قصة الغلا

الغلا قصه عجيبه تبتدي بضحكة عيون

نصّها كلمة أحبك ياحبيبي للجنون

هذي هي قصة غرامي يوم جيتك ياحنون

جيت لك تضحك شفاهي بإبتسامات الجفون

ماتصنّعت المشاعر لاجل أبرهن من أكون

أبتسم ساعة أشوفك وأنسى أيام الشجون

لاتلاقينا وشفتك قاسي الغربه يهون

وإن تفارقنا دقيقه مالت اوراق الغصون

الغياب..!! ياهو غيابك صب لي كاس المنون

الغلا ماهو حكايه تعتبر ضمن الفنون

لو درا بصادق غرامي الغدر حرّم يخون

والبلابل لو تحسَّه زادت أنغام اللحون

والبحر لو قاس حبي صارت أمواجه سكون

حتى قيس اللي تصدّر قائمة أهل الجنون

ما وصل عشقه بليلى مرحلة ضم الحضون

وعنتر وعبله غلاهم باهت ماله اي لون

كل حُبٍ غير حُبي مثل همَّال المزون

وكل شعرٍٍ غير شعري مايفي باللي يبون

أتحدى ... وأتحدى ... وأتحدى ... من يكون

وإن كلامي ماعجبهم يفعلون مايشتهون

الغلا قصه وصارت بيني وبينك جنون

الغلا واقع أعيشه..معك مايرضى الظنون

بطلبك قبل أنتهي كانك لـ إحساسي تصون

مانبي الايام تمشي والمشاعر يتعبون..