[ مّحمّد بن فطيسّ المّري ] !!

°ˆ~*¤®§(*§*)§®¤*~ˆ°الشاعر: محمد حمد فطيس المري°ˆ~*¤®§(*§*)§®¤*~ˆ°


مانيب من ياتي ولا ,يدرا بــه
شطر(ن)حفظته ماعرف كتابه
شطر(ن)يناسبني مثـل الليله
وشوفني في ذا المكان اولابه
ابتكل بالله ونعم(ن) بالله
الي مايوصد دون خلقه بابه
باقول واللجنه تقيم قولي
ومن كثرة الشعار ماني ابه
الحمدلله واثق(ن) من روحي
وان كنت ذيب فالرجال ذيابه
ماقول أنا اشعر واحد بالعلم
لاكن قصيدي كفو وأنا ادرا به
الشعر جمعنا لو تفرقنا
حدودنا وظروفنا الغلابه
الله يبيض وجه راعي الفكره
عز الله انها تنحسب لحسابه
والله يبيض وجه من يرعاها
محمد الله يحفظه لحبابه
محمدولد زايد عريب المجنى
ولي عهد الديره الخلابه
الشعر تاريخ لنا من مبطي
وعلامنا يوم السنين انهابه
الشعر بيت والوزن عمدانه
معناه طنب وقافيته حجابه
الشعر واد(ن) فيه صيد واجد
وكل(ن) على الوادي يهج ركابه
والافكار صيد وكل شاعر قانص
وكل(ن) يدس(ن) شاربه مخلابه
أحد(ن) خياله حر وحد(ن) وكري
وحد(ن) خياله كوبج(ن) بقطابه
وأنا خيالي كل ماهديته
حول على الوادي وصاد عقابه
شاركت أمثل ديرتي وربوعي
وكل(ن) يمثل ديرته واقرابه
والله اذا الله راد والله قاله
اني لسلمها الفخر وكتابه
داري قطر وأنا اهنا امثلها
المجد مطلوبي وأنا طلابه
عهد(ن) علي اني لشرف داري
اترك صبيا ما يعز ترابه
شوفو دمي من حبها عنابي
وحماستي من ضوها شبابه
شاعر خليجي والعروبه بيتي
والبيت ماياقف بدون اطنابه
وأن عودت بين القبايل فزعه
ان شهد اني فالوازم لاابه
لي فالقبايل ربع وقدرهم
مانيب من يجهل مقام اصحابه
وأن عودت لصلي فأنا اصلي مري
من صلب يامه للقنا وخضابه
قوم لنا فوق المعالي بيرق
والسيف قوة سلته بنصابه
الشعر طوقني وأنا طوقته
قمت اتمشى به وفك ابوابه
يابنت يالي تفرقين بعودش
مالومهم لا كثرو الخطابه
لامر بش دربش على خلق الله
قالو كذا بالأصبع السبابه
زينش يزينه فعل ابيش وجدش
وانتي بدورش للنقا كسابه
قومي تباهي بي وفلي راسش
عليش من ستر الشرف جلبابه
وأن ماسترتش بالفعول وبسمي
فعقبني يافنجال ياصبابه

°ˆ~*¤®§(*§*)§®¤*~ˆ°مّنقوّلـ يشن هع °ˆ~*¤®§(*§*)§®¤*~ˆ°