صـبــــاح المجـــد !!

بسم الله الرحمن الرحيــــم

الســلام عليكــم ورحمـة الله وبركاتــه

16 / ديسمبــر / من كل عام ..!!

يوم البحـــرين ...

يوم الوفاء .. ويوم الحب ..

يشرّفني أن تكون أولى مشاركاتي في هذا الصرح الشامخ ..

قصيدة تحمل أصدق المشاعر من قلب أخوكم تجاه وطنه ..

تجاه هذا الوطن العريق .. الوطن الكبير ..

الأم الحنون ..

البحــريــــن !!

قصيدة بمناسبة اليوم الوطني المجيد ..

وذكرى جلوس الملك المفدى ..

حضرة صاحب الجلالة ..

الملك حمد بن عيسى آل خليفة ..

القائد .. والأب .. والملك ..

حفظه الله وأدامه ذخرًا لهذا الوطن الصالح ..

لقلوبكم النقية // بنقاء وطني الحبيب ..

صبـــاح المجـــد

صباحك عيد يا شعب(ن) كريم وللكرم مقيـاس
صباحـك حـب يا بحريـن قاصيهـا ودانيهـا

صباحك عز(ن) ومجد(ن) عظيم وعالي النبراس
صباح الخير يا بلاد(ن) كريـم(ن) كـل ما فيهـا

صباح الورد والعطر و خزامى من هوى نسناس
بلاد(ن) تعتلـي القمـة ولا أخـرى تجاريهـا

وصوفك ينثني فيها رجال(ن) باسهم من بـاس
تحير كل شاعر جـاك يطـري فـي طواريهـا

رمالك ينسكب فيها محاليل الذهـب والمـاس
تزيّن روعة المنظر وتجـري فـي شواطيهـا

أحبك يا بلاد الخير .. اخط اسمك على القرطاس
و لو سقت البيوت آلاف ما بـقـدر أوفيـهـا

أحبك واعشق حروفك وأكتبها مابيـن أقـواس
وروحي وقلبي وعقلي جيوش(ن) لجل نفديهـا

مدام انك يا قايــدنا مليك الشعب وكل النـاس
مـدام انـك يا حاكمهـا تباشرهـا وتعطيـهـا

أجل طيري طيور الحب دقي في السمـا أجراس
وقولي عاش أبو سلمـان وقوليهـا وقوليهـا

أصول(ن) نفتخر فيها فديتك ياكريـم السـاس
فديتك يا حمـد والله وروحـي لجلك اهديهـا

كريم(ن) قايد المجد وعظيم(ن) صافي الأنفاس
عزيز(ن) فارس الأمة ومبحـر فـي موانيهـا

أنا والله بحرينـي وجنسيتـي فخـر الأجنـاس
وشعبي من محرقنـا إلـى الـزلاق يسقيهـا

صباحك عيد يا شعب(ن) كريم وللكرم مقياس
صباحـك حـب يا بحريـن قاصيهـا ودانيهـا

ودي وتقديري ..!

عبدالرحمن بن خالد المدفع