رواية عبدالرحمن وساره -رواية خايف ياقلبي خايف / كاملة

تابع


.............
في بيت نوره...
نوره : حمد... قوم نروح المستشفى.. ابراهيم حراراته مرتفعه..
حمد : وهو نايم.. مافيه شي.. حطي له كمادات ويصير احسن..
نوره : عصبت.. حمد ش فيك..اقولك ولدك مريض تقول كمادات..
حمد : انتي مكبره الموضوع.. كل الأطفال كذا.. قومي اطلعي معه برا انا ابي انام..
نوره : خلاص ماقدرت تتحمل اكثر.. انفجرت فيه.. حرام عليك خاف الله فيني.. انت يوم معي وثلاثه في الشغل.. ولما اطلب منك شي تقولي مو فاضي.. وهذا ولدك ........ وقامت طلعت وسكرت الباب بقوه..
حمد : اووف.. كل ليله نفس الموال.. انت ماتهتم فيني.. ولاتدري عني..
قام للصاله ..
لقاها.. حاضنه ولدها وتبكي..
حمد : نوره.. جلس جنبها وقرب منها يبي يمسح دموعها..
نوره : بعدت يده.. بعد عني.. مو قلت تعبان ومو فاضي لي..
حمد : حبيبتي انتي دووم تكبري الموضوع... ثلاث مرات رحنا المستشفى ويقول الدكتور مافيه شي.. وانتي لو يبكي قلتي نروح المستشفى..
نوره : ولدي واخاف عليه..
حمد : ماقلت لاتخافي.. لكن انتي تبالغي.. يلا قومي نامي.. وبلا زعل .. باس خدها..
نوره : ابتسمت وقامت معاه.......
...........
الصباح.. صحى ومزاجه مقلوب.. راح غرفتة النوم..
تاملها وهي نايمه.. حاضنه مخدته.. رحمها.. لكن يحس انه مو قادر على قربها.. معقول اكون كرهتها..
راح اخذ له شاور وطلع قبل لا تصحى.. طلع من البيت..
الوقت لسه ماجات 7....... وين اروح....... راح البحر..
جلس يطالعه وهو يفكر.. هذي ساره.. ممكن يكون كلامه صحيح........
لكن.......
صحت من النوم اوووف 7 اكيد ناصر راح يعصب علي .. وعلى طول راحت الغرفه الثانيه..فتحت الباب بشويش..
؟؟؟؟؟؟؟؟؟؟؟؟؟؟؟؟؟؟؟
وينه؟؟؟؟؟؟؟؟؟
نزلت تحت.. مالقته... راحت الكراج.. شافت الهمر مو موجوده.. معقوله يكون طلع؟؟؟ دقت عليه......عطاها مشغول ؟؟؟؟؟؟؟
اول مره من تزوجنا يعطيني مشغول.. حتى لو كان مشغول مايسويها..
جلست على الأرض حطت راسها بين ايديها.. يارب شنو فيه..
عند البحر........
آآآه ياساره.. شنو الحل.. وين الحقيقه.. انا ماسألتها اي شي عن الماضي.. ولاهي سألتني.. اسألها الحين.. اكيد بتقول في شي... وحتى لو سألتها وكانت صحيح مثل ماقال ذاك يمكن تكذب وتدافع عن نفسها.. لكن مايصير اظلمها.. طيب شلون اعرف الصدق.. حط ايدينه على وجهه.. تعبت وانا افكر ........ تعبت.... رن جواله....... اوووووه مالي خلقها..

لبست وجهزت عبدالله.. كل شوي تدق عليه مايرد.. في الأخير قفل الجوال.. راحت مع السواق..
وصلت مكتبها.. دقت عليه..
رد : الو.......
ساره : ناصر.. فيك شي.. ليش ماترد علي....
ناصر: ببرود وبدون نفس.. ش فيني يعني.. ترى مشغول ومو فاضي لك.. وسكره بوجهها..
ساره :؟؟؟؟؟؟؟؟؟؟؟؟؟؟؟؟؟؟
ناصر: جاه السكرتير.. هذي الأوراق تحتاج توقيع..
اخذهم وهو يوقعهم.. قول للفراش يسوي لي قهوه..
السكرتير: استاذ هذا رابع فنجان تشربه من جيت..
ناصر: ويعني.. تحسب وراي انت..
السكرتير: لا.. لكن صحتك..
ناصر: مد عليه الأوراق.. بلا كلام فاضي وقوله خلصني..
اخذهم وطلع..
السكرتير : الله يعين اهله على مزاجه....
..................
في مكتب ساره........
جالسه وتطالع قدام.. شفيه.... ينقلب في يوم.. امس الظهر تغدينا سوا.. والليل يقولي مالي خلقك.. اصبر واشوف ياناصر .......
.............
في بيت ابوناصر...
ام فهد : ولدي وينه...روح دوره.....
ابوناصر: وين ادوره .. ضايع في الحاره هو.. اتركيني اللي فيني مكفيني..
ام فهد : شنو فيه اهم من ولدك؟؟
ابوناصر: ولدك هذا ضيع تعب سنين.. ويمكن نفلس والسبب طيشه ..
ام فهد : ابي ولدي....تصرف...
ابوناصر: قام عنها.. انا في ايش والا ايش.....
............
الساعه9...........
ساره.. رايحه جايه عند المدخل.. اكلمه مايرد.. وعلى المكتب بعد مايرد.. طيب ش سوي.. يمكن يكون صار فيه شي..
دخل البيت.. راحت تركض وحضنته..
ساره : حبيبي وين كنت.. خفت عليك..
ناصر: جامد مكانه ماتحرك ولاكأنها موجوده..
ساره : حست انه جامد.. بعدت وطالعت وجهه.. حطت يدها على خده والثانيه على صدره.. حبيبي ش فيك..
نزل يدها اللي على وجهه بقوه وراح فوق.. مافيني شي..
جلست في الصاله.. والدنيا تدور فيها ومليون سؤال يدور في راسها.. يمكن ماهر قال له شي.. طيب لو قال له شي راح يسألني.. ياربي تعبت..
نزل وهو لابس بنطلون جينز وبلوزه سودا وطلع بدون ولا كلمه....
نامت على الكنبه.. تعبت من التفكير..
ادق على بدريه.. لالا.. مابي ادخلها في مشاكلي معاه..
نامت........
ناصر... راح الأستراحه اللي قطعها من يوم تزوج..
وصل..
عبدالعزيز ولد عمه : هلا والله بأبو عبدالله.. وينك يارجال قطعتنا من تزوجت..
ناصر: مشاغل الدنيا..
نايف : يارجال محد ماخذ منها شي..
ناصر: انت مو متزوج......
عبدالعزيز : انا متزوج وعندي عيال.. اذا مااجي هنا كل يوم والعب بيلوت واشرب معسل.. الله اعلم شنو راح اسوي في البيت.. اقلب الدنيا..
سالم (خويهم) : هذولا الحريم ماوراهم الا وجع الراس والحنه.. طنشها اريح لك..
ناصر: جلس .. في نفسها.. اطنشها.. اريح لي.. وين ارتاح.. وهي سبب همي..
نايف : اقول مشعل.. عندك شي جديد..
مشعل : عندي وانا ابوالشباب.. شوف هذولا..
نايف : وهو يطالع جوال مشعل.. خطييييييره.. من وين جبتها..
مشعل: هذي صورها منتشره بكل مكان..
ناصر: شنو تقولون..
مشعل: قرب جواله لناصر.. شوف الزين كله..
ناصر: عقد حواجبه.. وبعد جواله.. ماتستحون على وجيهكم.. هذي اعراض ناس.. تسوون فيها كذا..
نايف : لو هي بنت ناس ماسوت كذا.. اترك عنك بس..
عبدالعزيز : جاب الورقه.. يلا شباب..
قاموا كلهم.. الا ناصر..
عبدالعزيز : ولد العم..
ناصر: قاعد وحاط يده على خده.. اشر له ...لا...
ظل معهم للساعه 11... وكل قعدتهم كلام فاضي وسوالف مالها داعي..
قام.. يلا مع السلامه..
مشعل : وين السهره لسه بأولها..
نايف : يؤؤؤ .. اتركه هذا متزوج مو انت يالعزوبي..
ناصر: هههههه.. والله انكم فاضين.. وطلع..
ركب سيارته.. ويحس هموم الدنيا فوق راسه..
.................
في بيت ابوناصر..
ندى ونوره وابراهيم على حضنها.. عند التلفزيون..
ندى: حطي على mbc الحين بيجبوا المسلسل..
نوره : اي مسلسل..
ندى: مسلسل وهي تأشر بأصبعها.. كذا.. رهييييب.. كل اسبوع حلقه..
اسمه ساكنات في قلوبنا..
جات هيفاء وهي ماسكه الاب توب.. هاي بنات..
ندى : بدون نفس هاي.. لو سمحتي نويره سكتي بزرك ابتدا المسلسل..
هيفاء : شنو تشاهدون...
ندى :تابعي وانتي ساكته...
ابتدا المسلسل..اسم الحلقه عقاب..
كانت حلقة بنت تعرفت على واحد من النت وطلعت معاه هي واختها.. واغتصبهم وصورهم هو مع ربعه.. وبعدين هددهم اذا ماسووا اللي يبيه راح ينشر صورهم.. ولما عرف ابوهم انهم كانوا مع شباب حبسهم واخذ جوالاتهم.. وفي يوم جا للبنت ايميل... فيه صورها وهي على حال ....
..بعد ماانتهى.. نوره وندى :يطالعوا هيفاء.. تبكي بقوه..
نوره : هيفاء شفيك..
هيفاء :قامت.. ولا شي ولاشي
نوره وندى :؟؟؟؟؟؟؟؟؟؟
ندى : اقص يدي هالبنت وراها ان..
نوره : خلي يدك مكانها.. وماعليك منها.. قومي ننام ابراهيم نام..
قاموا يناموا...........
وهيفاء تبكي بقهر وخوف.........
.............
في بيت ناصر...
رجع وهو متضايق اكثر من اول..
لقاها نايمه في الصاله.. وقف قدامها.. يطالعها.. بريئه.. مثل الأطفال..
هز كتفها بقوه.. قومي يلا..
ساره : قامت مفزوعه.. نعم..
ناصر: قومي نامي فوق..
ساره ... استغربت من اسلوبه.. المني.. قامت ومشت وراه..
لف على الغرفة الثانيه..
مسكت يده..
ناصر : وقف وغمض عيونه.. وهو يطالع قدام.. نعم..
ساره : انا زعلتك بشي.. ضايقتك..
ناصر: لا.......
ساره : اجل ليش تنام بعيد عني..
ناصر: لف عليها.. نظراتها فيها مليون وسؤال.. بس كذا ابي ارتاح... انتي ليش غبيه ماتفهمين.. نفض يده.. ودخل الغرفه وسكر الباب بقوه..
ساره .. لسه واقفه مكانها مصدومه... منو هذا...
هذا شخص ثاني.. نظراته كلامه.. كله قسوه.. طيب ليش؟؟؟؟؟؟؟؟؟؟؟؟؟؟
لازم اعرف بكره ليش.........
نامت.....
يوم ثاني نفس الشي صحا قبلها وطلع من البيت.. وهي راحت مع السواق..
مادقت عليه ولاشي..
وهو خلاص قرر شي.......
في الليل رجع الساعه 9........ ومثل امس دخل ولاكانها موجوده في الصاله.. بدل ملابسه ونزل.. بروح الأستراحه ولو ان قعدتهم ممله وماتسوى.. لكن احسن من مقابل وجهها....
نزل لقاها واقفه عند الباب..
ناصر : بدون مايطالعها.. بعدي..
ساره : ماراح ابعد لين تقولي اش فيك..
ناصر : وهو يشد على اسنانه.. بعدي لا تشوفي شي ماتبينه.. بعدي اشوف.. قرب ومسكها وبعدها بقوه..
ساره : مسكت يده.. لا ماراح تطلع .. قولي ش فيك..
ناصر: بعد يدها.. رجعت مسكت بأيدينها الثنتين .. وهو خلاص مو طايق قربها منه......
مسكها من كتوفها بقوه وهزها.. وبصراخ.. وبعدين معاك.. وبعدين.. يابنت الناس مالي خلقك مو طايقك.. قربك مني يقرفني.. ويكرهني عيشتي.. افهمي والا انتي غبيه ماتفهمين شي.. وبعدها..
ساره : بصراخ.. كلكم نفس الشي..... تاخذون اللي تبونه بعدين تدوسون علينا....ولا واحد فيكم رجال..
ناصر: كان ماسك مسكة الباب..... لف عليها.. ايش؟؟؟؟؟؟؟
ساره : خافت من نظرته........
ناصر: قرب منها.. اصلا هو كارهها.. بعد تقول هالكلام..
مسكها من شعرها.. وعطاها كف بالأيد الثانيه.. وهو يهز شعرها.. ايش قلتي.. عيدي ابي اسمع..بصراخ ...... قولي......

ساره : حاطه يدها على يده.. اتركني..
ناصر: اتركك.. عطاها كف ثاني وثالث...... ورماها على الأرض.. وهو يتنفس بسرعه انا الحق علي.. اتزوج وحده مثلك.. مطلقه ولا ادري عن ماضيها وسمعتها السودا.. وفوق هذا ماتجيب عيال.......
ساره : تطالعه.. فاتحه عيونها.. مو مصدقه هذا ناصر.. سمعتها السودا.. ليش؟؟
ناصر: ليش انتي تدرين ليش........
ساره : جاك واحد وقالك.. وانت صدقته..
ناصر: يعني عارفه.. الغلط مني.. ماسالت عن زواجك على بالي مظلومه طلعتي خاينه و........
ساره : رفعت يدها.. بس خلاص لاتكمل.. لاتهينني اكثر... اذا ماتبيني قول..
ناصر: ومن قالك انا ابيك.. مسكها وجرها من شعرها.. اطلعي من بيتي.. ولا اشوف وجهك......يا..........
ساره : اتركني.. اعيش مطلقه الف مره ولا اعيش مع واحد ماعنده ثقه فيني من الأول.. تركها عند الباب..... سمعت صوت عبدالله يبكي.. جات بتروح له..
ناصر: بعدها بقرف... لاتلمسي ولدي.. وراح فوق..
ساره : دموعها جمدت في عيونها.. طلعت فوق.. اخذت عبايتها وشيلتها ونزلت..
ناصر: شافها.. ونزل وراها على طول.
وصلت لعند الباب وعدلت شيلتها وطلعت..
مسك كتفها.. وين رايحه الحين..
ساره : مو قلت ماتبيني واطلع من بيتك..
ناصر: وهو يشد على كتفها.. الحين بتطلعين..
ساره : وهي تبعد يده.. اتركني مو شغلك..
ناصر: مو شغلي ها.......سحبها من يدها ورماها على الكنبه..
وضربها بكل ماعنده من قوه.......وبعد عنها.....
وهو يأشر بيده.....خلك هنا لبكره.. وياويلك لو طلعتي.. بكسر راسك ..
اخذ المفاتيح من الباب وراح فوق..
ساره .. تشوفه وهو يركب على الدرج.. ناصر.. هذا انت.. نفس الشخص اللي حبني بجنون.. بين يوم وليله تتحول وحش.. حست بشي ينزل من فمها.. مسحته.. دم.. جرحتني ياناصر.. طعنتني في شرفي وصدقت كلام واحد حقير وكذاب.. انت مثله.. كلكم مثل بعض.. انا ليش كذبت على نفسي وقلت انك مختلف عنهم.. بكت وبكت لين تعبت ونامت..
ناصر.. في الغرفه يتنفس بسرعه.. يبي يذكر اللي صار ماقدر.. معقوله .. سويت كل هذا فيها ضربتها.. واهنتها وطعنت شرفها وهي زوجتي.. اللي حبيتها من كل قلبي.. حتى ماسألتها اذا كان كلامه صحيح.. كان ودي لكن ماقدرت... الغضب عما عيوني وقلبي..
انزل اشوفها..
نزل الصاله.. لقاها نايمه على الكنب بعبايتها.. ووجها متورم.. وفي يدها منديل فيه دم..
ناصر.. شافها.. قلب ماحن عليها.. شكلها يبكي الصخر لكن كرهتها .. وخلاص ماعدت اقدر اتراجع.. مثل هيفاء.......
قام وراح غرفته ونام........
الصباح صحت... طالعت الساعه 6:30 .. حست ان كل جسمها يألمها..
غسلت وجهها.. طالعته في المرايه انصدمت؟؟؟؟؟؟
كل هذا منك ياناصر.. صلت الفجر.. طيب كيف اطلع الحين؟؟
مفايتيحي فوق.. ركبت الدرج بشويش جابت شنطتها فيها المفاتيح وجوالها.. نزلت وتوها بتفتح الباب.. شالت دبلتها وحطتها عند الطاوله اللي جنب المدخل.. مالها داعي..
طلعت من البيت.. ومشت مسافه لين وقف لها ليموزين..
الساعه 7
ناصر.. صحى من النوم مزاجه مقلوب.. نزل على طول.. مالقاها في الصاله..
طلع برا الحديقه وقف عند باب الشارع مالقى احد.. اكيد راحت من زمان.. رجع البيت وسكر الباب... انتبه لدبلتها ؟؟؟؟؟؟؟؟؟؟؟؟
حطها في يده وشد عليها بقوه..... ش سوي الحين.. طلعت من البيت وانت اللي طردتها..

وصلت بيت اهلها.. نزلت ومشت وتحس ان اغلال معقله في رقبتها ورجولها.. اغلال الهزيمه الأهانه.. الأنكسار.. اليأس..من كل شي بالدنيا.. والحقد اللي بقلبها على كل رجال.. دخلت بيتهم..وقفت عند الباب.. نزلت راسها ودموعها على خدها.......
امها وابوها واماني؟؟؟؟؟؟؟؟؟؟؟؟
ابوعبدالرحمن : قام بسرعه ووقف قدامها.. ساره ش فيك...
امها جات واماني بسرعه...
ام عبدالرحمن : ساره يمه شفيك.. من سوا فيك كذا؟
اماني : ناصر ضربك؟؟؟؟؟؟؟
حضنت امها وهي تبكي.. مايبيني يمه.. مايبيني..
امها وهي تحاول تهديها.. بس يايمه بس..
ابوعبدالرحمن : بيت ابوك هو بيتك يابنتي..
اماني.. خذيها يبه وديها ترتاح... مسكتها اماني وراحت معها فوق غرفتها..
امانب : تعالي غرفتي.. غرقتك يبي لها تنظيف.. تركتها وراحت غرفتها...دخلت..رجعت لك مره ثانيه.. نامت على السرير وهي تبكي وتشهق....

ناصر...... جالس على الدرج وحاط يده على راسه.. موعارف اللي سواه صح او غلط.. ادق عليها.. دق عليها جوالها مسكر..
ام عبدالرحمن : لاحول ولا قوة الا بالله..
ابوعبدالرحمن : دق على عبدالرحمن..لازم تجي تكلم زوجها وتعرف شنو المشكله..
عبدالرحمن : ان شاءالله بعد يومين انا برا الدمام الحين اذا رجعت يصير خير.. اهم شي لا يتهور سعد..
ابوعبدالرحمن : خير ان شاءالله..
...........
مرت ثلاثه ايام..... ساره اخذت اجازه اسبوعين..
ودوم بغرفتها وماتتكلم ولاتاكل.. وساكته.. وياسأه من كل شي بالدنيا.. خلاص مافي شي يسوى عندها.. كل شي مثل التراب.. الكل يحاول يهديها ويبون يعرفوا منها المشكله.. ماردت عليهم..
ابوعبدالرحمن : قد مايقدر يهدي سعد لا يروح يتهاوش مع ناصر..
سعد كلم نصر ومارد عليه.. هذا اللي معتبره اكثر من صديق..
ناصر.. جالس في البيت.. مايداوم.. ولسه مو مصدق اللي سواه في ساره..
..................
في بيت ابوناصر..
نوره : تسلم على ندى.. مبروك النجاح والتخرج يالدوبه..
ندى : الله يبارك فيك...
بدريه : العشا في بيتي..
ندى :اكيد وعلى حسابك..
نوره : دقي على ناصر وساره اعزميهم..
ندى :اووف كورس..
بدريه : بدت تتفلسف..
ندى: دقت على ناصر.....مارد...
اممم ادق على سارونه..
ردت : بصوت تعبان.. الو.....
ندى: هلا سارونه مرت اخوي الحلوه.. باركي لي نجحت وتخرجت.. المهم الهديه اولا.. وثانيا نصور اخوي مايرد على جواله.. ماعلينا.. انتوا معزومين على العشا ليلة الخميس في بيت بدريه اختي.......وين ناصر ابي ابشره..
ساره : ماادري عنه.....
ندى : سارونه ش فيك مريضه..ايش؟؟؟؟؟؟ وليش؟؟ باي...
سكرت الجوال.. وسكتت وكان احد كب عليها ماي بارد..
نوره : تحرك يدها قدام وجه ندى .. اييي ندوا.. ش فيها ساره..
بدريه : هزت كتفها.. شفيهم؟؟
ندى: وكانها صحت.. ها....ايه... تقول انها في بيت اهلها من ثلاثه ايام.. وماتدري عن ناصر ......
بدريه : وقفت.....ايشششششششششش؟؟؟؟؟؟؟ وماقالت ليه؟
ندى : تقول قالها ماابيك.. وطلعت.....
بدريه : في نفسها لايكون بسبب ذاك.. اخذت جوالها.. دقت على ناصر مارد.. ساره.. ماردت.. بيتهم ماردوا.....
نوره : ايش صاير؟؟ في شي تعرفينه واحنا مانعرفه..
بدريه : قومي معاي ندى..
ندى : وين؟
بدريه : نروح بيت ناصر..
قامت معها.. لبسوا وعلى طول لبيت ناصر..
نوره : كانت جالسه وفي حضنها ولدها.. الله يستر.. اكيد فيهم شي..

في بيت ابوعبدالرحمن..
ساره.. في غرفتها.. مومصدقه.. اكيد انا احلم.. راح افتح عيني الحين والقاه جنبي.. هو مايقدر ينام الا جنبي.. ناصر.. فتحت عيونها.. في بيت ابوي.. طالعت يدها.. الكدمات صار لونها ازرق.. وجسمها بعده يألمها..
رن جوالها... بدريه......مابي ارد... شنو راح اقول لها..
مسكت ومسحت اسم ناصر.. وكل الرسايل , والأغاني اللي ارسلها لها.. وصوره بعد........ خلاص ماعاد له في القلب مكان.. هو اللي اختار..
امم... ارسلها له......... فجأه انفتح الباب.......
ساره :؟؟؟؟؟؟؟؟؟؟؟؟؟؟؟؟؟؟
في بيت ناصر...
كان نايم مكانها.. على الكنبه.. وذقنه طالعه.. يطالع في الفراغ.. جواله يرن ويطالعه....مابي ارد على احد... مسج.. من ساره؟؟؟؟؟؟؟؟؟؟
فتحها.......رابط غريبه... اول مره تسويها وترسل اغنيه..
من علمك هذا الكلام.. من علمك هذي الأسيه..
وانت اللي متعود تنام..وتفتح عيونك عليا..
هذا اللي مااتوقعه.. واللي اشوفه واسمعه..
بعيش عمري من معه..لوتاخذ ايديك من ايديا..
من علمـــــــــــك..
حنيتك راحت لوين.. وش فيك ماتشتاق لي..
من بعد ذيك السنين..بديت تتمادى علي..
علمني وش سويت لك.. ش جاك مني.. ش قلت لك..
مو كافي اني مدللك..ومقدم عيوني هديه..
من علمـــــــــــك..
اول تتمنى جيتي والبعد عني يعذبك..
واللي مزود لوعتي.. الحين قربي يتعبك..
غريبه والله حالتك..ياللي الليالي غرتك..
شلون ابنسى عشرتك.. وانسى لياليها الهنيه..
من علمـــــــــــك..

نزلت دموعه... بكى بقهر... غصبا عني ياساره.... غصب عني.....
سمع صوت الجرس.. بصوت مهزوز.. ادخل..
دخلت ندى وبدريه.. ناصر؟؟؟؟؟؟؟؟؟؟؟؟؟؟؟؟؟؟؟؟؟