حصريا..ثالث درس (ج1)لبرنامجulead لعمل صور متحركه+شرح+تطبيق(ياريت تفاعل من الاعضاء)

[eshrag.net]

اليوم ان شاء الله هنشرح حاجه جديده..ازاي تكتب اسمك مزخرف و بالعربي و تدمجه في صوره سواء ثابته او متحركه..و المره الجايه بالانجليزيه ان شاء الله عشان اسهل و ليها مليون حاجه..لكن دي مش منشره اوي..اتفقنا؟
زي دي كده

اوكي نبدا علي بركه الله...
.
.
.
.
اول حاجه لازم نحمل برنامج الوورد اعتقد معظمنا عارفينوا بتاع الكتابه دا..
اللي عندوا خلاص خير و بركه اللي معندوش يحمله انا رفعته عاي اكثر من سيرفر بمساحه 11 ميجا فقط لعيون المشاغبين...من هنا..حملت؟
.
.
.
تماااام نبدا بقي

اول حاجه سطب البرنامج و هوا سهل جدا و اللي مش عارف يسطبه يقول..
بعد كده افتح البرنامج و ظبط الفونت (الخط اللي انت عايزه) هات حاجه عربي عشان الدرس..و الحجم كبير او صغير زي ما انت عايز..
زي الصوره دي..

تمام؟..اوكي
بعد كده اكتب اللي انت عايزه اي كلمه..بعد كده ابعد المنطقه اللي بتكتب فيها اشك ان حد فهم و هتضرب كده ههههههههههه..اضغط علي المسطره كام مره كده 6 او 7 مرات و هتعرف ليه بعدين..تمام؟
اضفط علي زرار اسمه print screen sysrq عندك علي الكيبورد اهو

روح علي برنامج الرسام اظن كلوا عندوا دا مع الوندوز يا رجاله ههههههههههه

افتح البرنامج و بعدين اضغط علي ctrl+v
هتلاقي الصوره اللي كنت واقف عندها و انت بتضغط تمام؟
عارف العلامه اللي بتقص في برنامج الرسام؟؟
اول واحد علي اليمين في الصوره..اوكي؟
تمام

تمام
.
.
.
روح علي الصوره اللي موجوده و حاول تحدد علي الكلمه اللي كتبتها بالظبط..ماشي؟؟
زي الصوره دي..بعديم كليك يمين عليها و copy او ctrl+c
نفس الشي

بعدين من برنامج الرسام اضغط علي file بعدين new بعدين no او yes مش فارقه معانا

هتلاقي فتح وجده جديده اعمل paste من edit هتلاقيها فوق في الرسام جنب file و الحاجات دي..او ctrl+v و ريح دماغك
تماام؟
هنبقي كده مثلا الجديده..

اضفط بقي file بعدين save as اختار النوع ياريت gif او jpej او اي حاجه انت عايزها بس دول احسن يعني
تمااام؟
كده المشكله ان الخلفيه للكتابه دي بيضاء لما نيجي نحطها مع صوره تانيه هتداري عليها حل متخيل؟
يعني مش هتخلاي اللي واراها يبان ..و بعدين؟؟
احنا عايزين الخلفيه شفافه؟؟
ماشي يا عم انت تؤمر..ههههههههه
فاكرين الدرس التاني بتاع موقع lunapic?
اظن لا ما عليناا...
افتح www.lunapic.com
بعدين هتلاقي كلمه browse اضفط و اختار الصوره بعدين upload
لما الصوره تترفع اضغط علي علامة المقص زي اللي في الصوره دي..
اضفط عليه بعدين اختار magic wand زي الصوره بعدين حدد الكلام و بعدين اضغط cut out

و بعدين روح علي علامة save علي شكل flobby كده و تحتها حاجه زي X
شوفتوها؟
و اعمل saveee
بعد كده روح البرنامج بقي و افتح الصوره اللي انت عيازها و ضيف عليها الاسم او الجمله و مبروووووووك عليك و دي النتيجه...



الدرس الاول من هنا
الدرس الثاني من هنا
و لمن يريد البرنامج للتحميل و شرح التنصيب من هنا

طبعا كل واحد بقي يعمل تطبيييق و يجي يحطوا هنا و اللي مش فاهم حاجه يقول و ان شاء الله هجاوب علي كل اللي اعرفه و مع بعض هنتطور اداءنا و ابداعتنا..

اخوكم Arabian Pirate