وقفـــة عتاااااااااب !!!

[نظرة حياء]

السلام عليكم ورحمة الله وبركاته

اسعد الله اوقاتكم جميعا

كمان حأخذ استراحه من الفصيح شوي ...

تصدقوا احس اني حزينه ..

نفس المشاهد تتكرر معي مره ثانيه وبطريقه مختلفه ..

لكن للاسف نفسها ..

ليه كل ما ابعد عن مشهد واحاول اهرب منو الاقيه يتكرر بسيناريوو مختلف وابطال غير ..

لكن الاحداث وحده و رغم انو المخرج مو نفسو وموقع التصوير مختلف ..

الا انو نفس الحاله هي هي ما تغيرت ..

احبابي صدقوني انو صار لكم ولاشراق العالم مكانه خاصه عندي ..

بس انتم تخلوني احس انو معاناتي في منتدايا هي هي هنا ..

رغم اني شايفه المنتدى مليان ومادري اذا الموجودين طول الوقت اعضاء والا زوار ..

الا ان حركة الاقسام ضعيفه ..

ليه صارت حالة المنتديات مترديه كذا ..

ليه الاصوات ما تلاقي صدى .

اللي يجاهدو هنا كم واحد بس والباقين وووووين ؟؟

نفس المأساة ناس تحاول تغطي وما تقدر وناس جالسه تتنكر للي فتحو لهم القلب قبل الدار ..

بجد انا فعلا حزينه ولو حسيتو اني بطلت اكتب لا تلوموني ..

ما اعرف اعيش في مكان خالي فتره مرت علي بعدت عن المنتديات لاسباب تخصني ..

عملت مدونه توقعت اقدر افضفض فيها اكتب اي شي بدون حدود او قيود .

لكن اكتشفت انو المدونات اشبه بالصحراء اللي لا فيها ماء ولا غذاء ..

حتى لو فيها هواء الا انو اي احد يجلس فيها فتره بدون ماء يموت لا محاله ..

النت من غير بشر موت وما اقدر استحمل الجلسه لوحدي ..

انتم حياة الانترنت المنتديات هي الماء والغذاء ..

سؤال احب اوجهو لكل مسؤول في اشراق العالم ..

هل كان اشراقك يعيش السبات اللي هو فيه دحين ؟؟

ومن متى بدأ يتغير ؟؟

وايش اللي وصلو لكذا ؟؟

مع اني شايفه انو عندكم اريحيه بكثير من الاقسام قوانينكم فيها مرونه الا اذا تعدى اي احد حدودو

وكمان شايفه عدد مشاركات الجميع كبيره في زمن قياسي ماشاء الله

بس ليه حاسه انو اشراق العالم فااااااااااااااااااااااضي

بجد محتاجه جواااب واعذروني على وقفة العتاااااااااااااب ..