قصيدة عيضة السفياني في مسابقة #فرسان_القصيد , مكتوبة

[alfares]

نقدم لكم قصيدة الشاعر عيضة السفياني وهي مشاركته في مسابقة فرسان القصيد ..
القصيدة في ولي العهد الأمير محمد بن سلمان



بين السماء وطويق كوكب شعر يخلق لي مدار
واليا صعدته كن ماحولي من الشعار احد

ارقى بنات الفكر فكرة بعد فكرة وابتكار
واختار شيختها واصب احساسها مثل الشهد

واستشرف المستقبل المشرق كما شمس النهار
من رؤيتك يامعزي الثاني على حسب الوعد

يامحمد الرؤية ترى العالم من افكارك يغار
على القرار المفصلي تصمد وغيرك ماصمد

روح التحدي تشتعل داخلك وتقادح شرار
على العدو غارة بعد غارة وحبلٍ من مسد

جمعت بين اعرق نسب جدين هيبة وافتخار
ياشبل من هذا الأسد ياشبل من ذاك الأسد

عبدالعزيز مخضب الأجرب على قب المهار
على جبينك من جبينه للسعد برق ورعد

والشيخ بن حثلين زاد اشهر علم شهرة ونار
ياماحلى الفنجال في مجلسك ياوجه السعد

ليلة ولدت استبشرت بولادتك كل الديار
واستبشر العالم ونادى يافهد ، يابو فهد


ابشرك جاكم ولد بشر طويلين العمار
بشر بها سلمان ماجانا ولد ( جانا بلد )

شربت تاريخ السياسة من يمين ومن يسار
أحيان تذكرها عمد واحيان تنساها عمد

صورتك في وجه القمر تجلي عن الكون الغبار
واشعاعها مثل السهوم مدمرة عين الحسد

بدري على مرتزقة الفتنة شريكين الصغار
تنال شعره من ولي العهد حماي العهد

حنا شويناهم شوي مابين نار وبين غار
طول الزمان نعيدهم من الأحد لين الأحد

ياضلعنا ياطويق لك في الأرض والأجواءْ منار
فعلك عظيم وشعبك اعظم والولد محزم ولد

من قمة العشرين الى قمة محمد واحتكار
المجد بين ايديك والإعلام وعزوم الجهد

إن مالت الدنيا تعدلها وتسلك لك مسار
عاقد حبال اعداءْ السعودية وحلاّل العقد

أنا اشهد انك سادس الخمس المحيطات الكبار
وانا اشهد انك ثامن السبع العجايب للأبد

انته رواية واختصار الشعر عنها باختصار
مافيه قبلك قبل يامحمد ولا بعدك بعد