بالفيديو.. شاعر الملك "النفاح" لوزير التربية: يا أميرنا رجّع حقوق المعلّم

عبد الحكيم شار- سبق- الرياض: كتب "شاعر الملك" زياد النفاح البقمي، قصيدةً نبطيةً موجّهة لسمو وزير التربية الأمير خالد الفيصل، عرض فيها أبرز مطالب المعلمين مناشداً من خلالها سموه إرجاع حقوقهم.

القصيدة التي تناقلتها مواقع المعلمين على وسائل التواصل الاجتماعي وبُثت على "اليوتيوب"، يقول فيها:



"وسط البحر كِنّا بحاجة مجاديف ... والكون كله في نظرنا .. مظِلّم

نمشي بدون آمال حسب العواصيف ... راضين بالأقدار وأمرٍ مسَلّم

من كثر ما نسمع .. شبعنا سواليف ... ولا عاد للمحتاج حيل .. يتكلّم

اهمومنا تبقى من الصيف للصيف ... ما احدٍ يحسّ بحالنا ويتألّم

وإن قالوا الشكوى مع الوقت تخفيف ... هذا مصير اللي يعلّم .. امبلّم

حتى لو أن الوضع للعاقل امخيف ... يكفي نخوض التجربة وانتعلّم

واليوم أردّد كيف؟ مع دربها كيف؟ اللي سمعته علم وإلا اتحلّم

يا خالد الفيصل مهمّتك تشريف ... قمنا نرحّب ما انتظرنا تسلّم

حتى لو إنك ضيف ... ما تعتبر ضيف ابنا وطن وافين .. والشمل منلّم

معروف ما تحتاج نبذه وتعريف ... مفتاح بيتك في يدينك مسَلّم

والسيف دايم عز يا دايم السيف ... مقطع جهل ماهوب سيفٍ مثلّم

فتّش ملف الياس وافتح مظاريف ... واقرأ تفاصيل الحياه وتولّم

حنا دواهي لو حسبنا التكاليف ... نطلع بلا سلّم .. وننزل بسلّم!

نبغى قَدر وحساب خدمة وتصنيف ... يا أميرنا رجّع حقوق المعلّم

وأطماعنا ما هي شهادة وتوظيف وشماغ مكوية .. وثوبٍ مقـَـلّم

العلم يبغى له جهود ومصاريف وعيون تسهر في قضايا التظلم

يا كثر مَن يكتم همومه ولا شيف ويا كثر من جافاه صبره .. وعلّم

أرواح راحت والنتيجة صواديف ... شفها باسم مجهول واسلم وسلّم".





أكثر...