رواية خريف الحب

نشتاق لأشياء قديمة…
ضحكات أشخاص أبعدتهم الأقدار عنا،،،
أوقات كنا فيها سعداء جدا... وأشياء كثيره لن تعود أبدا…
----------------------
ابو معاذ يحاول يقنعها/يا أروى.. البنت مالها الا زوجها ،وين مايروح تروح معاه.. ولا تنسي انا اتزوجتك في عمرها وفلتنا القريه واهلك وجينا صنعاء،ايش حصلك..
ام معاذ تهز راسها برفض/انا اتزوجتك وانا فاهمهاب يعني زواج ورجال،وماجينا صنعاء الا ومعايا وداد ومعاذ.. يعني عشت وسط اهلي لفتره طويله قبل مابعد عنهم… بعدين السعودية ماهي مثل صنعاء.. وجوري صغيره ماتتحمل زواج وغربه.، ليش ماتفهم ابومعاذ بقلة صبر/جننتيني،على كل كلمه قلتي صغيره،لاهي اول ولا اخر وحده تتزوج وتتغرب عن اهلها..ليش جوري بس الي صغيره..
ام معاذ تترجاه/ياصالح جوري على نياتها، لاتشوف كلامها وضحكها معاك وعدم خوفها منك زي اخواتها.. تحسبها قويه والله انها تخاف من الناس ولو خرجنا الشارع تتعلق في يدي زي الاطفال،تحسب كل واحد بيراقبها ويشوفها،حتى الجيران اذا جوا يلاا تسلم وتضيفهم وتهرب لغرفتها، وخرجه للناس والسوق زي باقي البنات مابتخرج.. واتنهدت وحياء/ ايش اقلك بس.. بنتك عادها… يعني مالها كم شهر.. من وقت ما… ...يعني كبرت…
تابعت بحزن وحرج/جوري ما تعرف كيف النسوان يحملوا ويولدوا،وانت تقول زوج وفوقها غربه،حرام عليك…
ماقدرت تكمل كلامها وسط بكاها لدرجة ان ابو معاذ حزن عليها حضنها وجلس يهديها وهو يفكر " انا اعطيت محمد كلمه ولا اقدر ارجع فيها.. بس كلامها صحيح.. لاحول ولا قوة الا بالله"
رجعه للواقع صوت جوري الخايف/يممه ايش فيه،،يبه امي ليش تبكي.. تعبانه؟…
جلست جنب امها اللي على طول حضنتها بقوة وهي مستمره في بكاها وصارت جوري تبكي معاها وبرجاء/يبه امي ايش قلت لها خليتها تبكي..
ابو معاذ يبتسم لها ويسحبها من حضن امها ويجلسها جنبه/مافي شي بس امك كبرت وخرفت..
مسحت دموعها بكم بلوزتها بطفوليه وهي تنقل نظراتها بحيره بينهم/لا تقول خرفت...
ابو معاذ بتصميم/ الا خرفت وكبرت،وقلت لها بتزوج عليهاوبكت..
شهقت جوري بقوه/بلااا كذب ،وبارتباك/قصدي لاتمزح كذا….
ابو معاذ ضحك وشد شعرها/بلا كذب… هااا. من قلك اني بكذب..
جوري تمسك يده وتترجاه وهي تبكي/ حرام عليك ايش سوت لك.. والله هي تحبك واحنا نحبك،ليش تتزوج عليها….
صارت تشهق/خلاص.. والله العظيم.. مالعب مع محمد وإبراهيم إذا جوا،ولا اتسلق الشجر… ولا اطلع السطح.. حتى شيماء ماكلمها.. بجلس عاقله وماتسمع لي حس ولا احد يشتكي مني… بس لا تتزوج..
ابو معاذ يحضنها بقوة وهو مصدوم من كلامها/بس بس ، والله امزح معك..
صار يحلف لها انه يمزح ويهديها وهي تبكي بقوة على دخلةمعاذ وناديه وعبدالرحمن اللي جوا على صوت ابوهم وبكاها…
معاذ بخوف/ ايش فيه.. من مات..
ابومعاذ بضحك/ لا إله الا الله.. محد مات..
عبدالرحمن بقلق/جوري ليش تبكي،والتفت لأمه اللي حضنتها ناديه/يمممه ايش فيه؟
معاذ بعصبيه/ اكيد عرف بمصيبه من مصايبها،وصيح عليها..
عبدالرحمن بقهر/ معاذ مش وقتك..
ابومعاذ /ههههههههه اعوذ بالله اي مصيبه.. ههههههه والله ماسوت شي ولا صيحت عليها،قلت ههههههههه قلت لها بتزوج على امكم،ومثل ماتشوفوا..
سحبها عبدالرحمن لحضنه وهي اتعلقت في رقبته بقوه وهي تدفن راسها في صدره، صار يمسح على شعرها وبهمس لها في اذنها يهديها…
معاذ اتمدد عالارض وهو يضحك/والله انك هبلا هههههههههههههه يابطني ههههههههه صوت البكاء وصلني احسب احد مات ولا صار فيه شي… هبلا وحده..
عبدالرحمن بعدها من حضنه ويمسح دموعها بيده وهو مقهور من معاذ/والله محد اهبل غيرك…
اتعدل معاذ وبقق عيونه في اخوه/نعممم ماسمعت…
عبدالرحمن بعصبيه/والله اذا انت ما عديم احساس، ذي مشكلتك، لازم تطلع عليك ولا تكون هبلا..
رماه معاذ بعلبة المناديل على راسه/اشوف لسانك طول.. احترمني يا اخي قدام الكلام.
ناديه بضحك/ ماكذب.. بعدين جوري حساسه مش هبلا..
معاذ وهو يحاول يضحك جوري بعد ما هدأت شويه/ماقد شفت اي احساس لها ،كل احاسيسها لعب وضرب وجنان حتى عيال الحاره عارفينها،، ههههههههههه اصحابي فقدوها كل يوم يسألوني .. وين جوري ،ليش ماعد بتخرجها معاك ،والله انها احسن من العيال.. ليش تخلوها تتغطى ،فضحوني هههههههههههه..
ناديه تقرصه بشويش/الا حساسه وعلى طول تبكي، بس مش قدامكم ،تعطيكم الوجه الجامد وتنوح في غرفتها انا عارفه.

معاذ..هههههههههههه..
معاذيفتح لها ذراعيه/تعالي ياحساسه تعالي.. راحت له وحضنها و باسها /اصلا لازم تكون حساسه،طالعه لأخوها حبيبها، صح ياقلبي.
جوري بابتسامه / اعوذ بالله اطلع عليك.. بعدين انت في طريق والأحساس في طريق ماتتقابلوا ابدا..
دفها وهو معصب/ انقلعي ياحماره.. الغلط عاللي يراضيكي.. انتي تطولي تطلعي شبهي.. هزولت ..
فكوا عليه ضحك وهو مستمر يبربر علشان يضحكها لحد مانست اللي صار