ملف حلويات متميزة

[عسووولة]

السلام عليكم
شلونكم شخباركم ان شاء الله مستانسين


الموهييم يايبه لكم حلويااات فاااقت التمييز والجمال
تهبل
شوفوها










قهوة التويكس |



في الخلاط ( 4 - 6 اصابع تويكس - 2 ك حليب سآيل - ظرف كريم كرآميل - م ك دريم ويب )
ثم نسخنهآ فإبريق القهوة حتى تغلي وتقدم

طعمهآ بطل ولذييذ
| لو كآنت ثقيله نزيدهآ حليب سآيل ونرجع نسخنهآ



هوت تشوكليت بالكت كآت |



في الخلاط ( 4 أصآبع كت كآت - 2 ك حليب سايل - م ص نسكآفيه - م ص كاكاو بودره )
وتخلط ليييين يتكسر البسكوت حق الكت كآت
ثم نسخنهآ فإبريق القهوة حتى تغلي وتقدم
وممكن تجمل بمآرشيملو او بدون



<< في اسهل منهآ





Apple Custard Cup Cake

الكيك ..
إصبع زبدة بدرجة حرارة الغرفة
نص م ك فانيلا
3/4 كاس سكر
بيضتان
كاس وربع دقيق منخول
ربع كاس كاسترد بودرة
ربع كاس حليب سائل
1 م كبيرة بيكنج باودر
</B>تفاحة واحدة مقطعة شرائح خفيفة

على الوجه
م كبيرة مليانة زبدة
1 م ك سكر بني
نص م ك قرفة

الكاسترد ..

م ك كاستر بودرة
1 م ك سكر
نص كاس حليب سائل
ربع م ص فانيلا
يخلط مع بعض ثم يوضع على النار حتي يثقل القوام
بعدين نحطه بصحن ونغطيه بجلاد عشان ما يسوي علية قشرة
أو طبقة خارجية ..

أو شي نسوي الكاسترد ونحطه على جنب يدفى شوي بدرجة حرارة الغرفة ..


بعدها نفتح الفرن ..
ونبدأ نسوي الكب كيك ..

الخليط راح يكون معكم ثقيل شوي وهذا اللي نبيه



نبدأ نحط خليط الكيك ربع الورق بس وبعدين ملعقة صغيرة من الكاسترد
ونرجع نغطيه بالكيك ..



بعدين نبدأ نصف فوقه شرايح التفاح كطبقة أخيرة ..



ندخله الفرن بعد ما نحسه نضج وإرتفع بشكل طبيعي ..

نطلعه ونحط على التفاح خلطة السكر البني والزبدة والقرفة ..
وندخله دقايق بس لدرجة حرارة الفرن بعد ما نقفله << النقطة مهمة
يعني الفرن مو مفتوح



نتركها تبرد شوي .. علشان تتماسك ..
نقدمها..





وصحتين وعافية



قهوة فرنسيه |
فيه طريقتين لصنع القهوة : وكلهم سهله وبطله



الاولى |
اذآ مروقه وعندك وقت سوي هالطريقة |

2 ملعقة صغيرة قهوة فرنسية اي نوع ( شوكولاته - بندق )
2 ملعقة صغيرة كاكاو بودرة
2 م ك حليب شاهي ( ابو قوس - بوني ..الخ )
ماء بكمية كوبك
سكر بني حسب الرغبة

حطي كل المقآدير مآعدآ ( حليب الشآهي ) فابريق القهوة مدري وش تسمونه انتوا احنآ نسميه ( الركوه )
وحطيهآ على نار وسط الى هادية , ومن اول فورآن لهآ سكري النآر عنهآ
قبل لا تسكبينهآ فالاكوآب - جيبي حليب الشاهي وحطيه فقآع الكوب < يعطي طعم بطل وهنآ سر الطعم
وبعدين اسكبي القهوة في الكوب واستمتعي بالطعم اللذيذ




الثآنيه |
اسويهآ اذآ كنت مستعجله وبطلع للدوآم |



مآء بكمية كوبك - 2 م ص قهوة فرنسيه - سكر بني حسب الرغبه <~ آنا افضل قهوتي بدون سكر عشآن تعدل مزآجي
( هذي الكميه لكوب وآحد ) واقصد بالكوب كوب القهوة التركية والاسبريسو مو كوب الشاهي !!


وشكله مثل اللي فالصورة

نخلي المويه مع السكر تغلي فابريق القهوة واذآ غلت المويه نقصر على النآر ونحط القهوة
(نخلي النآر وسط الى هآديه) ومن اول فورآن لهآ نسكر النآر ونسكبهآ فالكوب .
ويطلع طعمهآ يعدل المزآج صح !!





مهلبيه بالقشطة|



كرتون نشآ
7 م ك حليب بودرة
3-4 ف سكر
6 ك مويه
قشطة
كاكاو بودره

الطريقه |

نذوب النشاء والحليب والسكر فكاس واحد مويه بارد فالقدر
واذا ذابوا نضيف الـ 6 كاسات مويه الباقيه << والافضل تكون حآرة

خلاص الحين اضفنآ كل المقآدير طبعآ مآعدا (القشطه والكآكآو ) نولع النآر ونستمر فالتحريك لحد مآتغلي ويثقل قوآمهآ
وبعد مآيثقل نرفعه من النار ونضيف القشطه ونحركهآ وتصب فكآسآت التقديم الى النصف تقريبآ
ثم نضيف الكآكآو بودره على باقي الخليط ونحركه ونصبه كـ طبقه ثآنيه فالكآسآت
<< بس لازم نصير سريعين واحنا نصب الخليط الابيض عشآن اذا اضفنآ الكاكاو مآيصير باقي المهلبيه جآمده ومتكتله

ولو ثقلت ممكن نضيف شوي مويه حآرة ونحركها على النآر ونرجع نضيفهآ فوق الطبقه البيضآء

يترك دقائق ليبرد ثم نضعه فالثلاجه وتجمل بجوز هند او اي نوع مكسرآت


Zoom

وآترك لكم تخييل الطعم كيييف يصير





Red Velvet Cake
الريد فيلفت الكل يعرفه تقريباً بس أنا هنا قريت عنه بمدونة
أجنبية وكانت مسويته لمناسبة خاصه وشكله مررره رايق وحبيت الطريقة ..
قلت اخليكم تشوفونها يمكن تعجبكم

المقادير..

</B>2 ونص كاس دقيق منخول
نص م صغيرة ملح
2 م متوسطة كاكاو
إصبع ونص زبدة
واحد ونص ك سكر
3 بيضات
فانيلا
كاس حليب نكون أول ما نبدأ حاطين فيه ملعقة صغيرة خل أبيض راح يطلع لنا شي بديل إسمه ( بتر كريم )
2 م ك لون احمر
نص ملعقة ك بيكربونات الصودا</B>
نسوي الكيك عادي جداً ..
أول شي نخلط الزبدة والسكر لما تكون مثل الكريمة ونزيد البيض عليهم
والفانيليا .. بعدين نبدأ نحط الحليب بالتناوب مع الدقيق المنخول مع الكاكاو الباودر
والبيكربونات ..
واللون نحاول لو بودرة نذوبه مع الحليب أفضل ..

نحطه بالفرن على درجة حرارة متوسطة ..
فكرة الكيك هنا يكون بصينية مستطيلة ونقطعه على شكل قلوب بأي قطاعة عندنا
أو لو عندنا صياني كب كيك قلوب برضو توفي بالغرض وتوفر جهد ووقت وكيك


الحشوة << يفضل نسويها قبل وتكون بالثلاجة ..
جبنة فيلا دلفيا 200
كاس سكر ناعم
ثلاثة ارباع كاس كريمة الخفق
فانيليا ..

نبدأ نقص الكيك بالنص ..



ونحط جواته الحشوة اللي سوينا ولوناها بالوردي
أو نقط من الأحمر ..



بنات نحط الحشوة بشكل عشوائي عادي جداً
مو لازم مرتب .. المهم يطلع على الأطراف ..

ونرجع نقفلها بالطبقة الثانية ..
ونبدأ نرش على كل الكريمة اللي طالعة من الوسط
اي سكر ملون عندنا .. او اي شي حابين
انا حبيت هالنوع صراحة ..







ونقدمها زي ما نحب ..
شكله مررره ملفت والطعم روعة
ورومانسية بشكل قوي



وصحتين وأحلى أيام يارب





كآسترد بطعم الدآنيت |



3 م ك كسترد
علبه قشطة
1/2 ظرف كريم كراميل
6 ك مويه
7 م ك حليب بودرة
3 م ك سكر


فـ قدر على النآر | نحط الكآسترد والكريم كرآميل و الحليب والسكر والمويه
مع التحريك المستمر حتى يغلي ويثقل قوآمه , ثم يرفع من النآر
و نضيف القشطة على الكآسترد ونحركه بسرعه ويصب فكآسآت التقديم .
يترك دقآئق ليبرد ثم نضعه فالثلاجه
ويجمل بأي نوع مكسرآت
وآترك لكم تخيل الطعم < مسويه بحمسكم له




كريم كرآميل |



ظرف كريمة - 2 بيض - قشطه - ف سكر - ك حليب بودرة - 2 ك مويه - فانيلا م ص

تخلط كل المقآدير فالخلاط ثم تصب في قدر على النآر اليين تغلي
وفــ الوقت هذآ قبل لاتغلي الكريمه نحرق فنجآن سكر فصينيه الكريمه اللي مفتوحه من الوسط اكيد عرفتوهآ
اليين يطلع لونه ذهبي على بني
بعد مآتغلي الكريمه نصبهآ على الصينيه اللي حرقنآ فيهآ السكر ( حجم الصينيه صغير ) < واذآ تبون حجم الصينيه الكبيرة ضآعفوا المقدآر
بدآل الظرف نحط ظرفين والبيض 4 و ..... الخ

ندخلهآ الثلاجه الى وقت التقديم تقلب فـ صحن مسطح وتقدم بالعآفيه





Reeses كب كيك..

طبعاً كلكم تعرفون تشوكلت Reeses أنا صراحة أنهبل عليه
<< وش عليهم منتس



هذا المحروس
المهم مره طرا على بالي اجرب اسوية بالبيت على الكب كيك
وطلع لذيذ جداً صراحة ..

المقادير ..
كاس الا ربع زيت
كاس سكر
كاس ماء
3 ملاعق ك حليب بودرة
3 ملاعق ك كاكاو باودر
2 بيض ..
ملعقة صغيرة فانيليا
كاس وربع دقيق منخول
ملعقة ك باكنغ باودر

الحشوة ..
نص كاس بناتبتر ( زبدة الفول السوداني ) << أشجع قودي بشدة
4 ملاعق كبيرة بسكويت مطحون نااااعم .. وم كبيرة سكر ..
نخلطهم زين عادي لا حمام ماء ولا مايكرويف ولا شي ..

نسوي الكيك بالطريقة العادية ..



وبرضو نكون مجهزين خلطتنا ..



نبدأ نحط الكيك بالورق وبعدين نحط شوي من الحشوة عليه
ونرجع نحط كيك مرة ثانية نغطيه






وندخله الفرن على حرارة متوسطة ..
وبعد مايطلع من الفرن نكون مجهزين تشوكلت جاناش ونبدأ نحط على كل وحدة..



نتركه يبرد ويتماسك
ونزينه باللي نبي انا زينته بباقي الحشوة .. وكم حبة سكر الولو ..




وصحة على قلوبكم
بس لا تكثرون ترا ثقيل ويسمن << اللهم إني بلغت





كرآت الكيك بالشكولاته |



خليط كيك بيتي كويكر بالفراوله - او ممكن اي كيك مع اضآفه بياله فيمتو
شوكولاته خآم غآمقه او فآتحه < اللي تحبون + شوكولاته خآم بيضآء , احسن نوع اللي اسمه ( العطير )
< وأغلب العضوآت هنآ يستخدمونهآ ومآشيه معهم

هذي طريقتي فالكيك ومره حلوة ومضبوطه |

( ك دقيق - 2 بيض - ثلاث ارباع ك سكر - نص ك زيت - م ص b p - فانيلا - علبة زبادي او ك لبن - بيآله فيمتو )

بعد مآيبرد الكيك نفتته ونخلط معه 3-4 م ك قشطة التاج ( او اذآ احتآج اكثر ممكن نحط علبه قشطه كآمله)
الين يصير الكيك متمآسك ونقدر نكوره , ثم يكور الى كور متوسطة الحجم
نذوب الشوكولاته الغآمقه فحمآم مآئي مع نقطة الى نقطتين من الزيت - ونبدآ نقلب الكور فالشوكولاته المذوبه ونصفهآ على ورق زبده
الى ان يجمد , ثم نذوب الشكولاته البيضآء برضوه فحمآم مآئي ونسوي فيهآ خطوط او نقط او اي شكل تحبون < ولك حريه التقديم باي شكل .
ندخله الثلاجه عشآن يحآفظ على شكله . ويقدم





تشيز الفرآوله بطريقتي الخآصه |

اسهل واسرع تشيز ويوآجه بعد متمآسك




الطبقة الاولى |

بسكويت شوكو سآندويتش الاحمر مطحون الكمية حسب صينيتك ممكن 4-6
اعجينيه بزبدة ورصيه بالصينية ( الصينية وسط )


الطبقة الثآنيه |

2علبة زبادي - 10 فناجيل حليب بودرة - 4 فناجيل سكر - 2-3 م ص جلي آحمر <~ الكميه حسب الرغبه تبينه فوشي والا وردي
ندخلها الفرن لـ حد ماتتماسك يعني تقريبآ ربع سآعه من تحت .

نخليه يبرد شوي ثم نضيف الطيقة الاخيرة .

الطبقة الثآلثه |

جلي + مآء

نسوي نفس الطريقة اللي مكتوبه على الكرتون - بس ننقص كوب مآء عشآن يطلع متمآسك
يصب على الطبقة الثانيه ونضع كميه قليله عشان يطلع نفس حقي انآ ابي الجلي يصير طبقة رقيقه
( والبآقي من الجلي حطوه فكآسآت تقديم وعطوه آخوآنكم الصغآر )

يترك ليبرد ثم يقطع بقطاعة دائرية ويقدم





كب كيك الأوريو ..

مقاديرها ..
اي كرتون قريب بيتي كروكر
أو اي كيك تشوكلت تحبينه
الفرق اللي بيخليه فاخر انو بدال الزيت بنحط زبدة مذوبه ونخليها تبرد شوي
ونخلطه زين وآخر مرحله نخلط معه مغلف دريم ويب ..
<< هالشيئين بيعطونه طعم مميز وجداً رهيب ..
ونزيد عليهم 10 حبات اوريو ونص كاس حبيبات هيرشي ..



ونسويه عادي زي اي كب كيك ..



بعد ما يطلع من الفرن نخليه يبرد وندهنه بشوي توفي خفيف جداً
بعدين نحط عليه الكريمة اللي هي عبارة عن
كاس قشطة خفق
4 ملاعق سكر بودرة
3 ملاعق كبيرة جبن فيلادلفيا ..
فانيليا
ونزين فيه الكيك



ونحط عليه بيبي اوريو ونقدمة ..


صحتين وعافية ع قلوبكم



كريمة غير شكل |




الطبقة الاولى |

على كل ظرف كريم كرآميل 3 م ك حليب بودرة وكآس مويه
تخلط وتوضع على النآر وبعد الغليآن تصب فصينيه او كآسآت التقديم
وتترك لتبرد ثم توضع فالثلاجه نص سآعه

ثم ندهن الكريمه بـ القشطه ونصف بسكوت شآهي مثل الصورة

الطبقة الثآنيه |

على كل ظرف كريم كرآميل 3 م ك حليب بودرة وكآس مويه + م ك كاكاو بودره + م ك سكر << حسب الرغبه



ثم تترك تبرد وتقدم . ممكن في صينيه او في كآسآت .



وتجمل بجوز هند او مكسرآت





تيرآميسو |



الطبقة الاولى |

باوند كيك - نسكآفيه - مويه


الطبقة الثانيه |


( أ )

2 ظرف كريمه - 2ونص ك مويه - 4 م ك حليب بودره - نسكآفيه

( ب )

ظرف دريم ويب -علبه قشطة التاج - علبه بسكويت شآهي

التجميل |

كآكآو بودرة


نجي للطريقة |

الطبقة الاولى - نقطع الباوند كيك الى شرائح ونصفه فصينيه التشيز كيك (الوسط او الصغيرة )
ونسقيه ( بـ مآء + نسكآفيه ) وتخلي نكهته لذيذه .

الطبقة الثانيه نحط مقادير (أ) على النآر وبعد مآتغلي
نسكبهآ فالخلاط ونخلط معهآ مقآدير (ب) وكلهم (أ)+(ب) ينخلطون فالخلاط .

وبعد الخلط نصبهآ على الباوند اللي حطينآه فالصينيه , ندخلهآ الثلاجه من 3-4 سآعات

وعند التقديم , ترش بكآكآو بودره <~ انتبهوا ترشونهآ بدري لان الخلطة بتتشرب الكاكاو واحنآ نبيه يصير زي المخمل
وبالعآفيه عليكم .




Whoopie pie</B>

المقادير..
3 ونص كاس دقيق
١ ونص كوب كاكاو بودره
1 م ك بيكنج صودا
1 م . ص بيكنج باودر
1 م ص ملح
2. ص فانيليا
2اصبعين زبده بحرارة الغرفه
كوبين سكر
بيضتين كبار
كوبين لبن

الطريقه :
سخني الفرن على حرارة ٢٠٠
انخلي الطحين والكاكاو والبيكنج صودا والبيكنج باودر والملح
في الخلاط على سرعة متوسطه .. اخلطي الزبده والسكر لين ما يصير منتفش وخفيف
ضيفي البيض واللبن والفانيليا واخلطيهم لين ما ينخلطون زين
قللي سرعة الخلاط و ضيفي الطحين شوي شوي
اخذي السكوب الصغير واغرفي من الخليط ونزليه على الصينيه وباعدي بينهم لانهم بينفرشون وحطي على الصينية بارشمنت بيبر اومفرش السيليكون



بالفرن تقريباً 10 دقايق وممكن 8 تكفي ..
تطلعينه من الفرن وتخلينه شوي في الصينيه وبعد ما يبرد شوي تنقلينه علي الشبك
بنات هالنقطه مهمه ترا لو حركتيه وهو حار ممكن يتكسر معك لازم يبرد شوي .





حشوة الكريمة ..
كوب وربع سكر مطحون
كوب زبدة الفول السوداني
4 ملاعق زبدة بدرجة حرارة الغرفة ..
ثلث كوب كريمة خفق
شوي فانيليا ..



تخلطين الزبده والسكر والفانيليا وزبدة الفول السوداني مع بعض ليما تنعم معكم



نتركها تبرد بالثلاجة لما يبرد عندنا البسكويت كيك ..
بعد كيذا نبدأنحشيهم وحدة وحدة ونقفلهم ..




ونقدمهم زي ما نحب ..
أنا قدمتها بهالطريقة ومرة قدمتها ببوكس وطلعت مررة رايقة
اللي يشوفها اول نظرة يعتقدانو ماكرونز




وصحتين وعافية ..




حلى الكاسات |



الطبقة الاولى |

كيك شوكولاته مفتت نشربه بـ م ص نسكآفيه مذوبه في مويه

الطبقة الثانيه |

4 - 6 اصابع تويكس - علبه قشطه - ظرف كريم كراميل - ظرف دريم ويب - بياله حليب سايل

تخلط فالخلاط وتصب على الكيك - ثم نحط حبه بسكوت مدور مآلح انا حطيت بسكوت نبيل



الطبقه الثالثه |

ظرفين دريم ويب - 6 جبن كيري -علبه قشطه -حليب سآيل تقريبآ بياله - كآكآو بودرة
تخلط فالخلاط وتصب فالكاسات



وتجمل بقطعه اوريو كرآميل





سلاد فوآكه |



جيبي كل الفوآكه الي تحبينهآ ( برتقال- موز - تفاح - كيوي - كرز - خوخ - فرآوله - عنب - اناناس .... الخ

وقطعيهآ صغآر واخلطيهآ فـ صحن وحطي معهآ ( نص عصير ليمونه - م ص سكر )

وقدميهآ وهنآ انآ سويت 3 افكآر للتقديم

[ضجيج الصمت]

بجد ملف مميز جدا
مشكورة عسولة على روعة انتقائك..
دمتِ بود