حسن العيسي- سبق- القنفذة: خص الشاعر إبراهيم الحربي من محافظة القنفذة "سبق" بقصيدته الشعرية التي نعى فيها الملك عبدالله، وبايع من خلال أبياتها الملك سلمان، وقال فيها:
البارحة بقلوب يملؤها الإيمان
جانا الخبر وفاة نسل صقر الجزيرة
موت المليك اللي على الظلم برهان
اللي حكم شعبه بصبر وبصيرة
والدار في عهده على خير وأمان
أدنى وأقصى فيافيها عمار ومنيرة
اللي حكم بالشرع سُنة وقرآن
وصارت من علوم البشر مستنيرة
مرحوم ياللي كل شعبك لك إخوان
من جا يبي يبني الوطن تستشيره
مديت كفك بالعطا وين ما كان
وأصلحت نفسك في العلن والسريرة
يا أعظم ملك في خدمة الحق ما لان
شعبه غشاهم مد كفه وخيرة
مرحوم ياللي كنت للعدل ميزان
وعلى دروب الخير قدت المسيرة
والشعب عقبك بايع الشهم سلمان
كل الوطن بايع صغير وكبيره
نلطم بها في وجه كاذب وخوان
ونلطم بها كل النفوس الحقيرة
حنا الوطن حنا الملك ربع وأعوان
وحنا الصقور الجارحات المغيرة
لجل الوطن نوقف على كل ميدان
ولجل الوطن نرخص دمانا غزيرة
يا سيدي وقفة محبة وعرفان
رفرف علمها في سما كل ديرة
تعلن لك البيعة على سمع وإذعان
سلمان ياللي لك على المجد سيرة
ولنايبك مقرن على أرض الوطن شان
راع المواقف في الأمور الخطيرة
ولمحمد النايف على الصدق عنوان
الشعب بايعكم كبير وصغيره
والحمد لله في رخا خير وإيمان
وأمن الوطن دونه صقور الجزيرة
أكثر...
01-24-2015, 08:40 PM
شاعر ينعى الملك عبدالله ويبايع "سلمان" بقصيدة شعرية
العرض الشجري
المواضيع المتشابهه