للشعر أمكنه ( سجل الدخول هنا ببيت شعري اعجبك او من نظمك )

[الصمت]

لازلت احس بتعب واعماس
...................يعـاود البـال مـن مــده
لابـاس ياخاطـري لابـاس
...................السيـف مايجرحـه حــده

الشاعر// نااايف صقر

[ضجيج الصمت]

مرات احس أني من الهم مكبوت
...................... ومرات أعاتب دمعتي من شقاتي ..!
فيني تعب يستاهل الليلة الموت
............................ وفيني عنا شوه بقايا حياتي ..!
فصلت له مع زحمة الدمع تابوت
........................ ودفنت بعضه مع حكايا شتاتي ..!
وخليتني عايش ولكن بلا صوت
........................ من بعد ما علّ الزمان أمنياتي ..!

[اشراقة عالمي]

انا قلبـي مـع الناس شفـّـاف

ينثـر سجايا نيّته حبّ وزْهـور

قلبـي زجاجي كلّ ما فيه ينشاف

واكثر عباد الله ترميه بصْخور .. !!

[ضجيج الصمت]

تقول أمي إذا ودّك تشوفين الخير قدامك
تبسّمي وابتسمي واضحكي بوجه اللي يعادونك..!
واقول الخير يا يمّه اشوفه جنّة اقدامك
فداك الضحك والبسمه وفداك الكل لعيونك ..!

[الهمس الجميل]

تَدرون كيف انسَانْ يَجنِي عَلَىْ انسَانْ ..؟
يَسقِيه من نَبع [ الغَلاَ ] لين يروِيه
واذَا عَرَفْ بِ انه وصَل حَالَة ادْمَان
يصد عنه .. ويَهجرَه .. ما سَأَل فِيه

[ضجيج الصمت]

قَنـآعتيِ فَ الوقتْ وَفراق الَاصحآبْ
......حطّت لـ/ صُبري فَي فُؤاديِ مًكآنهْ

مآطابْ جًرحي صحّ بَس خآطريٍ طآبْ
......وَما عآد بآقيِ شُيّ آضحّي عشآنه

[الهمس الجميل]

من لاً يُورينٍي غلاتي و انا حي
مابيه لا من مت يبكي عليّ

ومن لا يحط ايديه بالضيق بايديّ
وقت الرخا كلن غني عن خُويّه

[ضجيج الصمت]

مشغول بال,, وطاري الحزن رايق
يجي على سبه,, ومن دون سبه !!


مغنيه صدري عن صدور الخلايق
مأألوم شعري لا وفاء وأنكتب به


حتى أنا من كثر مانيب ضايق
حاولت اعافه وأثرني صرت أحبه !!

[الهمس الجميل]

حيـآتي .. " دروُس " وعشتهـآ مستفيد وفـآد
بعيد .. " المدى " والنـآس كـآشف معـآدنهـآ

[ضجيج الصمت]

انا عايش مع العالم وكل الهم في صـدري
واحـاول اخـفي دمـوعي عن اللي يحبوني

اشيل الهم عن غيري حتى لو قسى دهري
واسعـد من يـحبوني لو الحـساد لاموني