|
 مساحة اعلانات نصية ذهبية |
||
| كوبونات خصم | اعلن هنا | اعلن هنا |
| اعلن هنا | مساحة إعلانيه | |
|
|||||||
 |
|
|
أدوات الموضوع | انواع عرض الموضوع |
|
#1
05-06-2008, 07:39 AM
|
|||
|
|||
|
&& القضيه رقم 455 أنتحار جماعي لعائله كامله &&
[align=center]
فاتن وفتنة وفتون ثلاث بنات وحيدات ابوهم وامهم الا الاآن والموضوع طبيعي ولا فيه اي مشكلة لكن هم من نعومة اظافرهم كان اللي يشوفهم مايشوف اي ملامح للزين ويغسل يده ان هالبنات بيتزوجون لكن امهم وابوهم كأنو مأملين انه مع الوقت بتتعدل خششهم وبيصيرون مملوحات على الاقل ومع مرور الزمن كبروا البنات وصغر امل الام والاب في جمال بناتهم الكبيرة طق عمرها خمسو وعشرين والصغيرة عشرين والوسطى ثلاثه وعشرين سنة ومازالت الخشش كما هي وكأنهم محنطينهم المشكلة كل ماجاهم خطاب اذا شافوا البنات انحاشوا لدرجة ان شغالتهم انخطبت ثلاث مرات ورفضت والبنات ولا احد معبرهم واللي اصابهم بعد بإحباط مرة جاتهم حرمة بتخطب لولدها يوم قالت اجل وين البنات <----- على بالها بـتـختار يوم دخلوا عليها فاتن وفتنة وفتون تغطت الحرمة تحسبهم عيالهم يوم درت ان هذولي البنات بغى يغمى عليها ولا درت وشلون تصرف السالفة قالت ابد الله يسلمكم عيالي يلعبون كورة وسطحت كورتنا عندكم ونبيكم ترجعونها تكفووون واذا ماتبون بكيفكم وعضت ثوبها وانحاشت بعد هالموقف امهم وابوهم غسلوا يديهم ان بناتهم يتزوجون وذات مساء محبط اجتمع الأب بـبــناته الثلاث اجتماعا مصيريا لكي يحدد موقفة من الوضع الحاصل الاب وهو خانقته العبرة : يابناتي انا مااجتمعت فيكم الا لأمر جلل امر قد يتغير فيه مجرى حياتنا يابناتي مثل ماتعرفون انا ماقصرت مابقى الا اسوي اعلانات بالتلفزيون واقول عندي بنات للعرس يلعن ابو القهر حتى سويت عليكم عروض وقلت تزوج واحصل على تذكرة مجانية مع اقامة لمدة شهر في جدة شاملة المصاريف وياليت كذا بس لا وبعد ادفع 10% من المهر والباقي على اقساط ميسرة واذا ماودك تتدفع براحتك والا الحين ماجاء احد يخطب جعلكم الخبطة <----- قفلت مع الابو فاتــن : طيب يبة انا عندي اقتـــــراح ممكن اقولة ؟ ابــوهم : ايه يابنيتي قولي عشان كذا مجتمع بكم انا فاتــن : ليه مانشتـــري قطـــار ونوقفة عندنا ابوهم : وش نبي بالقطار وانا ابوتس ؟ فاتــن : عشان اذا وقفناه خلاص مايفوتنا قطـــار الزواج ابوهم وهو خانقته العبرة: اقول يابنيتي ياحلالاة الرشاش الحين والله الا اشوى انتس مااعرستي ســاد تستاهلين يالخبلة <---- قافلة معه فتون : انا اقول يبة ليه ماتودينا لعيادة اللي يسوون فيها عمليات تجميل يمكن يلقون لنا حل ابوهم : هاه .. والله انتس جبتيها يافتون عزالله انتس جبتيها ومن بكرة راح الابـــو وسوا حجز لبناته بالعيادة وعطوه موعد بعد اسبوعين <------ بلا والله من كثر الشيون عندنا جاء اليوم الموعود ووصلوا البنات للعيادة وكان من حسن حظهم فيه خبير تجميل فرنسي ذاك اليوم وهو اللي بيكشف على البنات الطبيب بعد ماشاف البنات وجلس يشخل فيهم ويتمقل ويدور له مخرج والا زاوية ممكن يستغلها بوجيههم ماااااش تعب الرجال وحط يدة ورا ظهرة ويده الثانيه جلس يحك بها راسة وباين عليه انه خانقته العبرة المسيكين خذا ابوهم على جنب وقال له : شوف انا لي خمسين سنة في هالمجال ومر علي شيون لكن مثل بناتك والله ماشفت الا استغفر الله يمكن وحدة اللي قد جتني وكانت اشوى من بناتك شوي ولما يأسنا اننا نزينها قالت اجل اقلبوني رجال اصرف والحين انت مثل ماتعرف الوضع صعب ولا فيه امكانية يطلعون بناتك زيوون والله لو تسلمناهم قطوعة ماقدرنا نصلح فيهم شي بلع ريقة ابوهم وطلع يجر اذيال الخيبة ومن خلفة بناته يجرون هم بعد اذيال الخيبة بس هم زايدين معاها اذيال الشين عاد البنات مساكين مالهم صديقات ابد كان لهم صديقات اول لكن معاد يجونهم يقولون نخاف تعادوننا بالشين اللي فيكم ادهرت فاتن بالانترنت ولابقى موقع زواج مااعلنت فيه : ثلاث فتيات يقدرن الحياه الزوجية اخلاقهم زينة قسم بالله اخلاقهم زينة مرررررة <---- كلمة زينه ماتنطبق الا بأخلاقهم بس يبحثون عن ثلاث ازواج وترا عادي لو ان اللي يبي يعرس ماخذ ثلاث والا مطلق والا كبير مرة اهم شي نعرس تكفوووون واللي يرحم والديكم لدرجــة انها مــره كتبت في اول الاعلان : الى اصحاب القلوب الرحيمة <---- من جد خنقتني العبرة وفجأه وبدون مقدمات رن جرس البــــــــــــــــــاب <---- بالله اجل رن ادري عادي رن جرس الباب لكن من اللي رن الجرس؟؟؟ الا والله ثلاث شباب مثل الورد ومعهم ابوهم ومشخصين ولا احلى منهم وبعد ماقلطهم الابو بالمجلس <----- اكيد بالمجلس اجل بالحمام وقهواهم قال ابو الشباب : ابد الله يسلمك حنا يشرفنا ويسعدنـــا ويثلج صدورنا اننا نطلب يدود بناتك <---- يدود جمع يد ابو البنات بغى ينشل ومن الفرحة قام يحبب العيال وخربها الله يهديه وقام يهز له شوي ثما استحى على وجهه وركــد قال : الله يسلمكم والله لو انهم ذبايح ماعشتكم خلاص انا موافق وش رايكم اجيب الشيخ يملكهم الحين <----- تحس انه متوهق فيهم قال ابو العيال: كر كر كر كر <---- ضحكة واحد كاش الله يسلمك والله ودنا لكن تعرف الجماعة وودنا نسوي زواج كبير ومطربات ومن هالكلام اللي انت عارف لكن ودنا نخلي زواجهم في ليلة وحدة وياليت يكون بعد ثلاثة اسابيع ابوالبنات: الله يسلمك اللي تشوف طال عمرك ياحوووبي<----- من الفرحة معاد يعرف يحتسي الحين المشكلة كيف بيوصل الخبر للبنات تعرفون عاد عقب هالسنين وبعد مايأسوا من العرس يجي يقولهم ترا زواجكم بعد ثلاثة اسابيع وكلكم بليلة وحدة المهم توكل على الله ودخل عليهم بالغرفة وهو مغمض وقال : يابنات الله فرجها عليكم ولا تعلموون احد اخاف ينظلونكم ترا جاكم معاريس شباب وكل واحد احلى من الثاني وترا العرس بعد ثلاث اسابيع وبعد ماسكت ماسمع شي ابد ( طبعا هو الا الان مغمض ) ولما فتح عيونة والا البنات كأنهم العاب في غرفة بزر كل وحدة مغمى عليها في جهه ويوم صحوا الا ويالله لك الحمد قاموا يسوون حركات مال امها داعي اللي تحبب ابوها واللي تقول تعال ارق يبه على ظهري انا الحصان وانت الفارس واللي من الفرحة قامت تسوي جمبااااز وبعد 18 يوم يعني مابقى على العرس الا 3 أيام والبنات خلاص جهزوا انفسهم حتى ان فتون شرت ملابس لعيالها في المستقبل وفجأه وفجأه وبدون مقدمات رن جـــــرس الهاتف ردت الام : الو مين اللي في التلقون : مسيتس بالخير انا ام محمد ابا السعابيل جارتكم بالشميسي عساتس عرفتيني أم البنات : هلا والله ومسهلا بام محمد وشلونتس يالقاطعة 17 سنة ماشفناتس اللهم ياكافي وشدعوا ياوخيتي؟ أم محمد : ايه لاهين بالدنيا ياوخيتي المهم ماعلينا اقول سمعت ان بناتس بيعرسون على عيال ناصر ابو الطواري هو صدز؟ ام البنات : اي والله ابشرتس وعرسهم بعد يومين وانشاء الله انتس بتجين ياعيوني مافيها كلام انتي مننا وفينا أم محمد : هو هو هو الله لاتعاقبنا ماتخافين الله ترا ذولي عيال لطيفة الصقها!!! نسيتها وتـــرا عيالها هذولي راضعين مــع بناتس جعلتــس الفليت أم البنات : بعد مارجع شريط حياتها بسرعة قدامها وذكرت كل ابو شي وكل ابو السالفة <---- طالعة من القهر هاه اي والله طرااااااااااااااااااااخ <----- صوت السماعة وهي تنصك وينصك معها ملف القضية رقم 455 اللي محتواها انتحار جماعي لعائلة مكونة من اب وام وثلاث بنات :toot: :cheer:  ullhair: .[/align] 
|
|
#2
05-06-2008, 07:39 AM
|
|||
|
|||
|
&& القضيه رقم 455 أنتحار جماعي لعائله كامله &&
[align=center]
فاتن وفتنة وفتون ثلاث بنات وحيدات ابوهم وامهم الا الاآن والموضوع طبيعي ولا فيه اي مشكلة لكن هم من نعومة اظافرهم كان اللي يشوفهم مايشوف اي ملامح للزين ويغسل يده ان هالبنات بيتزوجون لكن امهم وابوهم كأنو مأملين انه مع الوقت بتتعدل خششهم وبيصيرون مملوحات على الاقل ومع مرور الزمن كبروا البنات وصغر امل الام والاب في جمال بناتهم الكبيرة طق عمرها خمسو وعشرين والصغيرة عشرين والوسطى ثلاثه وعشرين سنة ومازالت الخشش كما هي وكأنهم محنطينهم المشكلة كل ماجاهم خطاب اذا شافوا البنات انحاشوا لدرجة ان شغالتهم انخطبت ثلاث مرات ورفضت والبنات ولا احد معبرهم واللي اصابهم بعد بإحباط مرة جاتهم حرمة بتخطب لولدها يوم قالت اجل وين البنات <----- على بالها بـتـختار يوم دخلوا عليها فاتن وفتنة وفتون تغطت الحرمة تحسبهم عيالهم يوم درت ان هذولي البنات بغى يغمى عليها ولا درت وشلون تصرف السالفة قالت ابد الله يسلمكم عيالي يلعبون كورة وسطحت كورتنا عندكم ونبيكم ترجعونها تكفووون واذا ماتبون بكيفكم وعضت ثوبها وانحاشت بعد هالموقف امهم وابوهم غسلوا يديهم ان بناتهم يتزوجون وذات مساء محبط اجتمع الأب بـبــناته الثلاث اجتماعا مصيريا لكي يحدد موقفة من الوضع الحاصل الاب وهو خانقته العبرة : يابناتي انا مااجتمعت فيكم الا لأمر جلل امر قد يتغير فيه مجرى حياتنا يابناتي مثل ماتعرفون انا ماقصرت مابقى الا اسوي اعلانات بالتلفزيون واقول عندي بنات للعرس يلعن ابو القهر حتى سويت عليكم عروض وقلت تزوج واحصل على تذكرة مجانية مع اقامة لمدة شهر في جدة شاملة المصاريف وياليت كذا بس لا وبعد ادفع 10% من المهر والباقي على اقساط ميسرة واذا ماودك تتدفع براحتك والا الحين ماجاء احد يخطب جعلكم الخبطة <----- قفلت مع الابو فاتــن : طيب يبة انا عندي اقتـــــراح ممكن اقولة ؟ ابــوهم : ايه يابنيتي قولي عشان كذا مجتمع بكم انا فاتــن : ليه مانشتـــري قطـــار ونوقفة عندنا ابوهم : وش نبي بالقطار وانا ابوتس ؟ فاتــن : عشان اذا وقفناه خلاص مايفوتنا قطـــار الزواج ابوهم وهو خانقته العبرة: اقول يابنيتي ياحلالاة الرشاش الحين والله الا اشوى انتس مااعرستي ســاد تستاهلين يالخبلة <---- قافلة معه فتون : انا اقول يبة ليه ماتودينا لعيادة اللي يسوون فيها عمليات تجميل يمكن يلقون لنا حل ابوهم : هاه .. والله انتس جبتيها يافتون عزالله انتس جبتيها ومن بكرة راح الابـــو وسوا حجز لبناته بالعيادة وعطوه موعد بعد اسبوعين <------ بلا والله من كثر الشيون عندنا جاء اليوم الموعود ووصلوا البنات للعيادة وكان من حسن حظهم فيه خبير تجميل فرنسي ذاك اليوم وهو اللي بيكشف على البنات الطبيب بعد ماشاف البنات وجلس يشخل فيهم ويتمقل ويدور له مخرج والا زاوية ممكن يستغلها بوجيههم ماااااش تعب الرجال وحط يدة ورا ظهرة ويده الثانيه جلس يحك بها راسة وباين عليه انه خانقته العبرة المسيكين خذا ابوهم على جنب وقال له : شوف انا لي خمسين سنة في هالمجال ومر علي شيون لكن مثل بناتك والله ماشفت الا استغفر الله يمكن وحدة اللي قد جتني وكانت اشوى من بناتك شوي ولما يأسنا اننا نزينها قالت اجل اقلبوني رجال اصرف والحين انت مثل ماتعرف الوضع صعب ولا فيه امكانية يطلعون بناتك زيوون والله لو تسلمناهم قطوعة ماقدرنا نصلح فيهم شي بلع ريقة ابوهم وطلع يجر اذيال الخيبة ومن خلفة بناته يجرون هم بعد اذيال الخيبة بس هم زايدين معاها اذيال الشين عاد البنات مساكين مالهم صديقات ابد كان لهم صديقات اول لكن معاد يجونهم يقولون نخاف تعادوننا بالشين اللي فيكم ادهرت فاتن بالانترنت ولابقى موقع زواج مااعلنت فيه : ثلاث فتيات يقدرن الحياه الزوجية اخلاقهم زينة قسم بالله اخلاقهم زينة مرررررة <---- كلمة زينه ماتنطبق الا بأخلاقهم بس يبحثون عن ثلاث ازواج وترا عادي لو ان اللي يبي يعرس ماخذ ثلاث والا مطلق والا كبير مرة اهم شي نعرس تكفوووون واللي يرحم والديكم لدرجــة انها مــره كتبت في اول الاعلان : الى اصحاب القلوب الرحيمة <---- من جد خنقتني العبرة وفجأه وبدون مقدمات رن جرس البــــــــــــــــــاب <---- بالله اجل رن ادري عادي رن جرس الباب لكن من اللي رن الجرس؟؟؟ الا والله ثلاث شباب مثل الورد ومعهم ابوهم ومشخصين ولا احلى منهم وبعد ماقلطهم الابو بالمجلس <----- اكيد بالمجلس اجل بالحمام وقهواهم قال ابو الشباب : ابد الله يسلمك حنا يشرفنا ويسعدنـــا ويثلج صدورنا اننا نطلب يدود بناتك <---- يدود جمع يد ابو البنات بغى ينشل ومن الفرحة قام يحبب العيال وخربها الله يهديه وقام يهز له شوي ثما استحى على وجهه وركــد قال : الله يسلمكم والله لو انهم ذبايح ماعشتكم خلاص انا موافق وش رايكم اجيب الشيخ يملكهم الحين <----- تحس انه متوهق فيهم قال ابو العيال: كر كر كر كر <---- ضحكة واحد كاش الله يسلمك والله ودنا لكن تعرف الجماعة وودنا نسوي زواج كبير ومطربات ومن هالكلام اللي انت عارف لكن ودنا نخلي زواجهم في ليلة وحدة وياليت يكون بعد ثلاثة اسابيع ابوالبنات: الله يسلمك اللي تشوف طال عمرك ياحوووبي<----- من الفرحة معاد يعرف يحتسي الحين المشكلة كيف بيوصل الخبر للبنات تعرفون عاد عقب هالسنين وبعد مايأسوا من العرس يجي يقولهم ترا زواجكم بعد ثلاثة اسابيع وكلكم بليلة وحدة المهم توكل على الله ودخل عليهم بالغرفة وهو مغمض وقال : يابنات الله فرجها عليكم ولا تعلموون احد اخاف ينظلونكم ترا جاكم معاريس شباب وكل واحد احلى من الثاني وترا العرس بعد ثلاث اسابيع وبعد ماسكت ماسمع شي ابد ( طبعا هو الا الان مغمض ) ولما فتح عيونة والا البنات كأنهم العاب في غرفة بزر كل وحدة مغمى عليها في جهه ويوم صحوا الا ويالله لك الحمد قاموا يسوون حركات مال امها داعي اللي تحبب ابوها واللي تقول تعال ارق يبه على ظهري انا الحصان وانت الفارس واللي من الفرحة قامت تسوي جمبااااز وبعد 18 يوم يعني مابقى على العرس الا 3 أيام والبنات خلاص جهزوا انفسهم حتى ان فتون شرت ملابس لعيالها في المستقبل وفجأه وفجأه وبدون مقدمات رن جـــــرس الهاتف ردت الام : الو مين اللي في التلقون : مسيتس بالخير انا ام محمد ابا السعابيل جارتكم بالشميسي عساتس عرفتيني أم البنات : هلا والله ومسهلا بام محمد وشلونتس يالقاطعة 17 سنة ماشفناتس اللهم ياكافي وشدعوا ياوخيتي؟ أم محمد : ايه لاهين بالدنيا ياوخيتي المهم ماعلينا اقول سمعت ان بناتس بيعرسون على عيال ناصر ابو الطواري هو صدز؟ ام البنات : اي والله ابشرتس وعرسهم بعد يومين وانشاء الله انتس بتجين ياعيوني مافيها كلام انتي مننا وفينا أم محمد : هو هو هو الله لاتعاقبنا ماتخافين الله ترا ذولي عيال لطيفة الصقها!!! نسيتها وتـــرا عيالها هذولي راضعين مــع بناتس جعلتــس الفليت أم البنات : بعد مارجع شريط حياتها بسرعة قدامها وذكرت كل ابو شي وكل ابو السالفة <---- طالعة من القهر هاه اي والله طرااااااااااااااااااااخ <----- صوت السماعة وهي تنصك وينصك معها ملف القضية رقم 455 اللي محتواها انتحار جماعي لعائلة مكونة من اب وام وثلاث بنات :toot: :cheer: ullhair: .[/align]
|
|
#3
05-06-2008, 07:51 AM
|
|||
|
|||
هههههههههههههههههههههه
يسلمو اخوي الغامض تحياتي(امورة البحرين)
|
|
#4
05-06-2008, 07:51 AM
|
|||
|
|||
|
هههههههههههههههههههههه
يسلمو اخوي الغامض تحياتي(امورة البحرين)
|
|
|
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| "شرطة تبوك" تنفي قتل خادمه أثيوبيه لعائله كامله | eshrag | اشراق شامل - منوعات | 0 | 07-30-2013 04:20 AM |
| أنتحار شاب أثيوبي من ام سعودية متزوج من ثلاث نساء بعد إصابته بالأيدز | eshrag | اشراق شامل - منوعات | 0 | 11-05-2012 03:50 PM |
| أنتحار ماهو فطور | eshrag | اشراق شامل - منوعات | 0 | 07-22-2012 09:40 AM |
| مبروك لملاك هذا السهم وفالكم طيب شكله ضامن القضيه | eshrag | اشراق شامل - منوعات | 0 | 08-02-2011 10:20 PM |
| {القضيه} | اجمل انسانه | ادبيات - شعر - خواطر | 0 | 09-24-2010 04:27 PM |
|
شراء روابط نصية |
|
| راسلنا الآن لشراء روابط نصية باك لينك وجيست بوست | خدمات الباك لينك والروابط النصية |
|
روابط نصية AAXA |
||||
| اشتراك يوتيوب بريميوم | اشتراك تطبيقات بلس | اشتراك IPTV شهر | يوتيوب بريميوم | عسل النحل |
|
روابط نصية AAPS |
||||
| دراما كافيه | دراما صح | اهواك Tv | فوستا | شبكتي Tv |
|
روابط نصية AA1A |
|||||
| كورة لايف | koora live | مباريات اليوم بث مباشر | kora 360 | koora4live | كورة لايف |
| koora live | مباريات اليوم بث مباشر | kora 360 | koora4live | kooralive | مساحة إعلانيه |
|
روابط نصية AAZ |
||
| متجر الرياض | شحن شدات ببجي | شحن شدات ببجي |
|
روابط نصية AHD3 |
|||||||||
| عزل اسطح | كشف تسربات المياه | عزل فوم بالرياض | شركة عزل اسطح | كشف تسربات المياه بالرياض | عزل اسطح بجدة | شركة كشف تسربات المياه | نقل اثاث بالرياض | شراء اثاث مستعمل بالرياض | شركة تنظيف بالرياض |
|
روابط نصية KSM |
|||||||
| خصومات | هدايا وكوبونات | توفير المال | مال واستثمار | صفقات وتسوق | عروض اسواق السعودية | تحسين مالي | كوبونات |
|
روابط نصية AN |
||||
| يلا شوت | يلا شوت | يلا لايف | yalla shoot | يلا شوت |
|
روابط نصية M11 |
|||||||
| كورة جول | يلا لايف | دوت سبورت | bein match | yalla shoot | yalla shoot | koora live | koora live |
| يلا شوت | koora4live | سوريا لايف | تابع لايف | كورة لايف | كورة جول | كورة لايف | koora live |
|
روابط نصية AWA |
||||
| كورة لايف | Koora live | يلا شوت | Yalla shoot | يلا شوت |
|
روابط نصية AA3A |
||||
| تقييم شركة exness | تقييم شركة binance | تقييم شركة avatrade | تقييم شركة evest | افضل شركات التداول |
العرض العادي
