يوم رحنا نخطب لاخوي الدكتوره

مساء الخير

لعيونكم

نكتب موضوع

مع اني ماحب المواضيع الطويله


^_^


المهم صلينا العصر نبي نروح نخطب الدكتوره

ويجي ابو سعود للبيت وتروش لاحظو تروش

المهم بعد ماصليت الا واسمع ازعااااااااااااااج الا وشوف عند بابنا زحمه حريمات كثيرات

وقول للوالده من هذولا تقول هذولا خالاتك وبناتهم

كل هالجيش بيروحون معنا يمــــــــــــــــ ـــــــــــــــــه

قالت خالتي تعالي حبي راسي يابنت اختي
وابو سعود سااااااااااااكت ومقهووووووووور<<<<مغلوب على امره


قلت اقول شلون ولدتس الخبل هو عقل

قالت مالخبل الا انتي قلت انتي وش جابتس انتي وبناتس

قالت للوالده فكين من شر بنتتتس والله ترى ماروح

قلتلها تعالي اوصلتس لباب الشارع لاتروحين قالت مهوب عشانك عشان امك

قلت اصلن ماابيكم تجون
قالت مو بكيفك قلت الا انا اللي جايبتن العروس..
مهوب انتي

ونا افتح الباب الا وحده ماعرفها قلت خير وش تبين جايه

قالت والله لاروح قلت ماتروحين واسأل الوالده منهي هذى

قالت مدري بس جت مع خالتك المهم ويشغل ابراهيم الموتر<<<لاحظوا الموتر

الا اقولهم حافظين النشيد الوطني

>>>>حشا بنروح لاستاد الملك فهد

واعلمهم واقولهم لاتفشلونا اركدو لاتسألونهم واجد ترى البنت زينة مانبي نطيرها


اشوي الا جدتي قالت ابراهيم تراني حافيه قال ابو خليل ماعرفتس انا

تصرفي مالي خلق قروشة انا حدي معصب

قلت ياجدتي وراتس ماخذتي نعالتس قالت ناسيتهم امس يوم

اسير عند بنتي

ونروح للسوق ونشتري لها نعال قلتلها جدتي ترى هالنعال ب50 ريال

قالت خلي اخوتس يدفع يطلع هاللي مغبيه يطلعه

وهي تقول طلع تحسون انها بتبلع السانها متحمسه حييييييل

ونمشي لبيت الدكتوره ووقفنا عشرين مره شرينا ببسي وعلوك

واللي تقول اشتر يابرهومي لبنتي شباصات اقولكم مأساة

المهم ونضرب بواري ونعلق عليهم الجرس والبزارين هجموا بالملاهي حقتهم

وخربو حديقتهم

وولد خالتي جايب ليمونه يقول صدتها من الحديقه الله يفشله

المكشله مهوب بالمبزره


المشكلة ان جدتي فرشت بحوشهم وقالت والله


ماغير مكاني جيبولي القهوه هنيا

وجي اقولها ياجدتي تكفين لاتفشلينا وهي تحلف انها ماتتحرك شبرن واحد

المهم شلون قابلنا العروس ووش صار

المهم

راحوا الناس حطولنا عصير

وماجابوا لعيال خالتي..

قالت خالتي هييي هيييييييييي انتي وراتس ماتحطين لعييلي..هاااااااااااا(وجه معصب)
ام الدكتوره قالت :طيب وهي ترتجف..لان خالتي ماسكة معها مشعاب

والتفتت علي وهي تهمس وتقول:
يختي يختي انتم كثيرين ليش جايين

^_^


قلتلها ياخي وش اسوي هذى خالتي وبناتها عددهم مليون وخمسطعش نسمة


قالت وش يتشتغل اخوتس قلت مدير ^_^

المهم قعدنا نسولف قلتلها وووووووووروا اخوي بنتكم

== يئبرني يستحي ^_^

قالت طيب وتروح تنادي بنتها وانا رحت عند اخوي عشان انا المحرم<<<<اقوى وحده


والبزارين قاعدين يشربون عصير وكبو على مجلسهم ..


وناديت خالتي قلتلها وراتس ماتضفين عيالتس هالاباليس يكببون ببيت زوجت اخوي ^_^

== صارت زوجته خلاص

قالت ايه تبديهم على واناخالتك قلت اسمعي شفتي اللي يغسل سيارات الحارة..

ابديه عليتس..
بعدين من قالكم تجون اصلن انتي وفريق البرازيل حقك..

قعدت تصيح وتشاهق تقول محد يحبن

لا انتي ولاخوتس ولا زوجي قلت تدرين ليش مايحبتس رجلتس عشان هالسن الذهب ^_^


المهم نرجع للعروس الدكتوره يوم دخلت للمجلس ..


يوم سلمت على ابو سعود قالها هلا ابو علي<<< متعود على الشله ^_^


قالت :وشو.
قال اسف

قمت رفسته رفستن شينة تحت ابطه وقلتله لاتقول اسف قل سوري عشان تعرف انك تحكي عنجليزي..


سفهني كالعادة..
والتفت عالدكتورة وقال:: هلا وغلا انتي وش اسمك

قالت اسمي نيوزيلاندا

قلتله هذى مهيب ديره خابرتها ديره == وقعد يضحك

قالت ليش تضحكون انا قلت نكته

المهم قالت ترى امك ذبحتني بالاسئله تراني ماتحملها ابدن ابدن

قال ابو سعود يابنت الحلال..قمت قاطعته قلت لايكب الحين العشاء عند البنت..

قلتلها هذى امي ياشيخه لابوتس لابو من ترجا حنانتس ^_^

و اسمعي هذى امي لازم تدارينها قالت لا

قلت لوان يلوتس..واقوم التفت على ام العروس قلت مابيكم من زينكم يالخايسين ^_^


<<<< خربتها معهم
اجل ام ابراهيم تقول ماتحملها لابوها من دكتوره ياشيخ واسحب ابو سعود مع مرفقه<<الاخيرة هذي مدري شلون جت

المهم وصوت يمه يالله طلعنا مشينا وجدتي تقول متى الملكه قلت

اقول امشي بس..وترفض هالعجوز وبشدة انها تقوم..عاد سحبتها بحصيرتها عالسيارة.. والبزارين قلتلهم قطعو كل اللي بالحديقه لاتخلون فيها شين اخضر..

سطرو عيالهم..خلوا فيهم عاهات مستديمه..

واشوف ولد خالتي شايل معه مرجيحه قلت وين موديها ياهوووو تعال تعال..

قال هذى حقتنا اذكر اننا حنا شريناها هههههههههههههههههههههههههههههههههههههههههههههههههه ههههههههههههههههههههههههههه

وربي ميته ضحك اصبروا هههههههههههههههه

ابوك يالحراميه زرفوا مرجيحتهم

وخالتي سطرت امهم والعروس قالت ايه دا ياراجل معئوله يخرب بيتكم ^_^

مايستفاد من القصه مع اني ودي اكمل بس مابي اطول



اذا جو ناس يخطبون بنتكم حطوهم بالملحق وظفو الالعاب عنهم ^_^
وشيلوا المراجيح..