لا أخذت في خاطري من واحد غالي ...؟؟

[بــنــــدر]

لا أخذت في خاطري من واحدغالي
ماعاد ابي الناس قاصيها ودانيها

ماعاد ابي اللي ينشّدني عن احوالي
العزله .. ابرك من الدنيا ومافيها

اجلس الحالي وانادم نفسي الحالي
مهموم / وهمومي الله لايحييها

اغيب عن مجتمع خلق الله أشوا لي
وادلّه النفس .. لين الله يسويها

اضحك وانا الصدر لاداله ولا سالي
من ضيقة ٍ ماتجنّب عن حراويها

لا اونستها في ضلوعي كنها الصالي !
الناس ماعاد اناديها بأساميها

كنيتها لين شفت الشرّ في حالي
عجزت لأهرج بها وازريت لا أخفيها

ان جيت ابهرج بها شي ٍ ماينقالي
وان جيت ابسكت لـ( نار ٍ من يصاليها ) !

حتى تساوا مذاق المر والحالي
حسبي على كلمة ٍ ماني بناسيها

ياليتها من عدويني وعذالي
والله لـ( تلقى ) الجواب اللي يداويها

لكنها من حشيم ٍ منزله عالي
احترت فيها ولا ادري وين اوديها !

مردودها كل مامنّه تهيّالي
شيّمت نفسي عن اولها وتاليها

تمرني جعل والله مالها والي
ماكني اوحيتها من فمّ راعيها

واصد من دون لا أشاور ولا أمالي
بضاعة ٍ بين بايعها وشاريها

ماني بـ( ناقص ) غرابيل اول وتالي
روحي من الوقت فيها مايكفيها

سوالف ٍ كل مامرت على بالي
سمحت من خيرة ٍ كنت متحريها

ياحرّ كبدي وياهمي وغربالي
مصيبه ان كان حاميها حراميها

ضايق وضاقت بي فجوج الخلا الخالي
والنار ماتحرق إلا رجل واطيها

مهما يدور الزمان ويأمن الجالي
مايجرح الرووح غير طعوون غاليها

وسلامتكم ....

[سراج الوهم]

وربي كلمات في قمه الروعه
ابداع لاينتهي بأذن الله
تقبل مروري

[بــنــــدر]

ابداع في مرورك الكريم لقدد انرتي موضوعي في مرورك

وشاكر لك عبورك من هنا
والله يعطيك الف عافيه

لا خلا ولا عدم

[دموع الورد]

طرح رائع
راقني المكوث هنا
بانتظار جديدك المميز اخي بندر
بفار غ الصبر

[الغيهــــــــــب]

بنــــدر


لحظات مجنونة
تلك التي ندخلها بخيالنا دون استأذان
نعيشها وتمر علينا الساعات ثواني
نروي بها قلوبنا فتمد بها الحياة اعوام

روعة في الحرف والـهـمـس والحب وحتى في مناجاتك
لن أسجـل كلمة رائعٌ همسك هُنـا فهو بُخس بحقهـا .!!.
ولن أثني هنـا فالثنـاء لايعطيهـا قدرهـــا.!!.
سأقف صامت وكل معاني البهجة والأعجـاب تعترينـي .!.!
دمت متألقــــ

[بــنــــدر]

دموع الورد + الغيهـــــــب
شاكر تواجدكم المميز