مـــن الجــــانى .. * 1 *, مجهوله

[mizo_wizo]

مجهوله فتاه تبلغ من العمر 23 عاما .. تعليمها متوسط .. ثقافتها فى الحياة حصلت عليها من أمها الغير متعلمه ..
مشاهدتها للتليفزيون والأفلام الرومانسيه رسمت من خلالها صورا للبشر وحتى أدق العلاقات الاجتماعيه . كثيرا ما حلمت بالفارس الذى يمتطى حصانه الأبيض ويتزوجها .. كانت تحلم دائما بالسعادة والعيشة الرغدة لتعوض نقصها الاجتماعى فى حياتها الأسريه بعد وفاه والدها .. فقد احست ان امها توفيت من يوم وفاه والدها وذلك لقربها الشديد له وحنيته عليها الغير عاديه .. على النقيض لعدم حنان الام عليها وقساوتها الشديده عليها ..

وبعد عاما واحده من وفاه الاب تزوجت الام من ملك .. كانت قساوه زوج الام اشد عليها من قساوه الزمن .. غير النظرات والمحاولات الدنيئه التى كان يقوم بها ملك مع مجهوله .. ولكن قوه مجهوله كانت اقوى من اى رغبه متوحشه عند ملك وكانت ترفض ..

وعوملت ف المنزل معامله الخادمه التى تغسل وتمسح وتطبخ لسيدها وسيدتها وهيه تأكل وتنام ف المطبخ .. فقد نست طعم الحنيه فقررت التخلص من هذا الجحيم بالموافقه على اول عريس اتقدم لها رغم فرق السن الكبير فقد كان يبلغ من العمر 42 عاما ف اعتقادها ان تعيش حياه زوجيه افضل .. وتزوجت بالفعل من مودي ولكن بعد الزواج اكتشفت خداع الزوج لها فقد كان متزوج من أمرأه تدعى ياسمين ولديه طفل منها يدعى عاشق يبلغ من العمر 13 عاما غير ذلك ان شقه الزوجيه ستكون الشقه التى توجد بها والدته وقال لها هذا مؤقتا لحين ربنا يسهل واجيبلك شقه فخمه .. فرضت بحالها وعاشت معه ومع والدته ..

فقد كانت حياه العذريه قبل زواجها مع امها وزوج امها ارحم بكثير من حياتها الزوجيه والتى رأته من حماتها فقد كانت تعاملها معامله سيئه جدا جدا وحينما يرجع مودي اخر الليل كانت تبكى له وتحكى له عما حدث ولكنه الى حد ما كان يراضيها ومر عاما على هذه الحياه الى ان أتى ما يعوضها على كل ذلك فأتت ابنتها كيتى ولكن الزوج مودي كان حاله يسوء يوما بعد يوم بعد ان ترك شغله بسبب مشاكل مع صاحب العمل فقرر ان يبيع شقه زوجته الاولى ياسمين حتى يستطيع ان يصرف على الزوجتين واولاده وامه لحين يحصل على شغل جديد .. وقرر ان تأتى ياسمين وعاشق لكى يعيشون مع امه وزوجته التانيه وابنتها .. فكانت خادمه المنزل هيه مجهوله

( الزمن يعيد نفسه مع هذه الفتاه )

تمسح وتطبخ للأسرتين غير الاهانه التى كانت تتلقاها من حماتها وضرتها وفوق كل ذلك تذاكر لعاشق وترجع ترضع ابنتها وأخر الليل تاخدها ف حضنها وتنام مكسوره الخاطر وزوجها ف حضن زوجته التانيه وهيه مذلوله ولكنها مرضيه كيف ترفض وترجع الى زوج الام وحياه العذاب الماضيه ولو رجعت هما سيرفضون ويرجعوها بالعافيه فكانت كل الافكار تدور ف دماغها وتنام ودمعتها على خدها .. انتهت الفلوس من يد الزوج مودي

ولكن ياسمين طلبت الطلاق فقد كانت متعوده على عيشه مترفهه ولكن كيف بعد المستوى اللى هيه فيه تعيش ف منزل يسيع ست اشخاص فلم تقدر تستحمل الجوع ف نفس الوقت التى كانت واقفه جمبه زوجته الثانيه مجهوله.. ولكن رفض مودي طلاقها واجبرها على المعيشه وانه سوف يأتى له مال قريبا جدا بعد خلافات كبيره بينهم اقنعها انه نازل شغل كبير وقريبا يأتى لها بالمال ..

فذهب الى ميزو تاجر المخدرات ليشتغل معه وبصدر رحم من ميزو ولظروف مودي الماديه نزله الشغل والارش جرى مع مودي وكان كل ليله يعطى كل ما يكسبه الى زوجته ياسمين لكى ترضى عنه وكان اهتمامه بها كان على حساب مجهوله زوجته المكسوره الجناح ف تلك الظروف توفيت والدته وبعد مرور عاما على وفاه الام .. أتى له قرار من ميزو انه ينزل مدينه الاسكندريه يوزع بضاعه هناك أخذ ياسمين وابنه عاشق معه للفسحه وتركوا مجهوله وحيده ف المنزل ..

ولكنها فرحت وذلك لاول مره ستشعر بها بالحريه ف الشقه ولكن الفرحه لم تتم وذلك لمحاولات من اولاد الشوارع الدنيئه لها حيث كانت تعيش بمفردها خلال سفر زوجها فكانت شله فاسده حاطين عيناهم عليها وحينئذ اتت لهم الفرصه والشقه لديها فاضيه دخل عليها كل من ديمكس و مايكل و ديالو واغتصبوها وقام بتصوريها رابع الشله الفاسده انت عمرى صورها معهم وهيه ف احضان كل منهم وفروا هاربين .. البكاء كان الوسيله الوحيده لمجهوله ولكنها خافت ان تحكى لزوجها ففضلت السكوت والكتمان ..

ولكن حينما رجع مودي من رحلته ف الاسكندريه أتى له جواب مكتوب عليه زوجتك ف احضان عشاقها ومرفق معه الصور .. طبعا حدث له حاله من الجنون ونزل ف مجهوله ضرب .. وازاى تخونينى .. وليه .. ومع مين .. مع دول .. هو انا قسرت معاكى .. خليـتى رقبتى اد السمسمه ف الحته وف الشغل .. انتى مش عارفه ان دول زملائى ف الشغل .. ولكن بكائها أثر عليها حيث كانت الصدمه لديها اكبر من ان تدافع على نفسها .. وطلقها مودي ورماها ف الشارع هيه وابنتها كيتى ..

ذهبت الى امها لكى ترتمى ف احضانها ولكن طردها زوج امها ملك واصبحت الشوارع متوى تلك الفتاه هيه وطفلتها الى ان قابلتها سيده اعمال تدعى ريـرى فأخدتها تعيش معها وتخدمها بمقابل مبلغ من المال الى جانب اكلها ونومتها هيه وطفلتها فوافقت مجهوله وذهبت معها ولكن ما الذى رأته هناك تلك الفتاه انها شقه مشبوهه و هذه السيده ما كانت الا قواده تستقطب فتيات الليل الي تلك الشقه المشبوهه بجانب رجال الاعمال الذين يقضون اوقات فراغهم في لعب القمار ..

ولكن رفضت مجهوله فـ البداية العمل فـ هذة الشقة ولكن ظروف الحياة الصعبة اجبرتها على ذلك ..

وفى هذة الاثناء عرف مودي الزوج الشرير ان زوجته مجهوله بريئة من كل ما اتهمت به وأنــه ظلــمها كثيـــرا من ميزو تاجره المخدرات حيث صعب عليها حال مودي وحال مجهوله فذهبت له وقالت له ما حدث أنها طلبت من تلك الاشخاص نقل عمليه كبيره جدا سوف تقلب لها حياتها من مال كثير فوافقوا ولكن بشرط انى ابعدك عن المنزل ف اى سفريه لكى ينفردون مجهوله الشابه الصغيره الجميله التى من زمان نفسهم ان يقضون ليله معها وغير ذلك يكسرون عينك بحيث لو طلبوا منك اى شىء بعد ذلك تكون رأسك ف الارض وتوافق .. وأنا لقيت الفرصه حلوه ليه انت هتوافق على اى عمليه اقولك عليها والاولاد هيعملولى العمليه الكبيره اللى انا كنت مستنياها .. فوافقت .. ولكنى ندمت بعد ذلك وبعد المشاكل اللى الولاد دول عملوهالى مع التجار الكبار ف اخر عمليه .. فحبيت اقولك علشان تنقذ المسكينه دى ..

وصار امير العذاب يبحث عنها فـ كل مكان وعندما عرف انها تعمل فـ شــقه مشبوه قرر ان يذهب ليأخذها من هناك ولسوء الحظ كان الاشرار ايضا هناك ( ديمكس و مايكل و ديالو و انت عمرى) كانوا يقضون ليلة ولكن مع بنات اخريات غير مجهوله المهم حاول الزوج ان يقتلهم ولكن مجهوله حاولت منعه لكى لا يسجن وفى نفس الوقت كانت مباحث الاداب تهجم على الشقه المشبوهه والقوا القبض عـ الجميع بما فيهم الاشرار والزوج ومجهوله ايضا ولكن اثناء الترحيل حدثت حادثة فأنقلبت السيارة بهم فهربوا جميعا ..

وقد جاء بلاغ من السيده ياسمين بمكان الهاربون .. فقد رأت زوجها وتعقبته حتى عرفت مكانه وأبلغت ف الحال ..
وتم القبض عـ الجميــــــع ولكن ديمكس و مايكل و ديالو و انت عمرى لم يكن من ضمنهم ..
وبعد مدة من البحث عليهمــ .. عثر رجال الامن عليهم جثث هامدة فـ بدروم منزل السيده ياسمين ..


وكيـــــــــــف تمـــــــــت الجــــــــريمه ..
والدافــــــــــــــــــــــــــــــــــــــــــــ ـــع ..

وأخيــرا وليـس أخرا
لا داعـى للزعـل من قـبل الاعضـاء ..
فأنـها أولا وأخيـرا مجرد جريمـه المقـصود منـها التسـليه وليـس الزعل ..
مع أحتـرامى وتقــديرى لكل مـن شارك فى تـلك القضــيه ..

مع ميزو

[mody]

ههههههههههههههه


انت شردتنا يابني في المنتدي

يخرب عقلك

لا وايه بتثبتنا في الاخر
وتقول مع احترامي وتقديري
ههههههههههههههه

ماشي ياعم ميزو

انا هجاوبك بقي

اولا الجاااني

الام

الجريمه

الابن عاشق قتلهم كلهم
الدافع

طار امه يامعلم

شكرا

[mizo_wizo]

شكرا لمروك يااااااامودي ومتزعلش مني انا والله قصدي نبقي عيشن في القصة مش اكتر
ولكن اجاباتك كلها غير صحيحة
فكر تاني
مشكووووووووووووووووور حبيبي

[طمطم22]

هههههههههههههههههههههه

حلو اوووووووووى يا ميزو

دانت بهدلت الاعضاااء اخر بهدله

ربنا يستر عليهم لما يشوفو الموضوع

الجاني ... ياسمين وابنها عاشق

السبب .. التاجرة ميزو عاوزة تخلص من المشاكل اللي الاربعه الاشرار عمولها ليها ( هما مش اشرار بردة )

دانت مشكله يا ميزو

كيف تمت الجريمه ...

لما هربووووا راحوا لتاجرة المخدرات .. المعلمه ميزو

علشان تستر عليهم

فقالت لهم ان ياسمين هيا اللي بلغت عن زوجها وبالصدفه كنتم هناك

طبعا هيحاولو ينتقمواااا لنفسهم من ياسمين

هيتهجمهوا عليهاااا

هتدافع عن نفسها وابنها معاها ويقتلوووووا الاربعه

ونفس رايا وسكينه كده

البدرررروم ... شغاااال ياااباشااااا

كل جاني وانت طيب

[فروله]

بسم الله الرحمن الرحيم

اولا مشكور حدا على الفكره الهايله دى يا مفكر ومبدع المنتدى
ميزوووووووووو ويزوووووووووو

ثانيا الجريمه واضحه والجانى معروف
الاول نحلل القضيه
اعذرونى يا جماعه هطول اصلى مهنتي الاصليه محاميه فبيحتم عليا الموقف انى اقةم بمهامى
مع انى معرفش هتطلع صح الايحابه ولا لاء
هههههههههههههه
المهم
القضيه هنا فيها 2 مشتبه فيهم
هم مجهوله الزوجه المسكينه
والتانى هو مودى الزوج
بس الاكيد فى الجريمه هم مودى
تعالو نحلل مع بعض
الاول الاشتباه فى مجهوله فى تورطها فى الجريمه
ىنها هى اللى ليها مصلحه فى قتلهم لانهم اتهجمو عليها
واغتصبوها لا ومكتفوش بكده ده صورو الحدث وكمان عرضوه على زوجها بالمعنى اللى يخليه يطلقها
وفعلا طلقها واتشردت فى الشارع هى وبنتها المسكينه
وكان فى النها ايه انها اشتغلت فى بيت مشبوه ومعاها بنتها اللى الله اعلم هيبقى مصيرها ايه
هو ده سبب اشتبهاهى فيها بس اللى نفى الاشتباه انها كانت
من ضمت اللى اتقبض عليهم فى الشقه وهربو وبعد ما ياسمين عرفت
البوليس مكانهم اتقبض عليها تانى تعنى الشبهه ابتعدت عنها ابتعاد تام
الا اذا انت بقى يا ميزو مقولتش المجنى عليهم اتقتلو من اد ايه
يعنى فترة قتلهم قبل القبض على الهاربين ولا لاء
ده تحليلى لمجهوله

نيجى بقى للزوج اللى هو مودى
هو كمان له مصلحه فى قتلهم هو ممكن من الظاهر نقول انه بينتقم لشرفه اللى هم دنسوه وكمان ظلمهم لزوجته اللى اتشردت هى وبنتها
وممكن يكون السبب الباطن انه بيتخلص من ذلهم ليه بالشريط اللى بيهددوه بيه كل اما يحتاجو منه حاجه ويعملها غصب عنه
لانهم بيهددوه بشرفه يهنى بيتسمى ابتذاذ
وده دافع قوى للتخلص منهم

نيجى بقى لكيف تمت الجريمه
اكيد المجنى عليهم عرفو ان اللى دلت البوليس على مكانهم هى
ياسمين زوجة مودى التانيه
فاكيد كانو رايحين ينتقمو منها فكان فى الوقت ده مودى هناك
فهو اللى قاك بالجريمه لانها فرصه ليه انه ينتقم منهم وبعدين
مننساش ان نية القتل كانت جواه فاكيد كان مجهز السلاح اللى كان
هيقوم بالجريمه بيه قبل كده
ولما جت الفرصه قام بالجريمه و القى بالجثث فى بدروم شقة ياسمين
ومن هنا تنتهى القضيه

الف شكر يا ميزو انت خلتنا نشغل مخنا كويس لانها فزوه جميله
مشكوووووووووووووووور

[nAmLa]

اولا بحيك يا ميزووو عن الفكرة بجد حلوة وتشغل الدماغ اوى

الحل بقى ..

القاتل هو

(المعلمة ميزو)

السبب ..

انها كانت عايزة تنتقم من (ديمكس ومايكل وديالو وانت عمرى) عشان المشاكل اللى عملوها فى الشغل مع التجار وكدا .. فحبت تنتقم منهم عشان كدا قالت لمودى على اللى على الخطة الشريرة اللى دبروها له ولمجهولة .. قالت بقى تخلص منهم ومن مودى بالمرة .. اصله مش طبيعى قلب المعلمة تاجرة المخدرات الكبيرة يحن فجأة كدا ويصعب عليها حال مودى .. ولولا المشاكل اللى عملوها مكنتش قالت لمودى ..

لكن حظها بقى ان مودى مش قتلهم وشاء القدر وهربوا كلهم ومن الطبيعى انهم يروحوا لميزو عشان تخبيهم وعشان عندها أمن مكان ممكن يروحه بس هيا اللى انتقمت منهم عشان المشاكل اللى عملوها مع التجار وبقوا كروت محروقة وكدا كدا هيتقبض عليها فقتلتهم وسبتهم فى البدروم عشان تبعد الشوبهات عنهااااا

ملحوظة: مش واضح عندى هما فى بدروم منزل السيدة مين لان مش كلا لكتابة ظاهرة عندى

[mizo_wizo]

الف شكر لمودي وطمطم وفراوله ونمله وانشاء الله سيتم الأعلان
الاجابه
في الايام القادمة
.......


ادمن المنتديــــ العامة ــــــــات

[nAmLa]

ممكن اقول اقتراح يا ميزووووو

ياريت تحدد ليها وقت مثلا كل اسبوع وتلتزم بيه .. علشان المسابقة مطولش

وجزاك الله كل خير

[mizo_wizo]

سيتم الاجابة علي من الجاني غدا بأذن الله تعالي
وسيتم اعلان اسماء الفائزين غدا في المسابقة
والله ولي التوفيق

[mizo_wizo]

المشاركة الأصلية كتبت بواسطة طمطم22

هههههههههههههههههههههه
حلو اوووووووووى يا ميزو
دانت بهدلت الاعضاااء اخر بهدله
ربنا يستر عليهم لما يشوفو الموضوع
الجاني ... ياسمين وابنها عاشق
السبب .. التاجرة ميزو عاوزة تخلص من المشاكل اللي الاربعه الاشرار عمولها ليها ( هما مش اشرار بردة )
دانت مشكله يا ميزو
كيف تمت الجريمه ...
لما هربووووا راحوا لتاجرة المخدرات .. المعلمه ميزو
علشان تستر عليهم
فقالت لهم ان ياسمين هيا اللي بلغت عن زوجها وبالصدفه كنتم هناك
طبعا هيحاولو ينتقمواااا لنفسهم من ياسمين
هيتهجمهوا عليهاااا
هتدافع عن نفسها وابنها معاها ويقتلوووووا الاربعه
ونفس رايا وسكينه كده
البدرررروم ... شغاااال ياااباشااااا

كل جاني وانت طيب

الف شكر ليكي يا طمطم
هو اجابتك مش صح
ولكن لو كنتي فكرتي شوية كنتي عرفتي فين الصح
*****

الجاني ... ياسمين وابنها عاشق :bash:اجابه خاطئه :bash:
مـن الجــانى ..؟؟؟؟؟؟
سؤال يطرح نفسة
السبب .. التاجرة ميزو عاوزة تخلص من المشاكل اللي الاربعه الاشرار عمولها ليها ( هما مش اشرار بردة )
غير مقنع بالمرة
كيف تمت الجريمه ...
لما هربووووا راحوا لتاجرة المخدرات .. المعلمه ميزو
علشان تستر عليهم
فقالت لهم ان ياسمين هيا اللي بلغت عن زوجها وبالصدفه كنتم هناك
طبعا هيحاولو ينتقمواااا لنفسهم من ياسمين
هيتهجمهوا عليهاااا
هتدافع عن نفسها وابنها معاها ويقتلوووووا الاربعه
ونفس رايا وسكينه كده
البدرررروم ...
اجابة صحيحة 100%