حنين الطفولة!

[ضجيج الصمت]

ميخائيل أن كنت عشت الالم لمجرد قراءتك للقصة فكيف من عايشو احداثها حقيقة؟!!
نعم القصة اعتمدت على القلب فقط لانها قصة حب وفراق ولذا طغت المشاعر على المنطق والعقل فيها!
اشكر لك الحضور العذب والمميز
اسعدتني اطلالتك الرائعة في صفحتي ..
أدامك الله وراعاك

[اوبيرا]

ارجو ان تردين على ردي
‏<‏<<< قاعد ينتظر ردك ؛_؛

[ضجيج الصمت]

أوبيرا اشكرك على انارتك صفحتي بمرورك الرائع
وبالنسبة لمسألة حفظ الحقوق والكتابة بالاسم الحقيقي فهذا يمكن للرجل اما بالنسبة للاثنى اراه صعب بعض الشيء والحقوق سواء بالاسم الحقيقي ام كان مستعار ستحفظ باذن الله ومن كان بلاضمير ونقل بلاذكر اسم فهذا يرجع له!

[اوبيرا]

مشكوره على الرد
واتمنى لك التوفيق
اصدق تحيه

[ضجيج الصمت]

العفو اخوي
ويعطيك العافية..

[اجمل انسانه]

ضجيج احتفاظ اي عضو لأسمه حريه شخصيه كان كتبه بأسمه الحقيقي او غير كذا راجع لشخيصة الأنسان ذاته
لكن
انتي قلتي الأسم الحقيقي يكون بالنسبه للرجل اما بالنسبه
للأنثى اراه صعب ليش الحين أنا يوم دخلت بأ سمي كفرت مثلاً
خلاص الناس عرفو صورة نجود العنزي انا لا اشوف أذا البنت دخلت بأسمها شي صعب وجريمه لها
واسم الانثى ليس محرم وأذا أنتي دخلتي بأسم ضجيج الصمت اشوفه حريه شخصيه مافيها شي......

[ضجيج الصمت]

هلا بعودتك اختي نجود..
لو ترجعين لكلامي بتشوفين اني ماكتبت ان الانثى تكفر لما تدخل باسمها الحقيقي انا قلت صعب بعض الشيء وخاصة ان اكثر البنات في المنتديات يدخلون باسماء مستعارة وقليل جدا من تسجل باسمها الحقيقي وهذا راجع لحرية كل فتاة لكن بالنسبة اني اسجل باسمي الحقيقي في المنتدى لاشارك مشاركات عادية لايكون في مصلحتي لان لاقدر الله وصارت مشكلة بيني وبين اي شخص راح يشهر باسمي على الملأ لكن لو باسم مستعار يتعب ماقدر يشهر فيني
والشي الثاني ان اهالينا اكثرهم ماراح يرضون ان بنتهم تدخل في المنتديات باسمها واسم عائلتها الحقيقة
ومن ناحية ثانية انا احب اكتب باسم مستعار بحريتي عشان ما احد يعرفني ويجلس يدقق على كل كلمة اكتبها ..
تبقى حرية شخصية وراجعة لكل عضو واذا صارو اكثر الشباب يدخلون باسماء مستعارة حفاظاً على خصوصيتهم فكيف بالبنات؟؟
واظن انك تدرسين علم اجتماع واكيد تعرفين كيف تتعاملين مع المجتمع اللي تعيشين فيه وفقاً لاحكامه وعاداته ..
واخيرا عالم النت لايجب ان نضع جُل ثقتنا به لاننا لايمكن ان نثق في جميع من يدخلونه حتى نعطيهم اسمائنا الحقيقة ولاتنسي الاشخاص الذين جندو اوقاتهم لاذية الاخرين وخاصة الفتيات..

[اجمل انسانه]

صحيح كلامك ضجيج وكلامك على العين والراس وعين العقل كمان انا ماقصدي شي بس انا حطيت اسمي اولاً لأني ماقد فكرت انو في ناس بتأذي بعض بالأسماء او تتدقق مثلاً وأذا فيه وش الأذيه راح تكون مايهم....... وثانياً كنت قبل
ما ادخل علم نفس كانت رغبتي ورغبة اهلي اني اتخصص اعلام يعني عندي عادي الوضع
و الحين انا استنى انتهي من السنتين الي باقيه ليا بعلم نفس واخذ بأذن الله الماستر برى اكلينيكي ومنها اخذ دورات بالأعلام بأذن الله كذا ولاكذا حاأكتب اسمي يعني
مـتـــــــــــــــــــــــــأسفه ضجوجه بالنهايه لكل أنسان حريته الشخصيه

[ضجيج الصمت]

لاشك ان لكل انسان حريته الشخصية لكن انتي تقولي وش بتكون نوع الاذية وماتهم!!
ان شاء الله ماتتعرضي لاي اذية لان وقتها راح تندمين وتتذكرين كلامي زين وحتى لو صار الوضع عادي عند اهلك فكري في بكرة لو شخص خطبك هل بيوافق ان اسمك يكون على لسان كل من هب ودب في الانترنت وغيره؟؟
ولو الوضع عادي عند الكل ماكان شفنا حتى بعض الفنانات والمذيعات اسمائهم غير حقيقة ولايطلعو اسماء عوائلهم على الملأ لان اهم شي عند البنت سمعتها ..
وحبيت اذكر لك موقف بسيط حصل لي في منتدى اخر وهو ان عضويتي تهكرت من شخص ودخل ايميلي وحاول يعرف اسمي الحقيقي والحمدلله انه ماحصل الا اسم الدلع تبعي وماقصر الاخ انه راح بلغ المديرة به وبعض العضوات اللي راسلينه لي والله اعلم وين وصل ان ضجيج الصمت اسمها الدلع ؟؟؟ فكري لو اني كنت كاتبة اسمي الحقيقي في المنتدى وش كان راح يحصل أكثر؟؟هذا جزء من اسمي وشهر فيه لو اسمي الحقيقي أجل
الزمن ماصار يرحم عشان نثق في الاخرين ونأمن مكر الذئاب..
بالتوفيق نجوده في مسيرتك العلمية والله يحقق لك امنيتك ويبعد عند كل مكروه

[اجمل انسانه]

اكيد خطيبي عارف عني كل شي ههههههههههه ضجوجه
وعنده علم أني بالمنتدى مجرد أكتب وأضع ردود لأي شي عجبني زهره