا عندج
فرح: يلا اوكي ....ببدل...باي

دلال: ها بتجي؟
نور: اها....قطيعه شيخه ال.. وايد صايره تلزق بفروح
دلال: ويع!! اخت دانا؟؟؟؟
نور: اييي ويع!
دلال: لا لا غلطانه فروح....هالاشكال مو مال تاخذين و تعطين معاهم
نور: ادري قتلها....بس فروح ما تفم


المكان: بيت نور

بدريه (ام نور): ها فروحه وين بتروحين؟؟
فرح: هلا ماما....بطلع مع دلال و نور
بدريه: وين؟
فرح: افنيوز
بدريه: الله يهديكم عاد اليوم خميش تلقومنه كله مصبنه!
فرح: شدعوه ماما عادي...معاي نور و دلال
بدريه: انزين ديروا بالكم...تبين فلوس؟
فرح: هههه....تدرين ما اقول لا
بدريه: تعالي اخذي من ابوج....شوفيلج بدله تصلح حق عشا
فرح: ليش؟ اي عشا
بدريه: خالتج موضي عازمتنا الاشبوع الياي
فرح: واي؟؟
بدريه: جذي مسويه عشا
فرح: اها
بدريه: ليش حمره بعد؟؟؟
فرح: ماما شدعوه....ترى مو بيبي
بدريه: و الله ويهج اينن بدون شي
فرح: ادري
بدريه: خلاص عيل ليش الحمره
فرح: ماما شدعوه.....يلا كا دلال قاعده تدق علي.....الو

دلال: يلا احنا بره!
فرح: اوكي...بس دقيقه

بدريه: يلا روحي حق ابوج بسرعه
فرح: يلا باي ماما (و تحبها حيييييل)
بدريه: بسسس تلفتيني حمره!
فرح: مووووووواه!
بدريه: بس روحي يالعياره!

طلعت فرح لابسه نفنوف اخضر و رافعه شعرها الاسود و حاطه حمره حمره و ماسكارا بس....و ركبت السياره

فرح: سوري تاخرت
دلال: واااو....فروح صايره تشوقين
فرح : ادري...هههه
نور: عشتوا!!....اتعب من الثقه!
دلال: سوري نور بس صكت عليكم كلكم!
نور: لا تتفخينها اكثر بروحها الثقه ذابحتها
فرح: اصلا ادري اني احلاكم....بدون لا تقول
نور: انزين جب بس!
دلال: كااااااااااااااك!!!!.....تغارين؟!
نور: انا؟!....ويع!
فرح: شغلي شي
نور: شنو تبون راشد ولا عبده؟؟
نور: راشد
فرح: الوو....هلا بندر....اها.....اي...افينيوز.......مع نور و دلول.......اوكي........هههه......انزين انزين.....يلا باي
نور: شيبي بندر داق عليج؟
فرح: و ويها متوهق....لا بس بيشوف ويني
دلال: عشتوا لبش؟؟
فرح: ذي لاني كنت مواعدته بندرس مع عض
دلال: علينا اي دراسه اي بطيخ....اصلا من الظر رايح الشاليه
نور: و الله انتوا مصخره.....اخر زمن!
فرح: وااااي.....يعني حرام اكلم ولد خالتي!!
نور: لا مو حرام.....بس بس لا تبجين
دلال : كاااااااااااك....و الله اخواني مو هينين معذبين قلوب العذارى ....:كااااااك!
نور: كاااااك!
فرح: واي حدكم سخيفين و تفكيركم وصخ!.....افففف انا ليش طالعه وياكم!
دلال: كااااااك!.....شفيج عادي مو عيب اخوي حلو ادري..ما الومج
فرح: جب!!
نور: انتي وياها سكتوا!!.......بسمع الاغنيه.....الله الله عليك يا راشد

المكان: الشاميه بيت بو خالد.....منيره قاعده مع اختها بدريه عقب صلاة المغرب

خالد: السلام عليكم
منيره: اهليييين ...و عليكم السلام....وينك يمه تاخرت بالرجعه اليوم

خالد يحب راس امه و خالته

خالد: شلونج خالتي
بدريه: هلا حبيبي
خالد: شسوي يمه لوووووييييه....ما خلصت شغلي الا قبل شوي
منيره: وي قلناك هدهم و روح اشتغل مع ابوك مثل مشاري ما بغيت
خالد: ها قاعدين بروحكم و بناتكم النسرات
بدريه: وي اسم الله عليهم.....بناتنا نسرات!
خالد: هههه.....اي و اكبر نسره فيهم دلوول
منيره: ماكو كل من طالع....مريم رايحه حق ربعها و الباجي كلهم في افنيوز
خالد: ابوي طلع؟
منيره: اي يمه راح الشاليه
بدريه: خالد....يلا ترى ما صارت متى تعطيني خبر
خالد: خبر؟
بدريه: ا ي شفيك عن البنت اللي قتلك عنها
منيره: وييي من صجج انتي....الحين يقولج يصير خير...هذا ما وراه زواج!
خالد: (متنرفز)...يصير خير انشاالله
منيره: بتروح الشاليه؟
خالد: لا يمه بطلع شوي و بروح الديوانيه
منيره: تغديت؟
خالد: لا بروح ويا واحد من الربع مطعم.....يلا انا بروح اتحمم...تامرون على شي
منيره و بدريه: سلامتك...

المكان: ميناء عبدالله....شاليه ربع بندر
براك: بنروح بنيدر تبي تجي ويانا؟
بندر: لا لا مالي خلق....روحوا انا بقعد
حمد: ليش؟؟....بلا فكنا قوم
بندر: مالي خلق
براك: يبا خله يولي كيفه.....ترى بناكل هناك دبرلك عشا
بندر: انزيييييييييييييييييين طس بسك حنه!!

طلعوا الشباب كلهم و بقى بندر بروحه بالشاليه......طلع قعد عند البحر...و ولع سيجارته...شوي جان يطلع تلفونه و يدق على فرح
فرح: الو
بندر: هلا عمري
فرح: هلا بيبو
بندر: وينج؟
فرح: للحين افنيوز
بندر: الله....يلا بس عاد ردي البيت
فرح: شفيك رايحه مع نور و دلال مو بروحي
بندر: اي انا مالي شغل فيهم علي منج انتي و بس!
فرح: هههه.....شلون الشاليه
بندر: تمام....الشباب راحوا بنيدر و انا قاعد بالشاليه
فرح: ليش ما رحت
بندر: بس مالي خلق....انزين باجر بتروحون مع امي الشاليه؟؟
فرح: اي خالتي و امي قالوا بيصلون الجمعه و بنمشي
بندر: خلاص عيل امركم.....و يلا ردي البيت
فرح: انشاالله بس شوي.....تبي اقعدك حق الصلاة باجر و لا يقعدونك ربعك؟
بندر: لا يبه انتي دقي يولون يقعدوني من زين اصواتهم اقعد عليها
فرح: ههههههههه
بندر: وااااي....يالخايسه ولهان عليج!!
فرح: مي تو والله....انزين ترى قلت حق المدري اجينا يوم السبت عقب المغرب
بندر: اي تمام....لحظه وين دلال و نور؟؟؟
فرح: راحوا زارا....انا باليديد
بندر: لا و الله....شحقه قاعده بروحج؟؟؟
فرح: شدعوه بندر
بندر: يلا الحين جدامي روحي لهم...و لا اقول لا قعدي خليهم ايونج!
فرح: واي انزين يالحجر!
بندر: اي عبالي بعد......يلا مممموووواااااه....اكلمج بالليل
فرح: اوكي بيبو...باي

سكرت فرح التلفون و لا نور و دلال راجعين...
نور: عسى ما تاخرنا؟
فرح: لا عادي
دلال: لا تخافين اكيد الميسيو دق عليه
فرح: وااااي بس عاد ترى اذيتوني!
دلال: هههههه....احسن!
نور: يلا قومو دقت علي امي تقول نروح بيتكم هي و خالتي قاعدين بروحهم
دلال: اي يلا انا من الصبح هذي طلعتي

المكان: لولرنزو الصالحيه....كان خالد و رفيجه محمد قاعدين بره ي المكان مترووس و زحمه...
خالد: ويي شخباري من زمان مو طالع!
محمد: حتى انا و الله.....القز صاير وايد ثقيييييل!!
خالد: اي و الله.....و احنا طايحيله ديوانيه!...ما ندري عن الدنيا!
محمد: بو وليد....دام احنا هني بروح ادخل الصالحيه......بودي ساعتي خربانه...تنطر و لا نحاسب و تجي معاي؟
خالد: لا روح انا بقعد
محمد: يمه منك يالعيااار اكيد طايحلك على شي
خالد : افا عليك...هههههه

مشى محمد و قعد خالد بروحه....فجاة تذكر حركت شوق لما صكت التلفون....قام طلع الموبايل و دق عليها

شوق: الو
خالد: وينج؟
شوق: و انتش عليك
خالد: شوقوا احترمي نفسج و قولي وينج
شوق: طالعه بروحي...زين!
خالد: وين؟
شوق: رايحه الرايه..عندي شغل
خالد: انزين بشوفج وين ايج؟
شوق: و انا مابي اشوفك
خالد: فكينا بلا طولة لسان....امرج الرايه و لا شلون؟
شوق: لا الرايه لا....خلاص شوف تعال مرني و نروح نقعد بالسياره
خالد: اوكي...ربع ساعه انا عندج
شوق: اوكي حبيبي

مشكلة خالد و شوق ان على كثر اختلافاتهم و مشاكلهم...الا انهم ما يقدرون يستغنون عن بعض...صج ان خالد ما يحب شوق ذاك الحب بس يرتاحلها بشكل مو طبيعي لدرجه ان هي الوحيده اللي تعرف عنه كل شي حتى ربعه و اهله ما يعرفونا كثرها....

دفع خالد الحساب و دخل الصالحيه....اول ما دش على طول راح كارتير...

المكان: بيت بو خالد
منيره: و اخيرا رجعتوا...انا و خالتكم صار لنا ساعه قاعدين بروحنا
دلال: سوري ماما..بس كان الوضع لويه شوي
بدريه: كليتوا؟؟
نور: لا يمه بس تغدينا سلطه
فرح: انا ما كليت شي!!....ميته يوع!
منيره: يلا مسوين عشا....خفايف اجبان و خضره و فطاير
نور: وين مريم؟
بدريه: كاهي راده....توني مكلمتها

دقيقتين و لا مريم داخله....
نور: انتي عمرج شنو طوييييل!
مريم: ههه....مساء الخير يا صبايا
منيره: هلا بحبيبتي...هلا...واي يا حبي لج
فرح: خالتي!!...الحين احنا لما دخلنا ما قلتي شي
منيره: هذي مريم.....غيييير!
مريم: هههه.....بعد عمري خالتي
بدريه: وي لو ندرين شكثر هالبنت ماذيتني!
منيره: ليش...هذي تاذي وي يا حلو اذيتها ....عسل
بدريه: مادري شفيها معانده ما تبي تتزوج!!....لوعت جبدي!
نور: اي اف قطيعه...فكينا روحي!
فرح: اي و الله!!!
منيره: وي مالج شغل فيهم تعالي عندي....هذول مو كفو يجابلون هالوجه القمر!
دلال: لا و الله!!!!.....يمه ترى اغار انا بنتج الوحيده كله مدقرتني...شمعته مريم تمدحين فيها!
مريم: ابيه خالتي شيشتيهم علي....ههههه

المكان: مواقف الرايه
خالد: الو...انا عند سيارتج يلا تعالي
شوق: يلا كاني

وصلت شوق و خالد يطالعها من بعيد و حس فعلا ان ولهان عليها....و قام يطالع شكلها مو منتبه ان حيل مركز معاها و ما لاحظ ان في سياره كانت وراه و تبي تطلع......كانت شوق لابسه قميص ابيض و شورت اسود و فاله شعرها ......و شوي شوي بابه جهت خالد....فتحت باب السياره و ركبت....و اول ما دخلت شمت ريحة كلونية خالد تارسه السياره...و كالعاده.....داخت من ريحتها!!

خالد: مساء الخير يا مزه
و يهب يبوسها على خدها بس شوق وخرت عنه بكل دفاشه...

خالد: افا جذي الولهانين يسون
شوق: وخر ما ابيك!
خالد: و انا ابيج شلون يعني
شوق: لا و الله....بكيفك انا
خالد: يلا شوشو بس بوسه...عشاني
شوق: مابي!! (وهي من داخل ودها تقط روحها قط عليه....لانها ما تقدر تقاومه اذا كان مغتر و مسوي القفل....و فوق كل هذا صارلها اسبوع ما شافته)
خالد: انزين بعطيج شي.....غمضي عينج
شوق: ها غمضت

طلع خالد علبة كارتير اللي كان داخلها خاتم و فتح العلبه....

خالد: لا تبطلين.....عطيني ايدج
شوق: ما ابي تجيسني!
خالد: شششش.....سكتي...

و خذه ايدها و لبسها الخاتم.....

خالد: يلا بطلي الحين

....يتبع..