تخيل انك في مكان هذا الشخص

بسم الله الرحمن الرحيم

السلام عليكم ورحمة الله وبركاته

مساكم الله بالخير يااعضاء ترايدنت

عندي لكم أليوم قصه واقعيه حصلت لي شخصياً وقد يكون احدكم قد تعرض لها
انا الآن باعطيكم القصه وابغى اشوف آرائكم وش بتسوون لو كنتم مكاني؟



انا تعرفت على شخص في الانترنت وهو صديق لي مره الروح بالروح المهم كان مشرف في
احد منتدياتي المهم مره من المرات الشخص ذا فتح له موقع وبعد شهرين تقريباً من افتتاح موقعه
كلمته قلت يافلان انت خدمتني في موقعي وكنت تنزل مشاركات في منتداي ومسكت الاشراف وماقصرت وانا ألحين ابغى ارد الجميل لك قال وش بتسوي قلت بمسك الدعم الفني في موقعك
قال الله يحييك المهم تسلمت بيانات الموقع وشي اكيد الموقع يحصل لها في بعض المرات خلل انا أليوم استلمت
البيانات اليوم الثاني منتداه توقف حصل خلل فني وانا اصلاً ماقد دخلت الاف تي بي حقه
او السي بنل وتخيلوا ياجماعه انا صديقه الروح بالروح ووثقت فيه ونطق عليه بكلمه
قالي يانصاب ياحرامي ياللي فيك وفيك وانا اصلاً نيتي كانت طيبه اتجاهه وكنت ناوي
اخدمه لوجه الله فهذا كان جزاء الاحسان الذي قدمته له وتكلم عليه بكلام مافيه
صديق يقول لصديقه مثله وصارت المشكله قبل سنه تقريباً وانا حلفت له واعتذرت منه
وحذفني من المسن مع انه هو الغلطان واللي مفروض هو يعتذر


لو حصل لاحدكم مثل هذا الفعل ماتكون ردة فعله؟:blushing:


ودمتم بود