صور لها معنى (!!)حد فاهم حاجة (!!)

[mizo_wizo]

تختلف مفاهيم الحرية من دولة إلى أخرى .. فمثلا فيه دول تعطى الحرية فى أختيار نوع الثقافة التى يود الفرد أن يستفاد منها ... و هناك نوع من الدول تعطى الحرية للفرد لأجل أختيار نوع ( الكلابشات التى يريد أن يرتديها ) .

الدول المتقدمة بدأت ترجع الان لدينها و ثقافتها القديمة من خلال الوسائل التعليمية و محاولة برمجة ( دماغ الطالب ) على حبه لأوطانه و دينه .. و فيه دول أخرى لمؤخذه .. تتبرىء من دينها و عقيدتها و ثقافتها و عادتها و تقاليدها .

كنت قد تأخرت على صلاة العصر فى احد مساجد بلادنا .. و ذهبت لكى أصلى فى الجماعة الثانية .. ألا أن الخادم وقفنى على باب المسجد و قال لى رايح فين يا أستاذ ؟؟ قلت له رايح أصلى .. قال لى ( ممنوع يا أستاذ ) رددت عليه هو أيه اللى ممنوع .. قال لى أسئل حارس المسجد .. سألت الحارس رد و قال ( أمشى .. مافيش صلاة ) .

تختلف مفاهيم الإبداع من دولة لدولة أخرى . فهناك دول تعطى جوائز للفائزين فى مسابقات البرمجة و رقائق الكمبيوتر و دول أخرى تعطى جوائز تقديرية ( للأرجوزات و الراقصين و الراقصات ) و يحكى ان أحدهم عمل ( بيض أومليت ) رد عليه " وزير الإبداع و قال له :_ انت مبدع فعلا (!!) .

حينما يصعد داعية على منبر و يجعل الفتيات ترتدى الحجاب و الشباب يخلع السلاسل و يبطل يسمع أغانى الهيافة .. يتم إبعاد و طرد هذا الداعية .. ( لأنه متطرف ) و كما نعرف فى بلادنا المنكوبة ( ممنوع الدين - نعم للراقصة دينا ) فالراقصات عندنا لهم الحرية فى تجميع الناس .. لكن الشيوخ ( .

وزارات الاوقاف .. فى بلادنا .. برده بتحاول تحجم الدين و اماكن التجمع الدينية و لا أعرف لماذا هو الدين ( بودرة عفريت ) .. و حجتهم فى ذلك ( أصل هناك الكثير من المساجد تاخد مساحات و تكون خالية من الناس ) .. و أحنا نرد عليهم و نقول .. طيب ما تجيبوا الناس للمساجد بدل ما تشيلوا المساجد .

دائما فى المسلسلات الدين ( شىء تقليدى ) لازم يكون الممثلين يرتدون قبعات و الكلام بطىء و تجد المتدين كأنه أخد ( حقنة ماكس ) دااايخ .. و تلاقى الموسيقى التصويرية بطيئة جدا.. و تلاقى التقعر فى الكلام و الخلفية التى بها فسيفساء و كمان تلاقى فى أكثر هذه المسلسلات و الافلام الابطال يجلسون على الارض و الموسيقى شغالة .. مش عارف ؟؟ هو لازم الناس يكرهوا الدين بالعافية !!

كنا زمان بنقول أن الامريكان ( بيكرهوا الاسلام ) أكتشفنا أن فيه مسلمين كمان بيكرهوا الإسلام .. بعض الافلام العربية بدأت تسىء للدين و المتدينين من خلال اللقطات السريعة التى يظهر فيها " الحجاب أو النقاب أو اللحية " حسب نوع الفيلم و هناك شكل نمطى للشيخ و رجال الدين .. بدلا من انتاج أفلام هادفة ينتجون أفلام تسيء لديننا العظيم الذى يدعوا للتقدم و الرقى .

حينما يقوم الطلاب فى الجامعات بعمل مسرحيات و معارض إبداعية داخل الجامعات .. يتم فصلهم و طردهم و تحويلهم الى مجالس تأديب و يمتد الأمر الى حرمانهم من دخول الامتحانات .. أما الشباب اللى بيتعلم ( أزاى تخلى البنات تحبك ) داخل السينما الحكومية .. شباب جدع و بن حلال .. و الشباب الاسلامى مش مبدع و لا حاجة .. اصل الشباب الإسلامى بيعمل مسرحيات لأهداف خبيثة جدا .. و بيعمل معارض للقدس علشان أهداف ( أكثر خبثا ) .

حتى الان لم نرى فيلم عربى حديث .. يوجد به نظرة عميقة لحضارتنا و تاريخنا الكبير .. فكل الافلام يتم أعادتها فى المولد النبوى و المناسبات القومية هى أفلام منذ عشرات السنوات .. ألا أن الافلام التى تعرض حاليا إما أفلام عربية ( هايفة ) او أفلام ( أمريكى - خيال علمى ) .. لازم مخ الشباب يتلحس علشان لا يفكر فى قضاياه الرئيسية .. لا نجد منتج و مخرج عنده ضمير يعمل لنا فيلم يتكلم عن قضية هادفة .. حاجة تضايق !!

( قرفنا من الحديث حول حرية المرأة ) و الغرابة ان الحديث عن حرية المرأة يخرج من أفواه من حولوا المرأة الى سلعة رخيصة و جعلوها مظهر بدون مضمون .. اتعجب كثيرا ممن يجاهرون " بمخالفة القول للعمل " و يجعلون أنفسهم حكماء هذا العصر و هم من الحكمة بين السماء و الأرض .

فين أيام ( سيدنا عمر ) اللى كان رايح يستلم مفاتيح القدس بدون سيارات فارهة و حرس خصوصى .. بل كان سيرا على الاقدام مع احد أصحابه و ليس معهم إلا ( فرس ) .. دلوقتى تلاقى " حتة وزير " او " حتة رجل اعمال " ماشى و معاه ( 4 طن من الحرس الخاص " و كم سيارة 4×4 و تلاقى المواصلات واقفة و الناس متعطلة علشان موكب سيادته ( بيعدى الطريق ) .

" لا حرج على الإعلام الغربى و الأمريكى " حينما يصور لنا المرأة العربية على أساس أنها ( متخلفة و جاهلة ) .. و لهم حق فى ذلك .. لان السبب الرئيسى هو ( إعلامنا المنكوب المتخلف ) الذى يحرم المرأة المسلمة و المحجبة من أداء حقوقها فى معظم المجالات .. بل يمتد الأمر بإعلامنا أن يصور النقاب و الحجاب على أنهم ( التخلف .. إعلامنا العربى يظهر المرأة المسلمة على أساس أنها مسلوبة الحقوق و على الرغم من أن أكثر النساء العرب محجبات إلا ان البودى و الإستريتش هو السائد تليفزيونيا .

علشان الشاب من الشباب يبقى مقبول إعلاميا لازم " يكون حاطط ربع كيلو جيل على شعره و يكون شعره " سبايك " واقف على حيله و كأنه ماسك فى كابل كهرباء ... و لازم الشاب يكون لابس تيشرت عليه هيكل عظمى و بنطلون ( مدلدل ) .. ظنا من الإعلاميين ان هذا الشباب هو أمل الامة .. و سلملى عا التخلف

( نانسى معجرم - أموشكا - ...... ) أصبحوا قدوة الشباب بسبب السياسات الاعلامية المتخلفة التى تتبعها بعض الانظمة العربية .. يعنى مغنية مثل ( نانسى معجرم ) تظهر ( 7 مرات فى الاسبوع ) بينما عمرو خالد يتم إبعاده و حرمانه من دروسه بل و التضييق عليه فى الفضائيات .. عمرو خالد بيقول ( صناعة الحياة ) و هؤلاء يقولون ( صناعة الهيافة ) فايهما تفضل (!!) .

تخيلوا قنوات الاطفال تعرض أفلام كارتون ( غير لائقة ) .. لا أعرف السبب سوى ان المسئولين إعلاميا يرغبون فى جيل مثقف و فاهم و واعى .. عايزين الطفل يخرج من بطن أمه ( عارف كل حاجة ) بس هناك شرط واحد ألا و هو ( ان يجهل الطفل بدينه )و تكون مادة الدين ( غير محسوبة ) .

( معظم الأمهات حاجة تكسف ) .. تلاقى الام نازلة من بيتها و دماغها فى العلالى ( أصل بنتها الجميلة الامورة ماشية جنبها ) .. و تلاقى الام تقول للبنت الامورة :_ ألبسى أكثر حاجة لمؤخذه علشان تتجوزى بسرعة .. أما لو البنت ربنا هداها و عرفت طريق الحق .. تلاقى الام ركبها ( عفريت ) يا بنتى بلاش الحجاب .. انت لسه صغيرة .. يا بنت مش هتتجوزى ..( و عجبى ) !! .

( ليالى التليفزيون - مارينا - أضواء المدينة ) خلى الشباب ينبسط يا عم .. هذا لسان حال مسئولى حفلات الرقص و التنطيط و الهيافة و التى يطلق عليها حفلات الإبداع .. منهم لله من جعلوا الصيف موسم التعرى و المجون و الرقص و الدنس .. كسفتونا ادام الاجانب ربنا يكسفكم .

طالما ( بنتمحك فى الفراعنة ) فلازم تصيبنا ( لعنة الزيرو ) .. أصابنا الصداع من مصطلح ( فراعنة مصر - المنتخب الوطنى ) و كأن فرعون ( راجل محترم و عارف ربنا ) .. لذلك فلا حرج ان نصاب بفيروس ( الزيرو ) بتاع كاس العالم .. طالما احنا ماسكين فى حضارتنا القديمة و مصممين على عدم بناء حضارة جديدة سنظل متخلفين .


فى بعض الأفلام العربية لازم البطل ( يلعب قمار ) .. و تلاقى البطل ماسك السيجارة بشكل معين و بجانبه ( كوب ) عادة كوب من الخمر .. و تجد المصطلحات متشابهة فى هذه الأفلام .. و فى الاخر يطلع البطل بتاع الفيلم ( شخصية محترمة و ابن حلال ) و كأن الخمرة ( لب سوبر ) لا مشكلة (!!) .

طووول النهار ( الفراعنة رايحيين .. و الفراعنة راجعين ) و قصدهم بهذا الوصف ( المنتخب الوطنى المصرى ) .

و أنا رأيى انهم ( يحنطوا المنتخب ) و يخلصونا !

الشباب اللى بيفكر كويس و لديه موهبة أو شهادة عليا لازم يسافر فى الخارج علشان هناك فى الخارج بيقدروا العقول كويس .. بينما فى دول أخرى متخلفة بيقدروا " البطون كويس " مش العقول !!

كل الشباب حاليا بيفكر فى الزواج و دا طبعا ( حق مشروع )
لكن اللى مش مشروع ( انك تتجوز ) )
روح اشتغل ( 20 سنة اشغال شاقة ) علشان تعرف تجيب الشقة.

( المذيع الحقنة ) هو خلاصة المحسوبية و المجاملات فى الوسط الإعلامى .. من أهم صفات المذيع ( الحقنة ) أنه دائما يحب المنظرة و يتكلم عن نفسه و عن علاقاته المتعددة و عن خوارقه و انجازاته و معجزاته .
و تجد نتيجة أفعاله و تصرفاته ( صفر عـ الشمال ) و لا تستطيع ان تستخرج أى حكمة او أفادة من كلامه .. لأنه عادة بيكون كلام هايف أو عبيط .

بعض الاعلاميين فى الوطن العربى ( مجرد عرائس يتم تحريكها من خلف الستارة السوداء أو الحمراء ( حسب احوال الطقس ) .
و هؤلاء سبب إضلال الناس و إبعادهم عن دينهم و عقيدتهم .. حيث تقوم جهات ( مشبوهة ) بتحريكهم فى أوقات محددة .. و انا رأيى ( ان الحبل اللى بيحرك العرائس لازم يتقطع ) .

تلاقى الضيف قاعد فى البرامج ( أياها ) و بيدافع عن منهجه العلمانى و يبرر الاخطاء و المصائب الذى تسبب فيها .. و تلاقيه متردد فى كلامه و رد فعله .؟
و تلاقى الوحد منهم خايف الناس تكتشف ان ( الفيشة بتاعة دماغة متشالة ) !!

لو كل واحد مننا ( عمل search على دماغه ) يا ترى هيطلع خير و اللا شر ؟؟
أدعوا نفسى و الجميع ان نقوم بعمل بحث دورى على العقول قبل القلوب .. و اول ما تعرف عقلك .. يسهل جدا انك تعرف قلبك و من عرف قلبه فقد عرف ربه .

انت يا شاب يا مسلم .. انت مش مذبذب ابدا .. و عمرك ما هتكون مذبذب .. لأن انت منهجك واضح و طريقك ربنا رسمه لك .. و الشرط الوحيد انك تسمع كلام ربنا بس .
اوعى تيجى فى يوم من الايام و تقول ( ان الدنيا سوداء ) .. لأن الدنيا عمرها ما تسود فى وجه المؤمن .. و دائما هناك باب مفتوح لا يغلق أبدا .

فى الأفلام الامريكية الحديثة و التى تستهدف السوق العربى بطريقة مقصودة .. تجد فيها ان البطل ( خمورجى و قمارجى و حرامى و يزنى و حالته بالبلاء الأزرق فوق دماغه ) .
و فى الاخر ( يطلع منقذ للبشرية و بيحب وطنه ) .. و احنا بنسأل و نقول هل هما فعلا عايزين جيل تحررى - وطنى - منقذ للبشرية ؟؟؟

اللى يفكر ان الفيديو كليب ( اغراء فقط ) لمؤخذه عبيط شوية!!
الفيديو كليب هذا معمول بتخطيط و تنظيم .. و القنوات الغنائية بينهما تناسق و تكامل و توزيع ادوار دقيق و مرسوم .. هؤلاء يرسمون نمط للحياة الشبابية المرفهة .. يهدفون من خلالها الى تدمير الاخلاق و تمييع المصطلحات .

فيه فرق بين الدولة الفاضلة ( بتاعة أفلاطون ) و الدولة الفاضية ( بتاعة فودافون ) !!

حقيقة نحن فى عصر ( الصرعة ) و ليس ( السرعة ) .. و فى رأيى المتواضع .. ان على كل مصروع انه يهدأ شوية .. و يخلى باله من نفسه فى هذا الزمن الأغبر . احسن احنا من كثرة ( الصرعة و المصاريع ) أصبحنا أمة مصروعة تسير بالتصارع .

مالك يا عمنا العقيد القذافى .. مرة قومية و مرة أفريقية .. و بعدين تخليها أمريكية .. و يا خوفى احسن تبقى لاتينية و اللا فرانكفونية و بكده حققت رقم قياسى فى موسوعة " الكوسة السياسية " ..

بلغ حجم التجارة الإلكترونية فى " تركيا " مليارات الدولارات .. و المعروف ان الشباب التركى يحب الإنترنت لأنه يحقق من خلاله أرباح مادية .. مش زى الشباب العربى .. اللى تلاقى الشاب طول النهار و الليل قاعد يحكى عن مسلسل " بكار و كونان " .. و نص ساعة كاملة يسلموا على بعض (!)


شاهدت على التلفاز " وزير الفراعنة و التحنيط " أقصد " وزير الآثار " و طوال برنامج كامل يتحدث عن اكتشاف تاريخى بجهاز اشعاعى يتعرف على عمر التحنيط لجثث الفراعنة (!) .. و باختصار اقول له " لو عايز تعرف سر التحنيط " أسأل الحكومة اللى محنطة نفسها من أيام الثورة الله يرحمها .

" الراقصات عــ العين و الراس و اشطب الدعاة مــن الكراس " هذا لسـان حال المؤسسات الاعلامية التابعة للمعبد القديم .. حيث يقوموا بتلميع الراقصات و ابراز جوانب الهيافة و العبط .. بينما الدعاة المثقفين و التنويريين محرومين فإما ان يظهروا فى برنامج ( للهجوم على الإسلام ) او برنامج ( خلف الأسوار ) !!

تقرير تنموى عربى .. بيقول ان لو الفساد فى العالم العربى انتهى .. سيتضاعف أجر المواطن العربى ( 5 أضعاف ) و سيقل عدد الفقراء الى النصف !!

هناك مجموعات من المسابقات المبتكرة و التى تهدف الى تنظيف جيوب الشعب المطحون .. فتجد اعلان مفاجىء .. يقولك " اطلبنا على 0777 ) و بكده تكسب معانا الجايزة الكبيرة جدا ..
و انا بقولك ( قابلنى لو كسبت حاجة منهم ) .

للدعاة بالذات .. و خصوصا الدعاة العاملين .. حاول ألا تبتعد كثيرا عن بيتك .. و كن صديقا لأبنائك .

ظهرت العديد من الكتب و الدراسات و التى تهدف الى خلط التكنولوجيا بالإسلام .. و هذا فى حد ذاته شىء جيد جدا .. لكن المشكلة ( مين اللى هـ ينفذ هذا الخلط ) .. فالحكومات لا تهتم بالإسلام و الشعوب لا تهتم بالتكنولوجيا !!

الباب الوحيد اللى مفتوح أمام الشباب الطاهر ( هو باب الدعوة ) بعدما أغلقت كل الأبواب .. و مش ممكن الدعوة تقولك ( المعلم بيسلم عليك و بيقولك فوت علينا بكرة ) .. انت فاكرها كوسة زى اللى بالى بالك !

بعض ( ولاد الحلال ) من الحيتان و الفاسدين و المرابين و سارقى القروض ينامون ملء جفونهم و كأنهم رهبان بالليل فرسان بالنهار .. و الحقيقة أنهم ( حرامية بالليل و ............. بالنهار ) .

يا رب .. يا رب .. كل من سمح للشركات متعددة الجنسيات بنشر الثقافة الأمريكية يعتقل فى " أبو غريب " أو " طرة " .. و مافيش فرق .

[dmX]

كنا زمان بنقول أن الامريكان ( بيكرهوا الاسلام ) أكتشفنا أن فيه مسلمين كمان بيكرهوا الإسلام .. بعض الافلام العربية بدأت تسىء للدين و المتدينين من خلال اللقطات السريعة التى يظهر فيها " الحجاب أو النقاب أو اللحية " حسب نوع الفيلم و هناك شكل نمطى للشيخ و رجال الدين .. بدلا من انتاج أفلام هادفة ينتجون أفلام تسيء لديننا العظيم الذى يدعوا للتقدم و الرقى .

الصراحة الموضوع اكثر من رائع يا ميزو والله العظيم فى حاجات كتير فى الصرو دى صح
يا ريت كل واحد مننا يبدأيقلل من سلبياته علشان الايجابيات تظهر ونرجع زى ما كنا زمان

[NONA_WIZO]

بجد بسم الله ما شاء الله عليك يا ميزو الله اكبر انت بجد راااااااااااااااااااااائع دي عليك شوية مبدع دي عليك شوية بردو ده انت مش سايب حاجة سيبها خالص وكل كلمة فعلا حقيقية انا مش لقيا حاجة اعملها اقتباس في ردي لان الموضوع كله جامد وكله هادف وكله واقعي وانت مقدمه بالصور وبخفة دم بردو بجد انت هايل جدا

تسلم ايديك يا ميزو



ربنا يوفئك
:rose: نــــونـــــا:rose:

[الهواوووي]

حققت الحفلة التي عاد بها النجم الشاب تامر حسني إلى جمهوره يوم عيد الحب نجاحاً ساحقاً بحضور أكثر من 35 ألف متفرج من محبيه وعشاقه في الحديقة الصينية بمركز المؤتمرات.

وبدأ الحفل في الساعة السابعة من مساء الأربعاء الماضي الموافق 14 من فبراير الجاري مع الـDJ ياسر الحريري ، وقد كان الزحام المروري ملحوظاً بشكل كبير في المنطقة المحيطة بمقرها.

وتسبب تزاحم الشباب لدى بوابات الدخول إلى إضطرار قوات أمن مركز المؤتمرات بإغلاق جميع أبوابه عدة مرات ، ليصل عدد الذين حضروا حفل النجم الشاب إلى أكثر من 35 ألف شاب وشابة.

وقبل ظهور تامر حسني إلى جمهوره بدأت المقدمة الخاصة به التي أعدتها المونتيرة الشابة فدوى مواهب ، والتي حملت عدداً من أحدث صور النجم الشاب مصحوبة بموسيقى سريعة وقوية ، إلى جانب المؤثرات البصرية والإضاءة والليزر التي أبدع في تقديمها طوال الحفل المهندس أحمد عصام ، ثم ظهرت مجموعة من صور حسني وهو طفل صغير ومع عائلته ، لتنتهي المقدمة بصوت تامر وهو يغني لجمهوره "بعيش" وبصعوده إلى خشبة المسرح.

وقد تم بناء وتحضير المسرح بشكل أكبر ومختلف تماماً عن باقي الحفلات التي أقيمت بالحديقة الصينية ، وتولت عملية تنفيذه شركة "الموهوب" ومالكها منظم الحفلات الشاب وليد منصور.

وظهر تفاعل الجمهور مع تامر حسني بشكل ملفت ، وبعد غناءه لأغنية "بعيش" أهدى لجمهوره الأغنية التي تليها وهى أغنية "فاتت علينا" ، وقد كرر أكثر من مرة جملة "رغم البِعاد الحب زاد" ، منبهاً محبيه قبلها قائلاً "ركزوا في الجملة ديه".

وسجد تامر حسني على خشبة المسرح وحمد وشكر الله سبحانه وتعالى على حب جمهوره الذي ظهر له ، كما قال للجميع "اللي يحب تامر حسني يقول الحمد لله" ، فرردها الجمع الغفير وراءه.

وجاء عدد من النجوم الشباب ليساندوا صديقهم المطرب في حفل عودته ، حيث ظهر المطرب محمد نور وشارك حسني بالغناء على خشبة المسرح.

كما جاءت المطربة الشابة شذى للحفل وقد جلبت معها صورة لنجم الحفل محاطة بباقة من الورود الحمراء وأهدتها لتامر على خشبة المسرح ، مهنئة جمهوره على عودة نجمهم الشاب إليهم وإلى فنه
إلى جانب الممثلة الشابة مي عز الدين التي حضرت الحفل لكنها لم تظهر على المسرح ، إلا أن تامر وجه إليها تحية كبيرة وقام بغناء أغنية "الله يبارك لي فيك" من فيلمهما الجديد "عمر وسلمى" ، وأهداها إليها.

وقد قدم تامر حسني موهبة جديدة من اكتشافه هى المطربة الشابة ذات الـ13 عاماً إلى الجمهور ، حيث شاركت معه في غناء أغنية "بعيش" ، وأظهرت أداء وتفاعل مع الجمهور ينبئ بميلاد نجمة قوية جداً في المستقبل.

وقبل غناءه لأغنية "قلق" ، قال النجم الشاب "أنا هغني الأغنية ديه لأجمل بنت في الدنيا كلها ، عارفين هى مين؟" ، ليقدم أصغر نجمة سينمائية في الوسط الفني حالياً ، هى الطفلة منة عرفة التي تألقت في بطولة فيلم "مطب صناعي" مع النجم الكوميدي أحمد حلمي ، وقد قال وهو يقدمها للجمهور ويحملها بين يديه "إنتِ بقى اللي في كفة والبنات في كفة" ، لتشاركه بعدها في غناء الأغنية.

وطوال ساعات الحفل الثلاث كان الجمهور يقذف على نجمهم باقات الورود والدمى ذات الأحجام المختلفة كهدايا منهم إليه بمناسبة عيد الحب.

ورغم التنظيم المشدد الذي أشرف عليه جمال مروان مالك شركة "ميلودي" راعية الحفل الرسمية بنفسه ، إلا أن عدد من الفتيان والفتيات تمكنا من الصعود على خشبة المسرح والإمساك بتامر لتقبيله وإحتضانه.

وغنى تامر كل أغانيه من ألبوماته السابقة بداية من أحدثهم "عينيا بتحبك" إلى أول أغنية ظهر بها على الساحة "شكلي هحبك ولا إيه" ، ومن الأغاني الجديدة لم يغني سوى "الله يبارك لي فيك" و"حد يقولها".

وقبل نزوله من على خشبة المسرح قبل منتصف تلك الليلة ، وجه النجم الشاب الشكر إلى كل من وقفوا بجانبه في محنته ، وإلى كل من حضر حفل عودته من محبيه ، كما شكر شركة "ميلودي" الراعية الرسمية والمنظمة للحفل.

ومن المقرر أن يُذاع كاملاً وحصرياً على قنوات "ميلودي" خلال الأسبوعين المقبلين ، وسيتم الإعلان عن الموعد المحدد للعرض قريباً.

لمشاهده
صور من الحفل

اضغط هنا

[اميرالقلوب]

تسلم يا قاسم

[haridy2000]

:kiss:
thax man