مساحة اعلانات نصية ذهبية |
||
كوبونات خصم | اعلن هنا | اعلن هنا |
اعلن هنا | مساحة إعلانيه |
|
|
أدوات الموضوع | انواع عرض الموضوع |
#1
|
|||
|
|||
يمكن مع الأيام يضحك لي زماني
[align=center]هاذي القصة من تأليفي أرجو أنها تعجبكم
و عنوانها هو (يمكن مع الأيام يضحك لي زماني) الفصل الأول كان هذا اليوم أول يوم دراسي بالنسبة لها و أخر سنه لها في الثانوية و هي ساكنة في الأمارات في أبو ظبي من طفولتها و هي ساكنة في الأمارات و هي سعودية بس ساكنين بالأمارات و أبوها يشتغل فيها - السلام عليكم - و عليكم السلام، هلا شحالج حلا؟ - الحمد لله، أنتي كيف حالك؟ - يسرج الحال - منى حبيبتي الحقيقة أنا مررره اشتقت لك - بعد قلبي و الله - و الله ما هي حالا هاذي ما أشوفك ألا بأيام الدراسة - يعني شو تباني أسوي، بيتك بعيد عن بيتنا ماشي أحد في بيتنا يروم يوصلني لبيتكم. - و لا بيتنا بعد. - يا الله سيري نروح أنشوف لنا مكان نيلس فيه ألين ما يرن الجرس منى: أبا أعرف أنتي ما شاء الله عليج ترمسين سعودي و أنتي ولدتي بالأمارات كيف إلى الآن ترمسين سعودي، أبا أفهم. - يا أخي كيفي أنا سعودية و مستحيل أتكلم بلهجة ما هي سعودية لأني أموت في هواها. - ما جفت بحياتي أحد يحب بلاده كثرج - يمكن حرماني منها خلاني أحبها هالكثر و أكثر بعد السعودية بلادي في النهاية كل شيء ممنوع مرغوب - طيب أبا أعرف رأيك باللهجة الإماراتية - الحقيقة مرررررررررررره حلوه بس عندي اللهجة السعودية أحلى - هههههههه سعودية من يروم يرمسج لما تخقق ببلادها - هههههههههههه، تصدقين بعمري ما شفت أهلي إلي بالسعودية( قالتها بحزن ) نفسي أشوفهم يا منى ( و بعدين أعيونها قاموا يدمعون من القهر ) ما أدري أبوي ليه ما يودينه لسعودية عشان أنوشفهم و إذا جبنا طاري لهم زعل و يقول يا ويله إلي يجيب طاريهم ( و قامت تصيح ) - حلا خلاص حبيبتي عشاني فديتج لا تصيحين و بعدها رن الجرس و راحوا البنات عشان يصفون طابور ألين ما بدت الحصة الأولى و بعدها الثانية و الثالثة إلى نهاية الدوام و بعدها كل من راح لبيته راحت حلا للبيت هي و منى عن طريق الباص كانوا طول الطريق ساكتين لأنه حلا كانت سرحانه و سافرت بخيالها لسعودية و في الباص لابد أنه يصير فيه بنات مرجوجات و قالبين الباص أصراخ و أهبال و حلا مو داريه عنهم أما منى فاضطرت أنها تسمعهم لأنها تعبت و هي تحاول بحلا أنها تبطل سرحان منى: و بعدين معاج حلا إلى متى السرحان؟ - أيش أسوي ما أبغى أحملك همومي. - كيف ما تبين تحمليني همومج إذا مو أنا أشلها عنج مين راح يشلها؟ - بس منى أنتي تعرفين سبب همي تعبت و الله تعبت أبوي ما هو راضي يحس فيه - ما عليه حبيتي أنتي وكلي الله. - و نعم بالله، أستأذن ألحين الباص وصل لبيتي الحين، يا الله أشوفك بكره أن شاء الله. - أن شاء الله مع السلامة - مع السلامة دخلت حلا للبيت و هي مره تعبانه ألي يشوفها يقول متعبينها بالمدرسة و هي مسكينة ضايق صدرها من الغربة حلا: السلام عليكم الكل: و عليكم السلام الأم متروعه: يا ويلي عليج يا بنيتي، أشفيك تعبانه؟ حلا: يمى لا تخافين أنا بس تعبانه من الدوام عادي - طيب تعالي أيلس تغدي معانا يمكن يخوز عنج التعب أشوي - ما أقدر يمى مو مشتهيه بروح أنام نعسانة الصراحة، ما عليه يمى اسمحي لي - روح أرقدي يمكن يخوز عنج التعب نواف: إيه أحسن روحي نامي عشان ما تخلصين علينا الأكل حلا: يبى شوف ولدك الأب: نواف ما تشوف البنت تعبانه، ثم هي أكبر منك عيب تره تقول هالكلام نواف: هههههههههههه كنت أمزح ما أدري أنه الآنسة حلا غير قابله للمزاح فهد: و أنت ليه ما تخلي البنت لحالها نواف: يووووه كلكم أنقلبتوا ضدي عشانها خلاص أسف يا آنسة حلا: إيه خلك كذا و أدري مع ذالك ما راح توب يا الله بروح أنام أشوفكم على خير الكل: وأنتي من أهله المهم فهد عمره 23 سنه متزوج بنت خاله جمعه عهود و عنده منها بنت عمرها 3 سنين وأسمها نور و يشتغل مع أبوه بالشركة حقت أبوه أمهم أسمها حصه ظلت ست سنين ما حملت بعدين أحملت بحلا و حلا الحين عمرها 17 سنه أما نواف جاء بعد حلا بسنتين و عمره ألحين 15 يعني بعده مراهق و بأولى ثانوي أبوهم أسمه حمد و العائلة التميمي الحين نروح للسعودية و بالدمام تحديدا نبدأ بعائلة مين محمد عم حلا الأم أسمها شيخه و ينادونها أم فيصل أم فيصل: محمد ولدك وينه ليه إلى الآن ما جاء؟ محمد( أبو فيصل): يجي الحين أن شاء الله أهم شي أنتي لا تشيلين هم ثم أيش أنتي بعد ما تعودتي على تأخره خلاص من يوم و رايح كله راح يتأخر هاذي كليه لازم يتأخر أقل شيء يرجع الساعة 2 الظهر - بس الحين الساعة 2 و ربع العادة قبل ال 2 يوصل لهنا - تلقين زحمه بالطريق عشان كذا بعده ما وصل - بس ما عليه دق عليه خلنا نطمن تعرف هذا وحيدي وما عندي غيره فيصل: السلام عليكم الاثنين: وعليكم السلام شيخه: ها فيصل أيش إلي أخرك روعتني عليك؟ فيصل: تأخرت بسبب الزحمة لقيت بالطريق أحد مسوي حادث و صارت الشوارع زحمة بسبب الحادث شيخه: الله المستعان كثرة الحوادث هالأيام، الله يعين أهله بس فيصل: ها يمه عسى الغدى جاهز شيخه: إيه جاهز بس أجهزه لكم فيصل: أجل أروح أتروش و أنزل بعدين راحت أم فيصل أتجهز الغدى و فيصل راح يتروش بعدين نزل لقى الغدى جاهز تغدى و راح ينام شوي هو و أبوه بعدين جت الخدامة شالت الماعيين عشان تغسلهم الحين أقولكم نبذه عن فيصل عمره 20 يدرس بكلية الحقوق خلصنا من بيت محمد، من بعد بيت مين بيت عبد الله عم حلا و البقية عبد الله هو الكبير عنده من زوجته أمال ثلاث أولاد و بنتين أولهم خالد: عمره 25 ومتزوج من بنت عمته مريم وأسمها حنان وعنده منها ولد عمره 5 سنين مره مشاغب و أسمه سلمان و بنوته حلوه عمرها سنتين أسمها وعد بعدين ناصر: عمره 23 سنه بعده ما تزوج بس أمه ما قصرت كل يوم تحن عليه و هو ما يبي يتزوج الحين أن شاء الله يشتغل بشركة أبوه قريب دلال: عمرها 20 متزوجة من ولد خالتها خلود أسمه علي كبر ناصر أخوها وحامل الحين بشهرها السادس و خلصت الثانوية و ما حاولت تكمل عشان تزوجت قالت خلاص ما راح أدرس جامعه سيف: عمره 19 يدرس بالجامعة و طبعا ثاني سنه و تخصصه إدارة أعمال مها: عمرها 17 و طبعا أخر سنه بالثانوية يعني مثل حلا و جدتهم ساكنة معاهم بنفس البيت و أسمها عايشه بعد ما أذان العصر و الكل صل طبعا نزل سيف تحت لصالة لقى أخته مها ماسكه كتابها و أذاكر السعودية عندهم باديه الدراسة من أسبوع بس الأخت يعني أنها شيء سيف: أيش عندها الأخت تذاكر الدراسة توها باديه و تذاكر حضرتها مها: كيفي أنت ما لك دخل زين سيف: أقول احترمي إلي أكبر منك أحسن لك مها: يعني ما تشوفني مشغولة عشان تجي تغثني سيف: الله عالشغل إلي يسمعك يقول اختبارات أخر السنة، أقول قمي بس قمي مها: الحين ممكن أتخليني أذاكر سيف: و إذا قلت لك أني عندي بشارة تعجبك أنتي و صديقاتك - الحين أيش دخل صديقاتي بالموضوع - لأنه إلي تبي أترز وجهها لنا عادي ترز وجهها ما عليه بس أنتي إلي راح تبشرينهم طبعا - طيب أيش هي البشارة - البشارة الله يسلمك قرر السيد سيف - يا الله بسرعة خلصني تره أشغلتني إلي يشوفك يقول تبي تزوج - هههه لا مو أتزوج شي يونسكم الحين مو بعدين - خلص خلص - أاااااه - يااااااربي خلص - بطلعكم - أيش؟! - أنا بطلعكم - كيف أتطلعنا أنا و صديقاتي - مو صديقات المدرسة من الأهل أقصد قالت و هي اتناقز من الفرحة: واااااو صدق سيف الله يخليك لي ياااارب سيف: لا خلاص هونت قبل شوي لسانك هالطول و الحين صار لسانك ينقط عسل - خلاص سيف أسفه شسوي أنت تنرفز - طيب ما ودك تطلعين - إلا أكيد - طيب يله قدامك ساعة - أتدقين على صديقاتك و تلبسين و تكونون كلكم جاهزات ولا أهون و لي منهم تقدر تجي البيت الحين من دون ما أطق مشوار لبيتها بعد أحسن - طيب حبيبي أي أوامر ثانيه - لا لو عندي أوامر ثانيه كان قلت لك، أنا راح أروح ألبس و أتروش بعدين أنروح راح سيف لغرفته و مهاوي قعدت أتدق على بنات أعمامها و عماتها كلهم طبعا الفاضيات منهم بس هم إلي راح يروحون معاهم وهم بنات عمها صالح شهد و هند و بنت عمتها مريم هيا وبنت عمتها طيبة رغد. أما البقية فمتزوجات مب فاضيات للهياته مثل خواتهن و سيف دق على ولد عمه صالح سعد و وافق بسرعة لأنه أكيد مهاوي معاهم و سعد جاب خواته معاه لبيت عمه عبد الله دق الباب على البيت جاء سيف يفتح الباب سعد: السلام عليكم سيف: و عليكم السلام، هلا سعد أشوف ما شاء الله خواتك خلصوا و جبتهم معاك، تفضلوا تقدرون تقعدون بالصالة هند: سيف كيف حالك؟ سيف (من قدي أنا هند تسأل عني): بخير و الله الحمد لله، و أنتي كيف حالك؟ هند: الحمد لله سيف سكت شوي يفكر في نفسه: أهم شيء هند بتروح معانا من قدي وناسه أجل بتحمل الدنيا كلها عشانها بعدين قال: على فكره مها فوق إذا تبونها أصعدوا البنات فوق و قعد سيف مع سعد سعد: ها وين ناوي الروحه سيف: و الله تصدق بعدي ما اخترت المكان إلي راح أنروح له بس ما عليه نسأل البنات وين ودهم يروحون سعد: أتصدق أحسن أن هم إلي يختارون المكان عشان ما يقعدون يقولون لا ما نبي و نبي شي ثاني خلهم يختارون المكان إلي يبونه عشان نفتك. عند البنات شهد: مهاوي تعرفين وين ناوي يودينه أخوك مها: لا ما قالي، أسكتي بس أنا ما صدقت أخوي سيف يقول لي يله بطلعكم رحت قمت بسرعة و نسيت أسأله هند تكلم نفسها ( بعد قلبي سواف ):_ _ _ _ _ _[/align][align=center]مها: هند ليه ساكته شاركنا الحديث. هند: ما في شي بس ما عندي شي أقوله مها: يا الله ننزل تحت تلقون سيف الحين على نار و رغد جات التكمله في الفصل الثاني أن شاء الله أرجو أنه هذا الفصل يعجبكم و أبي رأيكم بالقصة عشان أعرف تستاهل أكملها ولا لا[/align] |
#2
|
|||
|
|||
مشكوره يعطيك العافيه
|
#3
|
|||
|
|||
مشكوووره على مرورك
|
#4
|
|||
|
|||
[align=center]مشكووووووووووره خيتوووووووووووو
تسلمين سميتي.....[/align] |
#5
|
|||
|
|||
كاتبة قصة رائعة...وبتفاصيل دقيقة
اتوقعلك تكوني كاتبة سيناريو محترفة نبي الفص التاني احلى جملة بالفصل الأول(دخلت حلا للبيت و هي مره تعبانه ألي يشوفها يقول متعبينها بالمدرسة و هي مسكينة ضايق صدرها من الغربة ) مشكوررررررررررررة اختي |
#6
|
|||
|
|||
مشكووووووووره على مرورك يا سعوديه بهواااااي
|
#7
|
|||
|
|||
اقتباس:
|
#8
|
|||
|
|||
[align=center]الفصل الثاني
تقوم مها و البقية عشان ينزلون تحت و يلقون بطريقهم رغد و هي صاعده الدرج مها: هلا والله برغد رغد: هلا فيك مها: يا الله تنزلين معانا تحت عشان سيف و سعد ينتظرونه تحت رغد: إيه أكيد ما يحتاج سيف معصب: و أخيرا ما بغيتوا تنزلون خستوا فوق هند: أسفيين سيف لا تزعل تكفى حقك علينا أيش أسوي ما نقدر نترك السوالف. سيف يفكر( يا سلاااااام أموت على إلي يتأسفون ما أقدر قصبن عني أهدا وما أزعل أنا أزعل على الناس كلهم ولا أزعل على هند): تكفى هاذي الكلمه تهز رجال يله ما عليه ما راح أزعل يله أمشوا قدامي. مها: سعد كيف حالك؟ سعد: الحمد لله و أنتي أيش أخبارك؟ مها: بخير الحمد لله سيف: ألحين بقى بس هيا لازم أنروح نأخذها من بيتهم، أنا بأخذها من بيتهم و رغد تروح مع سعد. رغد: أن شاء الله. المهم بقولكم عن أعيال صالح هم أربعه أولهم ليلى: عمرها 22 سنه متزوجة ولد عمتها طيبه و أسمه طلال وعندها ولد أسمه أحمد و عمره ثلاث سنين بعدين سعد: عمره 19 سنه نفس عمر سيف يعني بالجامعة و معاه سيف بنفس التخصص لأنهم ربع من يومهم صغار أما شهد و هند: فهم توأم أعمارهم 16 سنه يعني بثانيه ثانوي بس في اختلاف بينهم من ناحية الشخصية بس الشكل ما في فرق بينهم غير لون عيونهم شهد عيونها أفتح من هند أما عيال عمتهم طيبه فهم أثنين بس ولد و بنت طلال: عمره 24 يشتغل بشركة أبوه متزوج بنت خاله ليلى رغد: عمرها 20 تدرس بالجامعة تخصصها شريعة أم عيال عمتهم مريم فهم بنتين بس حنان: متزوجة خالد ولد عمها عبد الله و عمرها 22 هيا: عمرها 20 تدرس بكلية العلوم الحين الصراحه ودي أروح شوي الأمارات عشان أنعرف أيش صار على أبطالنا هناك حلا ظلت نايمه للمغرب قامت صلت بعدين راحت دقت على منى حلا: ألو، السلام عليكم - و عليج السلام - منى موجودة؟ - إيه من أقول لها؟ - صديقتها - شو يعني صديقتها - أسفه يعني ربيعتها - أسف ما أقصد أزعجج بس أول مره أسمع أحد يقول صديقتها - طيب دقيقة بس أروح أزقرها منى: ألو، السلام عليكم، من معي؟ - وعليكم السلام - حلا هلا والله، شحالج؟ - الحمد لله، كيف حالك؟ - يسرج الحال - ممكن أعرف من رد علي قبل شوي؟ - أخوي سلطان - هههههه خليني أقولك إلي صار لي معاه بعدين قالت لها إلي قاله لها و بأيش هي ردت عليه - أنتي إذا أنا إلي متعوده على رمستك بصعوبة أفهمها كيف أخوي يفهمها - شفتي عاد - المهم شو سبب أتصالج - الحقيقة بس أبي أسولف ودي أطلع بس محد راضي يعطيني وجه، ألحين كفاية عايشين في هالغربة بعد ننحرم من الطلعات و الروحه لصديقاتنا، ما أدري متى تنتهي هالمعاناة؟ - الله يعينج بس هذا إلي أروم أقوله يا ليت أروم أشل عنج شوي قالت بحزن: أنتي أدعي لي بس هذا إلي أبيه منك - مممممم اليوم السبت الله يعديه على خير - يا الله مع السلامة - مع السلامة في السعودية أطلعوا و ركبوا السيارات و هم بعدهم ما قرروا وين يروحون و بعد ما أخذوا هيا من بيتها أولا سيف دق على سعد و حط جواله على السبيكر بعدين قال: سعد حط جوالك على السبيكر سعد: ليه؟ - أنت حط و راح تعرف بعدين حط سعد جواله على السبيكر سيف: ها بنات وين تبون نوديكم؟ مها: أنا أبي أروح لأحلى مكان في الدنيا سيف: ههههه حدكم السعودية لا و بالدمام بس مها: أنا إلي أقصدها بالسعودية سيف: ههههه يعني في مكان بالسعودية أحلى من كل الأماكن في الدنيا مها: أكيد أساسا الدمام أحلى من الدنيا كلها سيف: يا الله في مكان بالدمام ما أعرفه و أنتي تعرفينه، طيب نورينه أيش هو المكان؟ مها: المكان هو سيف: خلصينه ولا أهون و أرجعكم البيت مها: أترجعنا؟!! لا خلاص بقول، المكان هو أسواق التميمي سيف: الله هذا ألحين أحلى مكان بالدنيا هند: أكيد ما يحتاج مو أسمه على أسم عائلتنا سيف: ههههه والله أحسن مكان، أنتوا البنات ما همكم غير الأسواق هند: تكفى سيف إلا أسواق التميمي لا تقول لا شهد بأقرب للهمس من المستحى إلي فيها: إيه صح هندوه <<<<< و هي من داخل ودها أتصارخ على سيف و سيف يقول فيه نفسه ( ياااااااااربي على هالبنت مستعد أتحمل كل شي علشانها، صدق أني ما أحب السوق بس علشانها بحبه ): طيب حاضر ولا تقولون لي تكفى مره ثانيه لأنه تكفى تهز رجال، ها أيش قلت سعودي؟ سعد: أنا من جهتي ما ودي أوديكم شوفوا لكم مكان ثاني مها: لا ما يصير أنا أبي أروح أسواق التميمي ما أبي أروح مكان ثاني هند: إيه صدق أما التميمي ولا رجعونا للبيت لأنه أي مكان غير أسواق التميمي يجيب ضيقت الخلق مها: إيه والله صادقه هند سيف: حمد لله و الشكر أبتلشنا بمجانين هند و مها: نعممممممممممممممممممم سيف: هييييييييه ما شاء الله عليكم راحت أذني من صراخكم سعد ( مشكلتي أبي مها تصير معانا عشان كذا لازم أنصير مع بعض أمري لله بتحمل عشان الحبيبة ): خلاص ما عليه نروح أسواق التميمي، سيف كيف حال رصيدك ألحين، كنا طيرناه؟ سيف يفكر بهند: هههههههه عادي عادي لو تخلصونه لي ما عليه أهم شي نستانس <<<<<<<<< هههههههه مستانس أنه سمع صوت هند ألحين نرجع للأمارات و في يوم الأربعاء جمعة الأهل خوال حلا في أبو ظبي و في بيت جدها من الأم خوالها أثنين خالتها نوال و خالها جمعه الجدة أسمها خوله و الجد أسمه عبد العزيز عيال خالتهم نوال جنان: عمرها 18 و بالجامعة تخصص فيزياء صلاح: عمره 15 بأولى ثانوي يعني كبر نواف عيال خالهم جمعه عندهم عهود: عمرها 22 متزوجة من ولد عمتها حصه و أسمه فهد توها ثالث سنه بالجامعة لأنها متزوجة و أم فصايره الدراسة صعبه عليها الله يعينها و تخصصها إنجليزي ياسر: عمره 17 و ثالث ثانوي يعني كبر حلا و عندهم بعد خال بالدمام أسمه حامد لأنه شغله هناك و هو كل بين فترة و فترة يجيهم للأمارات بس بالأجازة طبعا بس هالأيام مدراس يعني صعب يجيهم المهم تجمعوا في بيت جدهم في هذا اليوم عايلة حمد و عايلة جمعه و عايلة أبو صلاح ( جابر) الرجال في مجلس و الحريم في مجلس ثاني و حلا و جنان قعدوا يسولفون مع بعض و كل وحده تسأل الثانية عن الدراسة و أخر الأخبار الجدة: بنات أنتوا شو عندكن ترمسن بعض و يالسين بعيد عنا ولا مو عاجبتكن رمستنا حلا ( يا ربي ألحين هاذي لازم أتكلم معاها أماراتي ولا مستحيل تفهمني): في العكس يدوه ما في أحلى من رمستك بس تعرفين أحنا البنات مهما يكون سوالفنا غير أم جمعه: يعني كيف سوالفكن غير ها؟ جنان: يدوه أحنا أكثر رمستنا عن الدراسة و إلي يخص الدراسة هالسبب خلا حلا تقول سوالفنا غير - طيب تعالوا أيلسوا معانا هذا مو عذر مقنع عشان تيلسون لحالكم حلا: طيب يدوه من عيوني الثنتين ولا تزعلين عاد إلا زعلك ما راح أرضى لنفسي أني أزعلك. أم جمعه: أنتي هب عليج من بنيه كل أسبوع تقولين نفس الرمسه و كل أسبوع تجين ولا كأنج قلت شي. حلا: يدوه صدقيني ما أقصد على ما يمر الأسبوع إلا قد نسيت أني قلت هالكلام - خلاص عن الهذربان إلي ما يخلص، و شو عندج أنتي عشان تنسين؟ - يدوه أنا أخر سنه ثانوي و شايله هم الدراسة عشان كذا أنسى - الله يعينج و ويوفقج دايمنج شاله هم الدراسه ما أروم أحاسبج على نسيانج هالأيام الدراسه تخوف تخلي البنات يصلعن من الخوف بعدين قامت حلا و جنان و قعدوا جنب جدتهم عشان يراضونها و الحمد لله انتهت جمعتهم على خير و طلع الكل مستانس على هالجمعه في السعودية و بالدمام و في يوم الخميس جمعة عايلة التميمي في بيت عبد الله ( أبو خالد ) لأنه الجده عنده في البيت الكل موجود من هالعايله ما عدا طبعا عايلة حمد الجده و عايلة عبد الله و عايلة محمد ( أبو فيصل ) و طيبه و مريم و أعيالهن الرجال بمجلس و الحريم بمجلس بس مفتوحين على بعض يعني إلي يبي يروح يقعد بمجلس الحريم يقدر يروح يقعد فيه و الحريم و البنات طول الجمعة متغطيات بس كاشفات وجوهن البنات جالسين لحالهم و عددهم 8 يعني حتى دلال جالسه معاهم و هي حامل بالشهر السادس بعدها يعني تمشي بالسابع سيف و سعد: السلام عليكم بنات البنات: و عليكم السلام مها: نعم أيش تبي؟ سيف: أفه أنا أخوك و تكلميني كذا مها: كيفي سعد: هههههههههههه الحمد لله أني مو أخوك سيف: سعودي تستهزأ ها، طيب أردها لك أن شاء الله سعد و هو رايح لخواته: فديت خواتي أنا ساكتين ما قالوا شي مو مثل بعض الناس هند و هي أدز أخوها: أقول روح بس ما نبي أولاد معانا سعد: أفه سيف: هههههههههههه أحلى حبتين لهنوده و الله أنك حركات حركه حلوه زين ما سويتي فيه يستاهل المشاغب ويجي أحمد ينقز على خالته هند و يضربها و يقول: حاله تثربين حالو ثعد أنا ما أحبث هند: هييييه لا تضربني أنا شسويت لك ألحين عشان تضربني، أنت أيش قاعد تقول؟ ليلى: هههههههههههه عصب حمودي حبيبي عشان ضربتي خاله سعد و يقول: خاله تضربين خالو سعد أنا ما أحبك هند: و أنتي ليه تضحكين عليه كذا تشجعينه على الغلط سيف يكلم مها: مهاوي تعالي أقعدي هنا عشان أصير أنا على طرف و أنت بس إلي تصيرين جنبي <<<<< يتحرش بأخته دلال يبي يقهرها و يحرجها دلال: نعم و أنا وين رحت عشان تقول بس مها؟ سيف: أنتي رحتي لعلي حبيبك، مخليتك له، عشان لا يقول أنه في و احد جلس جنب زوجتي دلال ( حمرت و أسكتت): _ _ _ _ _ _ _ سيف: هههههههههههه أشوفك سكتي لما ذكرنا حبيب القلب دلال: أقول أسكت بس هذا ألي فالح فيه أتحرش ما بقى أحد إلا و تحرشت فيه يعنى أنت مشاغب أزود عن سعد سعد: أما أنا ما أبي أجلس جنب هند عشان المره الثانية ما تقول ( و يقلدها و هو يدزها ): ما نبي أولاد ويكمل: ليلى تعالي بقعد بينك و بين شهد شهد بهدوء: الله يسامحك هذا كلام تقوله لهنوده سعد:أنا أقصد أمزح معاها بس عند باقي الشباب طلال: ها فيصل ما ودك تروح معاي عند البنات <<<<< خخخخخ الأخ يفكر بزوجته بس ما وده يروح لحاله فيصل: لا ما يهمني لا أخت ولا زوجه عندي شوف خالد و ناصر طلال: يعني لازم تصير عندك أخت ولا زوجه عشان تسلم على بنات عمك فيصل: ما أدري أيش أقولك؟ طيب أمري لله بس خالد و ناصر يقومون معانا و أنت أبيك تقعد على طرف عشان أقعد جنبك أتعرف ولا وحده من البنات أقدر أقعد جنبها و أنت راح تكون حاجز بيني و بين زوجتك طبعا سكت فيصل شوي و بعدين كمل: أنت أكيد بتروح مو عشان البنات عشان ليلى صح أعترف. طلال: هههه صدق فاهمني، زوجتي كيفي فيصل: زين منك اعترفت راح طلال و فيصل للبنات و خالد و ناصر قالوا بعد شوي راح يجون طلال و فيصل: السلام عليكم الكل: وعليكم السلام رغد: زين جيتوا ما بيغتوا تجون ما كأنه بنات عمكم طلال: هههه أسفيين خلاص ولا تزعلين كله من فيصل ما رضا يجي إلا بأعجوبة بغيت أخليه وأجي، و الله أيش ما عندي لا أخت ولا زوجه هيا: يعني أيش أحنا مو بنات عمك عشان ما ترضى تجي عندنا فيصل بعصبيه: خلاص أسف، طلال أيش ما لك نية تقعد طلال: كن الأخ معصب لا بعد الوجه صاير أحمر لا يكون تستحي من بنات عمك فيصل: أقول أقعد و فكني بعدين راح طلال قعد جنب زوجته لأنها كانت قاعدة على طرف و فيصل قعد جنبه أم فيصل: يا ربي على وحيدي لا أخت ولا حرمه قاعد على طرف عاد فيصل من كثر ما هو أبيض إذا أنحرج يبين أنه أخدوده صاروا حمر: يمى أنا خليني أتخرج و أشتغل بعدين يصير خير بعدين جاء خالد و ناصر خالد و ناصر: السلام عليكم الكل: و عليكم السلام سيف: هههههههه حنان جاء حبيب القلب خالد: هييييييييه حتى زوجتي أنت ما تقدر تخلي أحد لحاله. سلمان: هيه بابا جاء شيلني شيلني وعد( و هي رافعه أيدينها ): بابا بابا سيف: أيش يعني الواحد ما يقدر يستانس شوي؟ خالد: هههههه فديتهم عيالي يحبون أبوهم، أسف ما أقدر أشيلكم أثنينكم وعد معصبه: بابا خالد: حبيبتي وعد روحي للماما و أنا بأخذ سلمان معاي بعدها معصبه: مابي - قلت روحي لماما - مابي هيا: وعد حبيبتي تعالي عند خاله وعد تناظر أبوها وهي معصبه و تقول من غير نفس: طيب خالد: هههههههه يا زين المعصبه و الله قعد خالد جنب زوجته و ناصر جنب فيصل و الحمد الله انتهت هالجمعه و الكل مستانس و فليل كل من راح ينام و هو تعبان بس هالتعب من بعد الجمعة الحلوة الحين نروح للأمارات يا الله يمكن نتعلم أشوي أماراتي بس من اللهجة السعودية صح هههههههه حلا قاعدة في غرفتها و زهقاااااااانه ما هي عارفه أيش تسوي بس قاعده تلهي نفسها بالمذاكرة و قعدت تفكر و تكلم نفسها: يااااااربي أيش أسوي ألحين زهقت من المذاكرة - مممممممممم أشبك بالإنترنت عشان أكلم أحد من صديقاتي أو بنات خالاتي - مافي غير هالحل خذت اللاب توب حقها و أنزلت تحت بالصالة عشان أبوها و إخوانها ما يرضون أنها تشبك بغرفتها أشبكت و خلت الماسنجر مفتوح و هي تتصفح الإنترنت شافت الماسنجر ما لقت أحد شابك و فجأة لقت شخص أضافها لأميله و يطلب أضافته لأيميلها قالت في نفسها: يمكن هاذي وحده من معارفنا أشوف مين إذا عرفت مين ولا أسوي لها حظر أضافته و لقته شابك و بدوا الكلام مع بعض يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: السلام عليكم. تميمي و أفتخر و لي مو عاجبه ينتحر و يكتب على قبره منقهر: و عليكم السلام يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: أنتي حلا صح تميمي و أفتخر و لي مو عاجبه ينتحر و يكتب على قبره منقهر: أول قول مين أنت؟ و من وين محصل أيميلي؟ يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: مابا أجاوب على أسئلتج هههههههههههه تميمي و أفتخر و لي مو عاجبه ينتحر و يكتب على قبره منقهر: أجل مضطرة أسوي لك حظر يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: وما تابين تعرفين كيف عرفت أسمج يا بنت حمد أحمد التميمي تميمي و أفتخر و لي مو عاجبه ينتحر و يكتب على قبره منقهر: و مين قال أنه أنا هي البنت إلي تقصدها يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: واضح يا حلوه وضوح الشمس مين تكونين، البيت إلي كاتبته يعني أنج تميمية و أنا ما أعرف غير تميمية وحده، و أسمها حلا حمد أحمد التميمي تفكر حلا( يعني كيف أكذب و أقول له أني مو تميمية و أني حاطه هذا البيت بس كذا ) تميمي و أفتخر و لي مو عاجبه ينتحر و يكتب على قبره منقهر: مو شرط أني حطيت هذا البيت يعني خلاص أنا تميمية، مو ممكن لأنه عاجبني و هذا البيت صدق عاجبني يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: ههههه طيب أعترف أيميلج ما خذه من أختي و هي ما تدري تميمي و أفتخر و لي مو عاجبه ينتحر و يكتب على قبره منقهر ( و هي معصبه): طيب ممكن أعرف أي وحده من صديقاتي هي أختك يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: هههههههههههه عصبت الحرمه، لأنج عصبتي و هذا إلي أنا أباه بقولج من أنا، تبين تعرفين، تره أنتي تعرفيني بس أنا قررت أني ألعب عليج شوي تميمي و أفتخر و لي مو عاجبه ينتحر و يكتب على قبره منقهر: يا الله قول خلصني يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: أنا ياسر ولد خالج جمعه يا حلوه تميمي و أفتخر و لي مو عاجبه ينتحر و يكتب على قبره منقهر: ياسر؟! هلا ياسر، كيف حالك؟ يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: الحمد الله بخير و سهاله، أنتي شحالج؟ تميمي و أفتخر و لي مو عاجبه ينتحر و يكتب على قبره منقهر: الحمد لله يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: يعني خلاص ما راح أتسوين لي حظر تميمي و أفتخر و لي مو عاجبه ينتحر و يكتب على قبره منقهر: لا ما راح أسوي لك حظر لأنك ولد خالي وما في داعي أسوي لك حظر لو كنت واحد ما أعرفه كان سيده سويت لك حظر، بس الصراحه روعتني في البداية واحد يعرف أسمي وما أعرفه يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: زين الحمد لله أنج ما راح أتسوين لي حظر، أما سالفة أني زيقتج فهي أعجبتني تميمي و أفتخر و لي مو عاجبه ينتحر و يكتب على قبره منقهر: أيش فيك صاير شرير كذا وناسه إذا عصبت و إذا تروعت يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: هههههههههههه ماشي شي بس شو أسوي الشطانه جزء مني تميمي و أفتخر و لي مو عاجبه ينتحر و يكتب على قبره منقهر: طيب أسـتأذن أنا بروح أذاكر، يا الله مع السلامه يعني مرتاح بغيابي ولا همك عذابي كل شيء والله يسألني عليك أنا ما أحبك أنا أتنفس هواك: مع السلامه من هنا انتهى الفصل الثاني و التكمله الفصل الجاي أن شاء الله بس أبي رايكم بهذا الفصل بعدين أحط الفصل الثالث[/align] |
#9
|
|||
|
|||
أشوف ما حد رد اليوم كذا أجل ما راح أقدر أحط الفصل الثالث ألين ما أحس أنه الفصل الثاني عجبكم
|
#10
|
|||
|
|||
سعودية وافتخرررررررررررررررررررررررر
انا اقول انه هذي قصة من محيطك ..وقصة شبه واقعية وانت تستلهمي الشخصيات من واقع اكيد الى الان ما قدرت احفظ الاسماء كلها بس الشخصيات الاساسية انحفظت مرة تانية اقلك ..انت كاثر من رائعة في كتابة التفاصيل ..سواء المحاورة أو تفصيل الملامح,,ودرجة القرابات أحيك من كل قلبي وتابعي الى الامام من اكثر الادلة اللي رح اذكرها لك على دقة تفسلك هي..ويجي أحمد ينقز على خالته هند و يضربها و يقول: حاله تثربين حالو ثعد أنا ما أحبث فعلا رائعة الى الان القصة في قمة الروعة ..والاحداث تبدا بالتطور أعتقد وخاصة بعد المحادثة على المسنجر بين حلا وابن خالها تطور احداث منطقي ...لا يوجد قفزات ابدا المقارنة بين حلا وابناء عمها ..اكثر ما يشدني لهل القصة بنت جالسة لوحدها بغربة....بينما بالطرف المقابل عائلة كاملة تستمتع باحلى الايام تابعي والى الامام ...واسمحي لي اعرض هل القصة على صديق لي عضو في اتحاد الكتاب العرب مشكورررررررررررررررررررررررررررررررررررررررررررررر ررررة يا ايها القلم المبدع |
|
|
المواضيع المتشابهه | ||||
الموضوع | كاتب الموضوع | المنتدى | مشاركات | آخر مشاركة |
🔥⚫هل يمكن أن نرى في يوم من الأيام - أبو إبراهيـــــــــــم متوشحا بالبشت الأخضر⚫🔥 | eshrag | موسوعة إشراق | 0 | 12-08-2016 02:32 PM |
ما يضحك يا عمر الم تري ما نحن فيه !! | اشراق العالمrss | اشراق شامل - منوعات | 0 | 11-02-2012 11:10 PM |
:: السلحفاة :: من يضحك أخيرا يضحك كثيرا .. والله أعلم | eshrag | اشراق شامل - منوعات | 0 | 11-19-2011 09:40 PM |
كيف يمكن تقطيع صفحات الاكروبات وكيف يمكن تحويلها الى ورد .؟ | eshrag.net | المنتدى العام - مواضيع عامة | 0 | 08-03-2010 11:50 AM |
نأمل توقيع اتفاقية مع المملكة في المجال النووي ونسعى لاستضافة السعوديين المستثمرين في المجال العقاري | اشراق العالمrss | القناة الإخبارية - أخبار | 0 | 05-11-2009 10:51 PM |
شراء روابط نصية | |
راسلنا الآن لشراء روابط نصية باك لينك وجيست بوست | خدمات الباك لينك والروابط النصية |
روابط نصية AAXA | ||||
اشتراك يوتيوب بريميوم | اشتراك تطبيقات بلس | اشتراك IPTV شهر | يوتيوب بريميوم | عسل النحل |
روابط نصية AAPS | ||||
دراما كافيه | دراما صح | اهواك Tv | فوستا | شبكتي Tv |
روابط نصية AA1A | |||||
كورة لايف | koora live | مباريات اليوم بث مباشر | kora 360 | koora4live | كورة لايف |
koora live | مباريات اليوم بث مباشر | kora 360 | koora4live | kooralive | مساحة إعلانيه |
روابط نصية AAZ | ||
متجر الرياض | شحن شدات ببجي | شحن شدات ببجي |
روابط نصية AHD3 | |||||||||
عزل اسطح | كشف تسربات المياه | عزل فوم بالرياض | شركة عزل اسطح | كشف تسربات المياه بالرياض | عزل اسطح بجدة | شركة كشف تسربات المياه | نقل اثاث بالرياض | شراء اثاث مستعمل بالرياض | شركة تنظيف بالرياض |
روابط نصية KSM | |||||||
خصومات | هدايا وكوبونات | توفير المال | مال واستثمار | صفقات وتسوق | عروض اسواق السعودية | تحسين مالي | كوبونات |
روابط نصية AN | ||||
يلا شوت | يلا شوت | يلا لايف | yalla shoot | يلا شوت |
روابط نصية M11 | |||||||
كورة جول | يلا لايف | دوت سبورت | bein match | yalla shoot | yalla shoot | koora live | koora live |
يلا شوت | koora4live | سوريا لايف | تابع لايف | كورة لايف | كورة جول | كورة لايف | koora live |
روابط نصية AWA | ||||
كورة لايف | Koora live | يلا شوت | Yalla shoot | يلا شوت |
روابط نصية AA3A | ||||
تقييم شركة exness | تقييم شركة binance | تقييم شركة avatrade | تقييم شركة evest | افضل شركات التداول |