يمــه قولي تـــمـ

[ξšħq]

يُمه ... هَيّن ...!!
الهوى بعيون بنتك صار بيّن ...
ما يبي له من يعَلم ...!!
وصاحبي بالعشق أُستاذ ومُعَلِم
كيف اخبي ...؟! إنتي من جِدك يا يُمه ...؟

وانا بنوته
وقلبي وردي ... وصغَـيّر ... ولَيّن
ايه احبه ...!!
يعني هذا اللي تبينه ...؟!
كيف اخبي وهذا دربي ...؟!والهوى مكتوب من ربك وربي

يوم شفته
متكشخ ... ومتعطر ... ومتزين
طاح كاسي
فدوته راسي ... وناسي
مو بكيفي ...!!
يُمه جنني بـ حنانه
ما يخون
الهوى عنده امانه
وريحة انفاسه دخون

مو طبيعي هالولد من جد يُمه
فيه ذوق ... وفيه شوق ... وفيه للعشاق عوق
يُمه يسلم لك حبيبك
والله نَسَاني حليبك
أي ورب الكون يُمه

يُمه لو تدرين عنه ...
قلتي لي فالك حبيبك
ايه احبه
ايه يمه
ايه اموت برعشة شفاهه واذا يسمح الَّـمّه

سامحيني لو حلفت إني لَـ " لِـمّه "
مو بكيفي
وضحكته خمري ... وكيفي
مو طبيعي ..
هالولد >> عمري وربيعي
وفوق هذا صار شاعر ...
كله يتغزل بخصري .... وريحة انفاسي وعطري ...
والعَرق لاسال قطرة فوق قطرة وطاح من جيدي
إلى مركوزصدري
قال : احبه هذا مِسكك مو عرق يانور عيني
قلت : ادري
قال : ياحلوه غرورك ...
وشمس وجهك تكسر عيوني بنورك
قلت : كافي
قال : شورك

والله فعلاً مو طبيعي
إن عشق كله جنون
وإن حكى كله فنون ...
على راسي ما يهون
إيه يُمه
إيه احبه
واعصر ضلوعه واضمه
وانتشي من ريحة انفاسه ... ’’ واذا يسمح اشمه ’’

خلى لعيوني كثير من البنات ... على شاني
خلى نورة وخلى لمياء وخلى خولة
ايه يُمه
وخلى اسماء بنت خاله ...
وخلى سارة بنت عمه ...
اللي ابوها اخو ابوه ... ودمها هو نفس دمه
باعهم لعيون بنتك ... واشتراني ...
شفتي يُمه ....؟! وآنا اراه إنه غرامي ...
وهو بعد مثلي يراني

إلا احبه
إلا احبه
إلا احبه
واللي ما يسمعني يسمع ... إلا احبه
واعشق ترابه اذا داسه برجله

قال لي : مَرة اناظر ...
قلت : حاضر
يا الله ناظر
يوم ناظرني بكيت
ما تحملت الهوى بعيونه السوداء
وشكيت

قال : ابوسك ...؟!
قلت : تعقل ... وإلا احوسك ...؟!
قال : انا اقصد على السنة
قلت: ليت
قال : والله لآخذك قدام اخوك ...
بعد ما تربط يديني في يدينك بأمر ابوك
قلت : تبطي ...؟!
قال : لا لا
قلت : لو ابطيت جيتك

قال يسلم لي وفاك ...
قلبي قلبك ... وبيتي بيتك ...
لعن ابو من خان عشقك
وما حفظ عهده معاك ... وما رعاك ...
وما تذرى ظلال خصرك وقت صيف
وما دفن نفسه بحضنك وخذ دفاك

وإن خطبني لا تردونه يا يُمه ...
آنا ابيه
قولي
( تم )
لا تخلين العُمر يمشي الم ها يا يُمه ...؟!
قولي
( تم )

[alfares]

هنا كلمات كانها النجوم في كبد السماء

هنا ارتفع الحب قيد رمح عن الشمس


هنا نور وشعور


هنا كل شئ جميل ياقيثاره


هنا ذوق رفيع وانسانه لاتقبل الا الجمال


اختيار راق لي كثيرا


والتقييم لكِ



مودتي

[ξšħq]

الفـــارس

تواجدك يضفي لمتصفحي الشي الكثير


فأحرفك رائعه كشخصك الكريم

شكـــرآآ لك

[مرهفة الاحساس]

[mark=#f0bbbb]حبيبة قلبي قيثاره[/mark]

اختيار راقي ..

كم لامست فؤادي ..

طرح قيم يستحق التقييم بجداره ..

رائعه بحق ..

كل الشكر على روعة نقلك ..

ودي ..

[ملكه]

يااااااااااااي


[fot1] قيثاااارة[/fot1]



والله انت خطنطيره



قام قلبي ينطنط



بهدي كل هالمسجات لامي >>> بايعتها


تستحق التقييم

والله ذوقك خووقاااااااق