بمناسبة اليوم الوطني للمملكة العربية السعودية

[بــنــــدر]

بمناسبة اليوم الوطني للمملكة العربية السعودية

السلام عليكم ورحمة الله وبركاته ,
بمناسبة اليوم الوطني للمملكة العربية السعودية ( 79 )
اقدم لكم قصيدة لهذا الوطن الغالي حفظه الله من كل مكروه .

يا وطنا دام عزك شامخ والدين سيرة
مارضينا غير ارضك نسكن ونعشق ثراها

انتمي لك والفخر لي شخص وارضه جزيرة
من يلوم اللي يحبك ام وتغلي ضناها

يالسعودي بس اسمك لا لمع في كل ديرة
والله انه تاج اكبر من على هامة سناها

شعب ودستور وأمه ترتوي من فيض خيره
لا عدمنا من حكمنا ولا نسينا من بناها

من شمالك لي جنوبك كل شبر فيه غيره
حاسدك ربي يعينه مادرى انه ما نساها

يحتمي بك رغم غيضه اه ياشين البصيره
وين ماترحل عيونه يرجع ويذكر سماها

كل حرف لا كتبته غير اسمك استشيره
وين يا كلي تمهل ارفق ولملم حلاها

ايه احبك يا بلادي دون شك ودون حيره
كل عرق لا نشدته قال ينبض من غلاها

يا فديتك بالمشاعر والا روحي لك ذخيره
ما تردينا من اول كيف لاجت في سواها

يحفظك رب كريم من صودايف عسيره
يا منار الحق للي ضاعت حقوقه لقاها

دام ابو متعب يقودك سيري دروبك يسيره
والمواطن في يمينه خط ما نبغى سواها

ايه احبك يا بلادي دون شك ودون حيره
كل عرق لا نشدته قال ينبض من غلاها

يا فديتك بالمشاعر والا روحي لك ذخيره
ما تردينا من اول كيف لاجت في سواها