هاتضحك بالعافيه لا مفر من الضحك ههههههههه

[cheecky]

انا جايب بقى شويه نكت هاتخليك تضحك بالعافيه
_ _ _ _

واحد فافى وهو نازل من البيت أمه سالته "رايح فين؟" فقال لها "مش هقولك انا حر" ، نزل ووقف تاكسى فالسواق ساله "على فين يا باشا؟؟؟" قال له يعنى أنا مقولتش لمامي هقول لك أنت"


مدرس لغة عربية بيدى درس خصوصى لطالب والده جزار فطلب المدرس من التلميذ وضع كلمة ينابيع فى جملة من عنده فكر التلميذ طويلالالالالالالا وقاله لما "بكون واقف فى المحل مع ابويا ينابيع يا ابويا يبيع"



مره واحد بلديتنا بعت لمراته جواب كاتب فيه 6 حروف ح فمراته قالت للبوسطجي "اقرا لي الجواب" فقال لها اللى فيه قالت "بس انا فهمت" قال لها البوسطجي "فهمتي ايه" قالت له "حضرة حرم حج حمدان حضروا لة حمار"



تهنئة محشش: بمناسبة عيد الام المبارك أهنئكم برمضان جعله الله عليكم زواجا سعيدا وكريسمس خير وكل عام وانتم بخير بمناسبة السنة الجاية مع تحيات جمعية مرضى الزهايمر



اتنين محششين بيتفرجو على مطش فالمزيع بيقول "دربكه فى الدفاع، دربكه فى خط الوسط، دربكه فى الهجوم، أوبااااا جوة الجون" فالمحشش قال لزميله "إظاهر ان دربكه ده لعيب ميه ميه"


واحد مسطول ركب تاكسي فالسائق قال له ممكن تشوفلي الاشاره اليمين شغاله ولا لا فطلع المسطول رأسه من الشباك قال للسواق شغاله مش شغاله، شغاله مش شغاله، شغاله مش شغاله!!!



واحد مسطول اتصل بشركة الطيران بيسأل الموظفة: الطيارة من هنا لأمريكا تاخد اد اية؟. قالتلة: ثانية واحدة قالها: شكرا وقفل السكة



اتنين مساطيل قاعدين قدام مرايا الاول بيقول لصاحبوا مش واجب برده نقوم نسلم ع الجماعه اللى قاعدين دول قالوا واجب برده ولسه حيقوموا راح التانى قالوا اقعد يا عم اهم جاييين علينا اهم



نمله ماتت على الشط فبيسألو مسطول تعتقد ليه ماتت؟ قال ضحايا تايتنك



مرة حرامى دخل على واحد مسطول البيت قالو هات فلوسك و الا هقتل مراتك قام الرجل قعد يضحححححححك.......الحرامى قتل مراته وقاله هات الفلوس قبل م اقتل ابنك الرجعل قعد يضحححححححك........الحرامى قتل ابنه و هكذا لغايه لما خلص عالعيله و بيقول للمسطول ايه يا عم مش عايز تدينى فلوسك ليه؟؟؟؟قاله اطلع من دول يا ابرهيم يا نصر



ضابط المرور بيحقق فى حادث... سأل الاول .. فرد .. يا بية انا اديتة كلاكس .. واديتة انوار وصرخت فية علشان يبعد ومفيش فايده.. سأل التانى ... فرد ... يابية انا اعمل اية ، انا قاعد فى الكشك بتاعى



جماعة بيحششوا فى الطرب وطب عليهم البوليس وقالهم الظابط:قدامى كلكم على البوكس..واحد مرديش قام الظابط شخط فيه وقالوا:قوم يامسطول رد المسطول وقالوا:لأياباشا انا مش معاهم ..اناميت



مرة واحد غبى واقف في الشارع و بيتكلم في المحمول و عمال يزعق و يقول: بس دوري تاني ، دوري كويس. ام واحد معدي في الشارع جه قال له: في إيه ؟؟؟؟ راح واخد المحمول منه وبيسمع ... لقى .... (الرقم الذي طلبته غير موجود في الخدمة)!!!!



مرة 10 صعايدة بيلعبوا علي الطريق الدائري الي يدهس مرتين يطلع



مرة مدرس انجليزى طلعله عفريت قاله بخ قاله اسبلها



مره واحد ندل فتح مصنع بيبسى وكتب على كل ازازه (رج جيدا قبل الفتح)



واحد بخيل دخل على ولاده وقعد يزعق بصوت عالى علشان مشغلين المروحه على 3 وهما 2 بس



مرة في 3 بخلاء راحو لي تبرع لجمعية خيرية فالاول قال انا حطلع مبلغ و ارميه علي الحيطة و اللي يلزء حتبرع بيه اللي يوقع اخدو انا و التاني قال انا المبلغ اللي احدفو في السما و يلزق حتبرع بيه اللي ينزل حخدو انا و التالت قال انا حرسم خرم و ارمي الفلوس اللي يوقع جوة حتبرع بيه



بخيل راح عشان يتجوز ابو العروسة بيقولوا احنا عايزين مهر عشر تلاف جنية البخيل قاله: ايه عشر تلاف جنية ده انا معروض عليا بالفين وحامل كمان؟؟؟



مرة واحد بخيل حلم انه اشترى فاكهة ولحمة لبيته ولما صحى حكى لمراتة قالتله ايه البعزقة دى



واحد بخيل اوي لما اتجوز سافر قضي شهر العسل لوحده



واحد بخيل دخل مع ابنه سوبر ماركت الولد قال لأبوه : بأحب الشوكولاته أبوه قاله : حبها ورجعها مكانها



واحد متجوز وقاعد في البيت وبيبص كتير في عقد الزواج، مراته قالت له: "بتبص في عقد الزواج ليه يا حبيبي؟" قالها: "مش عارف يا حياتي المأذون كتب تاريخ انتهاء العقد فين"



مرة واحد ماشى مع خطيبته واخر انسجام فقالها "عارفة اية هو الحب واية الجواز؟" قالته "لا" قالها: "الحب زى النجوم الجميلة اللى فى السماء" قالتله"طب والجواز؟" قالها:"دى البلاعة اللى واحنا بنبص على النجوم بنقع فيها.."



واحد نشر في إعلانات مبوبة :مطلوب زوجة!!! تاني يوم جاله 100 جواب فيهم نفس الرد: تاخد بتاعتي؟؟



واحد قاعد في أمان الله بيقرا الجرنان، وفجأة جت مراته وضربته بغطا الحلة فوق دماغه .. طرررررخ!!! الزوج: "فيه ايه يا بنت الحلال؟ ليه كدا؟؟؟" الزوجه:"ايه الورقه اللي في جيب بدلتك ومكتوب عليها "سوسو"؟؟" الزوج: "يا بنت الحلال، ده أسم الحصان اللى بنشجعه في السباق!" الزوجه صدقته وراحت لحالها... بعد اسبوع، الزوج قاعد في أمان الله يقرا الجرنان، وفجأة جت مراته وضربته بغطا الحلة على راسه !! الزوج: "خير يابنت الحلال في ايه تاني؟؟" الزوجه:"حصانك على التليفون ..!!"



مرة دكتور دخل عنبر فى سراية المجانين لقى واحد بيضرب نفسة بالشبشب سأل الممرضة ماله ده ؟ قالت أصله كان بيحب واحدة ومتجوزهاش ..دخل العنبر الى بعده لقى واحد بيخبط دماغة فى الحيطة قالها وده ماله قالتله اصل ده الى اتجوزها



مره واحد مراته ماتت فماشى فى العزا عمال يضحك فواحد بيسأله بتضحك على ايه قاله أول مره أعرف هى رايحه فين



مره واحده رايحه تشتكي لأمها: يا ماما يا ماما الحقيني..؟ الام: مالك في ايه؟؟! فقالت: كل ما اعمل الاكل لجوزي ياخده ويرميه للكلب!!! الام: يا حرام والكلب ذنبه ايه بس؟؟!!!



مرة واحد هو وابنه ميعرفوش هو ايه الاسنسير بس شايفين الحيطة عمالة تتفتح وتتقفل وهما مش فاهمين حاجة ...المهم جت واحدة عجوزة ظغطت على الزر اللي في الحيطة ودخلت الاسنسير وبعد شوية الاسنسير نزل وطلعت منه شابة جميلة فالراجل قال لابنه روح هات امك هنا



واحد راح يعمل اشاعة الدكتور قاله هتلاقى فى اخر الطرقة غرفة الاشعة بباب حديد ادخل واخلع هدومك عشان تتصور بالاشعة دخل المصعد وداس عالزراروخلع هدومه ولما فتح لقى سيدتان بيصوتوا قالهم ايه المرض خطير للدرجة دى .

واحد زملكاوى بيوقف تاكسى بيقوله 6 اكتوبر فقاله لا ستة واحد .



واحد محشش و شغال موظف قبض مرتبه فقسمه 100 جنيه ميه 100 نور 200 حشيش فالباب خبط مسال مين؟؟ قاله بوليس فراح مقطع ال 200 جنيه بتوع الحشيش .



اثنين مسطولين جالسين امام الهرم واحد بيقول للثانى الهرم ده امى اللى بنيته فالثانى قال له تسمع عن البحر الميت اخواتى اللى قتلوه



مرة واحدة فلاحة بتربى دواجن وفحئاة طب عليها مفتش التموين قلها بتأكلىالدواجن اية قلتلة ارز قلها الارز مش الانسان بيكلة غرامة 20 جنية جة بعد اسبوع تانى بردة قلها هاة بتاكلى فراخك اية ياجاحة قلتلة غلة قلها مش الغلة الانسان بياكلها غرامة 40 جنية مشى وجة بعد اسبوع كمان وقلها هاةةة ... اكلتيهم اية المرة دى قلتلة بص يااخويا انا اديت كل واحدة بريزة تاكل الى على مزاجها .



واحد امريكي وواحد الماني وواحد صعيدي تاهو في الصحراء طلعلهم عفريت شبيك لبيك لكل واحد طلب فقال الامريكي وصلني لامريكا والالماني لالمانيا فقال الصعيدي رجعهم لي تاني .



واحد صعيدى لقى مصباح علاء الدين فضل يحك فيه لغاية ماالعفريت جاله تسلخات .



واحدة بتحكى لجارتها بتقولها بعت جوزى الظهر يجبلى من السوق ملوخية خضرا وهو ماشى خبطته عربيه ونقلوه المستشفى قالتلها جارتها وانتى عملتى ايه قالتلها عملت ملوخيه ناشفة .



مرة اتنين صعايده كانو ماشين فى الصحراء طلع عليهم اسد راح واحد رمى عليه طوبه وقعد يجرى وبص وراه لقى زميله واقف ما بيجريش قاله ما بتجريش ليه ؟ قاله واجرى ليه هو انا اللى ضربته .



مرة واحد صعيدي سافر برة فخد معاه 3 زلع مش عشان يحوش الفلوس ولما راح بلاد الغربه اتغير ومبقاش يسمي قبل مياكل وبعد مخلص الزلعه الاولي والتانيه ولسه هيبدء في التالته طلعله الشيطان وقله يا أخي حرام عليك أنا صدري أتحرق يتسمي يتغير الصنف .



عجلاتي جاتله عجلة نايمة صعب عليه يصحيها .



اتنين صعايده قاعدين على القهوه قدام مرايه واحد بيقول للتانى هما مش الاعدين ادامنه دول بلدياتنا قالوا ايوه قالوا متقوم نسلم عليهم فقاموا فقالوا خلاص اقعد دول جايين .



مرة واحد فا فى اوى حب يعمل راجل فقال للامة انا خارج قالت لة رايح فين فقال انا راجل محدش يسقلنى رايح فين... فخرج فاوقف تاكسى فسألة السواق انتة رايح فين فقال لة انتة مالك ازا كنت مقلتش لمامى هقولك انتة..!؟



في مولد ووحده ضاع جوزها بلغت الشرطه فسألها الشرطي أيه أوصافه فقالت الزوجه أنه لابس بدله وكرافه وشيك راح الولد قال لاء يا ماما دالابس جلابيه مقطعه قالت له أسكت علشان يجيبو لينا واحد أحسن .



عملوا مسابقة لأغبى ناس في العالم بين الأمريكان والصعايدة . لقوا الأمريكان بنوا كبرى في الصحراء وبيصطادوا من عليه لقوا الصعايدة معديين بلانش من تحت الكبرى هههههههههههة.



واحد اخينا بيموت . لاقي مراتة جنبة . قال لها كمان و انا بموت انتي جنيبي . و قبل كدة بردة وقفتي جنبي لما الشقة بتاعتنا وقعت . وو قفتي جنبي لما الشركة بتاعتي خسرت . و لما فصلوني من الشركة الثانية كنتي واقفة جنبي . انا مش عارف اقولك اية بصراحة انا حاسس انك فقر يا حبيبتي .



قابلت مذيعة اثنان مساطيل سالت الاول : مصر بالنسبالك ايه ؟ فقال : مصر دى امى ثم سالت الثانى : وانت مصر بالنسبالك ايه؟ قال : مقدرش اتكلم عن أم واحد صحبى .



إثنان يحبون الهدوء . الأول استمع إلى شريط كاسيت فارغ . والثاني يحب الهدوء أكثر من الأول فطلب الثاني من الأول أن
يخفض الصوت قليلا

[نبع الوفا]

هههههههههههههههههههههههههههههه
نايس يا لورد

[cheecky]

thxxxxxxxx da2et_2lb

[لولو الدلوعه]

ههههههههههههههههههههههههه
جامده

[max165]

hhhhhhhhhhhhhhhhh gamd ya m3nm