[من مطبخي] البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي

[انسان مختلف]

صينية البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي
صينية البطاطس باللحمة من مطبخي, تعرفي علي كيفية تحضير صينية البطاطس باللحمة من مطبخي

ازيكم يابنات وحشتوني جيبالكم انهرده وصفه اظنها سهلة علي كتير مننا بس انا عملتها للمبتدئات
اتمني الوصفه تعجبكم حبيباتي
اول حاجه يابنات المقادير تكفي لخمس افراد

للبطاطس:
2 بصله متوسطه وتقطع حلقات
4 حبات بطاطس وسط وتقطع حلقات سميكه
توابل حسب الرغبه انا بحط (فلفل اسود- كمون - قرفه وشوية شطه صغيرين عشان العيال مش بكتر هههه)
3 ملاعق صلصه بيوريه او 2كوباية صلصه فريش زي ماتحبي
2 ماجي
3 حبات طماطم مقطعه شرائح ولو عايزة تضيفي فلفل حطي بس جوزي مش بيحب الفلفل فيها
عشان كده انا محطتش
معلقة سمن
اللحمه:-
1بصله متوسطه
توابل(فلفل اسود- قرفه-ورق لاورا - كمون)
نص كيلو الي كيلو الا ربع حسب العدد الموجود

سلق اللحمة:-
1- بعد متغسلي اللحمة كويس حطيها في حلة السلق بدون ماء هنشوح اللحمة مع البصل الاول
حطينا اللحمة وعليها التوابل فقط بدون ملح علي نار هاديه هتلاقي اللحمة طلعت مايه لوحده سبيها تاخد وتدي
مع البصل تمام
2- افتحي الحله هتلاقي لون اللحمة اتغير وابتدت الميه تقل زودي مايه براحتك (املي الاوضه شوربه ههههه)
بس مش براحتك اوي يعني هههه
3- عند تمام النضج حطي ملح عادي زي ماتحبي
تحضير صينية البطاطس:_
1- قطعنا البصل شرائح حطي عليه التوابل وقالب ماجي واحد وقلبي البصل مع الماجي والتوابل بايديك كده

2- رصي البطاطس في الصينية علي البصل وبعدين حطي عليه طبقه من الطماطم المقطعه شرائح
وحطي راق بطاطس تاني وراق الطماطم علي الوش زي اللي في الصورة كده


3- حطي الصلصه البيوريه وزود شوية شربه من اللحمة علي البطاطس حوالي 2 كوبايه كده يعني تغطي البطاطس

4- حطيها علي النار وعند الغليان حطي معلقة السمن وقالب الماجي وحركي الصينيه بايدك او بمعلقه

5- سبيها علي النار حوالي ربع ساعه واقفلي البوتجاز رصي اللحمة علي الوش وحطي شوية من
الصلصه بتاعة البطاطس علي اللحمة من فوق وحطيها في الفرن تاخد وش بس من فوق

تقدم مع طبق الارز الابيض الساخن والمخلل
وبالهنا والشفا ياقمرات اتمني تكون الوصفه نالت اعجباكم ومكنش رخمت عليكم
ونورتوني بوجودكم اللي هترد وتقيم هبعتلها طبق هههه:228::227:

للوصول الينا ومتابعة كل جديداكتبي بمحرك البحث (منتدى عـدلات) او (3dlat)