شركة كنتاكي تمارس تعلن عن هدايا وهمية وقيم اوفر يا حكم

[eshrag]

السلام عليكم ورحمة الله وبركاته:

احبتي ترددت كثيراً وانا اود ان اطرح هذا الموضوع ولكن طالما ان لا يوجد من يسمع لشكوانا سأقول مالذي جرى امام الملأ حتى يعرفون اننا وسط غابة من الابواب المغلقة.

قمت قبل اسبوعين بشراء وجبات لعائلتي من كنتاكي وقام من اوصل طلبنا بتسليمنا (3) كوبونات سحب جوائز منها ماهو فوري (امسح واكسب) ومنها ماهو سحب على جائزة لا اعلم ماهي؟ المهم بعد ثلاثة ايام ذهبت لاحد فروع كنتاكي لكي استلم جوائزنا وكانت هدية رقم (4) وهي عبارة عن شطنة صغيرة "smilies30" حينها قام الموظف بتبديل الجائزة بشنطة صغيرة (اللي تربط على الخصر وتشيل فيها فلوسك) فتوقعت انها هي فأخذتها معي ولما رأوها اولادي قالوا لي ليست هذه الهدية فهي اكبر قلت لهم كلها واحد قالوا لا تختلف.

رجعت مره اخرى للموظف وقلت له على اي أساس تعطيني هديه اخرى وليست التي فزت بها فقال لا يوجد لدي الهدية التي فزت بها فأبدلتها بواحده اخرى :12::12: (استغفال عيني عينك) قلت له ليس من حقك ان تمنحني هدية اخرى (المصيبة ان الهدية عليها شعار برشلونه وهذا اللي تعبني اكثر العيال يبون الهدية) فإحضر شنطة نفس مقاس الشنطة ولكن عليها شعار (NBA) اي قديمة قال الموظف (تعبر بها احسن لك) رحمت حالي :13::13:

عاد انا قلت بوريهم العين الحمراء وصرخت وقلت : كيف تعطوني شي غير مقرر لي وكيف تعطوني هدية ما عليها شعار برشلونه انتم ما تدرون انه بطل العالم؟ عطوني رقم الشكاوى:10: قال الموظف شفه على الجدار.

كلمت حقين الشكاوى وقلت لهم القصة كاملة قالوا لي ابد مالهم حق واحنا بنحل لك هذا الموضوع قلت له انا اذا ما رديتوا علي ترى بشتكيكم عن وزارة التجارة (حشى قراندايزر) وبكتب بالمنتدى عنكم قالوا لالالالا لا تستعجل قلت اجل بسرعه.

المصيبة اني في داخلي اعرف ان مالي الا الله اشتكيه من القهر لاني عارف اني ادور في حلقة مفرغة (والله قهر) المهم بعد يومين كلمتهم انا قلت انا قدمت شكوى كذا وكذا قال الموظف ايه ايه وصلتنا وبنشوف وضعها (حسيت اني زلابة)

حمقت وازبدت قلت والله لا اشتكيهم عن وزارة التجارة ليه يعلنون عن جوائز ولا يسلمونها يعني غش تجاري عيني عينك المهم دخلت على موقع (قراندايزر ---> اختصار لوزارة التجارة) وشفت رابط للشكاوى وعلى طول صرت اكتب من ايش واشتكي واشتكي لين خلصت وانا افح من الحماس والتعب قلت هين يا كنتاكي تحسبون مالنا راعي؟

المهم وانا اكتب لكم هذا المقال احس اني مواطن ليس لي حقوق وليس لي حق في ان اشتكي وليس لي شي والصحيح ان اللي لي اني اكتب لكم هذا الموضوع مره باللغة العربية الفصحى ومره بالعامية ومره بأسلوب ساخر على الاقل احس في داخلي اني انتصرت عليهم.

يعني لا نربح في السوق ولا نفوز بهدايا كنتاكي :12::12:

مثل اللي يلعب بلوت وجاء 400 و 100 وكبوت:13::13:

اه يا زمن العجايب اشتكي من على من؟