قّــصِــتي ..[ التفاحه .. مع التاكس .. الله لايوفقه ..

[التفاحه]

السلام عليكم ورحمة الله وبركاته

بسم الله الرحمن الرحيم

شخباركم يالغاليين ..؟؟

حبايبي اليوم بخبركم بقصه صارتلي انا من جد بعد هالسالفه تنومت بالمشفى من الانهير ..:s74:

الله لايوفقه حسبي الله عليه الله لاينور دربه ان سواها بحد من بنات الشعب السعودي

الــقـــصه

يوم الاربعاء كان اخر يوم من الامتحانات طبعا امتحاناتي مسائيه لاني انتساب المهم امتحنت من

الساعه 6:30 الى الساعه 8:30 وكنت مرررره فرحانه لان اهلي بيجوني بعد ساعتين

وعن جد خلصت وجو اهلي وطلعت من السكن وكنت مررررره مستانسه بجيتهم قلت لهم خلنا نطلع

الاندلس مول الي بجده ..!!

قال الوالد انا والله تعبان من الطريق فخلوها باكر بس انا كنت مصممه .. فقالت الوالده خلاص بروح

انا وانتي واختك الصغيره ..[بالتاكسي ].. << ياليتنا مارحنا

اقسم بالله انا انتظرنا 5 دقايق على بال مايوقف تاكس اخر شي وقف لنا تاكس بس وجهه مو غريب

عليآ يعني بالعربي هالوجه شفته بالحلم قبل 3 ايام بالضبط والله العظيم ان قلبي زاد نبضه

بس برضو كنت مصره على الروحه وقبل لانركب سألته ان كان يعرف الاندلس مول ولا لا ؟؟؟

جاوب باللغه الهنديه قال " انا مايعرف اندلس انتي يعرف طريق اركب قول انا وانا في يوصل "

وكنت انا عارفه طريق الاندلس لانمه قريب مننا ..

يوم ركبنا ومشينا نص الطريق تكلم باللهجه الخليجيه انا هنا انصقعت

والله العظيم ياذاك اليوم مأنساه .. الوالده ردت عليه على حسبالها انه خليجي ماتدري انه غير لهجته

معي .. السبب مجهول الى الان ..

المهم كان بين مقعده والمقعد الي بجنبه عطر صغير

اقسم برب الي كون هالاكوان ان العطر يوم ناظرته دق قلبي وارتعش رجلي وايدي

بس هوا جالس يسأل وامي ترد ويوم شاف امي منسجمه مع كلامه راح بخ العطر

هو مو عطر ياجماعت الخير هو مخدر والله العظيم مخدر

امي داخت وحست بالنوم بس في نفس الوقت فتحت باب سيارة التاكس وانا عرفت انه مخدر كتمت

انفاس اختي الصغيره وفتحت النافذه

ولحسن حظنا ان الاشاره ولعت حمراء عند اشاره ونزلنا .

بس العجيب انه مانطق ولا بكلمه بعد مابخ المخدر ومانطق بأي حرف كان سااااااااكت

انا قبل لانزل قلتله روح الله لايوفقك يالواطي يالخسيس طالعني بأبتسامه خبث

***************************************

والله ياجماعة الخير كنا بنروح فيها المشكله الكبيره اننا ماعندنا محرم

هذي قتي شخصيا وارجو من الكل الحذر ربي عداها لنا بس المره الجايه مابيعديها

حرمت ركوب التكاسي من بعد هالموقف

************

تحياتي / تــــفـــوحه

زهره

******************

[emin3m]

يووووه عسا يده الكسر ان شاء الله...

بس والله شئ غريب انك شفتيه في الحلم بس يمكن كان تحذير لك..

المهم الحمدلله ع سلامتك اختي تفااحه...هذا عشان ما عاد تروحين للاندلس ..^_^

الحمدلله ع سلامتك وانتبهي مرة ثانيه ..يقولك كل دقه بتعليمه...وانا من زمان اصلا معارض ان الحرمه تركب تكسي بدون محرم...يعني ادق على احد من اصحابي يودي اهلي لو كان ما فيه احد موجود ولا يركبون تكسي بروحهم..

[alfares]

شي مفزع

هذا انسان حقير جدا وتربيته تربية شوارع ولابد من تأديبه

المفروض اخذتي رقم لوحة التاكسي

حمدا لله على سلامتكـ يالتفاحه

وقصتك فيها تحذير للبنات من كثرة ركوب الليموزينات

حفظك الله وبنات المسلمين من كل سوء

[أغزيل]

يا الهي الحمدالله ان ربي ستر وانتي ماشاء الله عليكي بنت رجال تعرفي ادبري عمرك

فعلا قصه مخيفه

الحمدالله على سلامتك وسلامة اهلك

[الدلوووعه]

والله القصه اثرت فيني ...

مع اني ما قد ركبت من غير محرم ...

بس الوحده تكون حذره حتى لو مع محرم ...

حمد لله على سلامتك ...

[ضجيج الصمت]

اولا الحمدلله على سلامتك وسلامة الاهل اختي التفاحة..

ثانيا :للاسف ذا الوقت لايؤتمن أصحاب سيارات الاجرة مهما كانت جنسيتهم ولو كانو سعوديون
فركوب المرأة دون محرم خطر جدا ..
ومن المفترض كما ذكر اخي الفارس ان يتم التبليغ عنه وعدم السكوت عن امثال هذا لان السكوت سيسبب تماديهم اكثر واكثر..
اذكر ذات مرة ذهبنا للسوق ولم نجد في وقت الرجعة احد يرجع بنا للبيت اقترحت والدتي بركوب التاكسي وخاصة اننا نريد الرجوع سريعاً فرفضت تخوفاً من مثل ماحصل معك اختي وخاصة بعد سماعنا لتلك القصص لاصحاب التاكسي وفضلنا الجلوس لوقت متاخر في السوق ولا ان نرجع دون محرم مع رجل غريب في سيارته..


ابعد الله عنكِ وعن الجميع كل مكروه وشر ..

[ميخائيل]

تم القبض على اشخاص متهمون باغتصاب فتيات بعد اركابهم في سيارات الاجره بعد اكتشاف اساليب خبيثه ( كبخة العطر مثلا ) * ارجو ان يكون هناك مبادره جاده وعاجله لتقود المراة سيارتها * والاسراع في تنفيذ القرارات بشان قيادة المراة للسياره والله عار .... نعم عار .... ان اترك زوجتي واختي وبنتي لتركب مع رجل اخر وعار ثم عار ان يقبل المجتمع بذلك قد تظطر زوجتي او زوجتك او اختي واختك للركوب مع سائق اجره ما هو الحرام يا مجتمعي ان تركب السيده مع رجل اخر او انها تقود سيارتها بنفسها ..... متى ينجلي هذا الغبار عن اعينكم متى .... احسنتي ايتها الكاتبه

[ميخائيل]

تم القبض على اشخاص متهمون باغتصاب فتيات بعد اركابهم في سيارات الاجره بعد اكتشاف اساليب خبيثه ( كبخة العطر مثلا )

* ارجو ان يكون هناك مبادره جاده وعاجله لتقود المراة سيارتها *

والاسراع في تنفيذ القرارات بشان قيادة المراة للسياره

والله عار .... نعم عار .... ان اترك زوجتي واختي وبنتي لتركب مع رجل اخر

وعار ثم عار ان يقبل المجتمع بذلك قد تظطر زوجتي او زوجتك او اختي واختك للركوب مع سائق اجره ما هو الحرام يا مجتمعي ان تركب السيده مع رجل اخر او انها تقود سيارتها بنفسها ..... متى ينجلي هذا الغبار عن اعينكم متى ....

احسنتي ايتها الكاتبه

[حبيب الناس]

الف الف الحمد لله على سلامتكم جميعاً

ووقاكم الله كل مكروه وجميع المسلمين

[عديلة الروح]

تفاااااااااحتي , والله دمعت

الحمدلله على سلامتج وسلامة اهلج

عسى الله ينصرج عليه >> خخخخخخ دايما أقولها لما أتهاوش مع اختي "يارب انصرني عليها خخخخ"

المهم, الففففففف الف الحمدلله على السلامة والله نجاج