 |
|
|
11-05-2021, 11:27 AM
|
المشاركة رقم: 1 |
|
|
المنتدى :
ادبيات - شعر - خواطر
عايز ابقى شاعر
عايز ابقى شاعر عايز ابقى شاعر واقول كلام محدش قالوا قَبلي وامشي يشاوروا بأيديهم ويقولوا دا ولد قِبلي جنوبي ومادد جذري في توبي الجلابيه بلدي وشالي جَلَدي وكل حرف فيكي يا دنيا طاب لي ما تدقوا طبلي وخلوا مزمارنا يِسَمَع زرعة الوادي وجبلي يا دنيا وماشيه بكيفك ومعليه كل واطي والشريف يطاطي علشان ما تسوي في يوم شريفك يا دنيا وذلانا برغيفك وناسيه إن الرب عاطي وعدله ميزان يمحي حيفك وزيفك وياما سألته في جوف الليالي عدله وحقي جاب لي عايز ابقى شاعر واقول كلام محدش قالوا قبلي سبحانه معروف بعدله وميزانه وكل مكتوب بيجيلك فى اوانه حتى اللي امنوا واللى هانوا واللى خانوا واللي دبحوا في عز الفرحه حلمي واللي شالوا عني حملي متفصلين فى توبي وكل واحد في مكانه خيوط وملضومه مابين وقعه وبين قومه وبين فرحة قلبي فى دقه وبين دقات بتبكي همومه توبي ومتفصل على قدي على قد راحتي وسعادتي وعلى قد شقاي وكدي وياما قالوا الدنيا تاخد وياما قالوا الدنيا تدي وانا صعيدي وواخد خيوط توبي من توب جدي خليفه والخليفه فى توبها نضيفه واسمع كلام اللى يسامرني ومن حروفه اعرف صدقه من كدبه وزيفه واعرف الدمعه الخبيثه وياما بكتني دمعه شريفه ويا نخل على راس الغيطان والهوى بيلاعب جريدك مين داق من سباطك رطب من غير ما تجرحه شوكة جريدك انا ياما سهرت الليالي علشان اشوف طلعك وطلعك عالى على اللي فى الهوى يريدك وياللي عاشق كلامي اسمعني هزيدك انا اصلا مليش في الشعر مليش في الشعر والابيات ولا لحن القصيده ولا بحورها مليش في فرحة البدايات ولا نهايه بتدور علي دورها انا يدوب حروف بتبات تنادي في عتمة الاحلام نورها مليش في الوزن والتفاعيل مليش في العين ان قالت ليل ولو طلع في الكلام مواويل اكيد هتميل الكلمه علي جذورها معروف اصل الكلام والفصل ولا لينا في التقليد واحنا الاصل وياريتنا بالقصايد نولنا الوصل يا بلاد بعيده ومعلين سورها مليش في القهر ولا احساسه ولا بيعته ولا اشتريت ناسه وحداني وحنين قلبي وناسه وعقلي في راسي بيوزنها وطول ليله شوقي مخاويني واخدني معاه وبناره كاويني وانا سنيني قصاد عيني بتفصل همومي علي دموعها يا حروف عاصيه وعاصياني البحور قاسيه وحارماني وعلي شطوط هواكي حِرماني ولا رماني فى جنه اشوف حورها مليش في الشعر اي قصيده مع ان الهوى حكايات بتتغنى وانا عمري عدى ولا استنى ولا شاف دمعتي سعيده ولا سألها ولا م الخدود شالها وسابها غرقانه على خدودها ومن جنبها اهو مر وفات مليش في الشعر والابيات ولا تبات حروفي في اوجاعها ولا تشهد علينا في الروايات اشعار احنا اللى كاتبينها انا سايب للقصيد ناسه خدوا فرحه واحساسه والكل داوى من الهوى جرحه والوجع ساب لي عايز ابقى شاعر واقول كلام محدش قالوا قبلي ياسر ابراهيم خليفه |
|
|
|
«
الموضوع السابق
|
الموضوع التالي
»
العرض العادي
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| شاعر الملك هو الدكتور الشاعر حمد بن وصل العصيمي - معلومات - قصائد شاعر الملك - يوتيوب الفائز بلقب شاعر الملك الشاعر حمد وصل العصيمي - صور شاعر الملك | غادر | ادبيات - شعر - خواطر | 4 | 12-03-2011 10:42 AM |
| شاعر الملك الحلقة النهائية - الفائز بلقب شاعر الملك - يوتيوب شاعر الملك صور حفل اوبريت المهندس وخالد عبدالرحمن | غادر | ادبيات - شعر - خواطر | 2 | 11-30-2011 05:51 PM |
| شاعر الملك اضخم مسابقه شعريه . من سيفوز ياترى ؟ عيضه السفياني - محمد عيضه من شاعر المليون الى شاعر الملك | alfares | ادبيات - شعر - خواطر | 0 | 05-09-2011 08:57 PM |
| عايز تخلى البنت تحبك عايز تعرف اذا كانت البنت بتحبك ولا خش هنا | mer0o0 | المنتدى العام - مواضيع عامة | 2 | 06-08-2007 09:19 PM |
| عايز تخرج خروجه حلوه كده وقموره او عايز تودى الجَو بتاعك مكان هادى خش هنا | mer0o0 | المنتدى العام - مواضيع عامة | 0 | 06-08-2007 05:35 PM |
header('Content-Type: text/html; charset=utf-8'); echo htmlspecialchars(, ENT_QUOTES, 'UTF-8');