احتياجات العروس في شهر العسل ...

السلام عليكم

حبيت انقل لكم شنطة العروس



1) أدوات التعطير والنظافة:
++++++++++++++++

- عطر تحبينه فرنسي والأفضل علبته صغيره و عطر دهن عربي توله صغيره.
- بدي كريم علبته تكون صغيرة كمان.
- معطر (ديدورانت) تحت الابط عدد (1) وانصحك بـ Lady speed stick بالتوت او الليمون.
- محارم صغيرة أبو نص ريال اللي تنحط في الشنطه.
- فوط خاصة بالاستعمال اليومي اللي تكون صغيرة ورقيقة جدا خذي بس علبة وحده وخذي فوط للدورة.
- إبره وخيط ضروري جدا لاحتمال حدوث شيء مفاجيء في الثياب.
- معطر فم ممكن بولو او اي نوع مثل انواع العلك المعطر أو سميت.
- فرشاة للشعر.
- شامبو اللي يلائم شعرك وافضل علبته صغيرة. واذا شعرك ما يتاثر باي شامبو مافي داعي لانه الفندق بيكون فيه.

اذا نسيت شي ذكروني طبعا هاي الاغراض اذا كانت صغيرة ما بتاخذ حيز ابدا حطيها بشنطه صغيرة جدا داخل الشنطه الكبيرة والافضل تكون الشنطة الصغيرة من قماش عشان ما تاخذ حيز.

ابغي انتظر البقية كل وحده تكتب شي



2) الماكياج:
++++++++
لا تكثري من الماكياج خذي شنطه صغيرة جدا خاصة بالماكياج وحطي فيها بس الاشياء الاساسية مثل ألوان روج تهمك مو كل الوان الدنيا خذي كم قلم تخطيط حسب الروج ومسكره وحده وكحل واحد اي لينر ومخطط عيون وبودره وحده يعني لا تكثري.
- غسول الماكياج.
- اسيتون لازالة المانكير اذا كنتي تحطين مانكير (انا ما احط مناكير اظافري مو زينين وفيهم مشكله 2)


3) الملابس:
+++++++

- عدد (5) قمصان نوم عرايسيه.
- عدد (2 - 3) بيجامات قطنية.
- عدد ( 6) ملابس لبره البيت.
- عدد (2) جلابيه للبيت.
- عدد (2) عباية والشيل لا تكثري اذا تلبسين بس اسود ساده لا تشيلي اكثر من (2).
- غيارات داخليه الافضل قطنية لانكم بتطلعون كثير بره علشان ما يصيرلك حساسية من النايلون.
- عدد (3) شنطات وحده منهم تكون أسود ضروري والثنتين الباقي على حسب لون ملابسك وانا بالنسبة لي يمكن اخذ اقل من ثلاثة باخذ يمكن ثنتين بس والثنتين سود
- عدد (2) جوتي مثلا الاساسية اسود ولون ثاني وضروري يكون مريح لانه في مشي كثير بشهر العسل.
- عدد (1) نعال للبيت.
- عدد (1) بوط رياضة ضرورررررررري جدا. بتحتاجونه خاصة اذا رايحين شهر عسل فيه مشي زين.



يتبع

وهذي شنطه ثانيه ممكن تجهزينها


بتجهيزات اغراض العروس......
هذي الي بتحتاجينها بس وقت سفرك مع زوجك شهر عسل
بعد العرس يعني مختصره بدل ماتكون شنط تصير شنطتين كبيره
وحده لأغراض الشاور (الدش) وادوات التنظيف والتعطير ......الخ
والثانيه للملابس ...وطبعاً الي بترتب شنطها زين بتكفيها شنطتين
اتفقنا ....ياكثر بربرتي2
ياالله بسم الله نبدأ وشهر عسل حلو وكله عسل ان شاالله لكل
عروس يااااااااااااااارب.....
أ)-شنطة المكياج والعطور وادوات التنظيف والشعر...الخ
تتكون من....
1) أغراض الشاور (جل حمام أو رغوه الي تحبين +شامبوا+
بلسم+مناشف +روب الحمام)
2)أغراض شعرك((استشوار+كريم مرطب للشعر+طقم أمشاط
اصلي أو خذي مشط وفرشاة شعر تكفيك+وطبعاًالأشياء الي
يحتاجها

شعرك كل وحده ولها احتياجات الي ماتستغني عنا للشعر))
3)أدوات التعطير والتنظيف ((معطر حمام والبنات قبلي رشحوا قليد
في موضوع سابق+مبخره كهرب+شموع لها ريحه+معطر للمفرش يكون بعلبه وسط+طقمين عطور بأغراضها الكريم والبودره +دهن عود مخلط وعادي+مزيل مكياج +مزيل عرق+مزيل مناكير +مزيل شعر(آله من
براون)ارتب وانظف صعب تقعدين تنتفين حلاوه بشهر العسل احس
مافيه مجال +فرشاة اسنان ومعجون +مناديل معطره لليدين وتكون بشنطتك اليدويه الي دايم معك+علول وحلاوه للفم+كريم واقي شمس+فوط صحيه اليوميه والعاديه+مرطب شفايف+مناكير
واذا نسيت شي ذكروني.
4)المكياج (يكون خفيف والوان فاتحه عشان يعطيك جاذبيه وطبيعيه
أكثر لاتكثرين خذي كونسلر وشدو وقلم روخ وقلوس وكحل داخلي
واي لاينر ومسكره وبودره وبس تكفيك ....


نجي للملابس.....
طبعاً بشهر العسل ماحد بشايفك كثر زوجك عشان كذا ركزي على
ملابسك قدامه أوكي وبعدين اللبس الحلو والناعم والميك اب الناعم
والريحه الحلوه واللسان الحلو تخليك توب عنده اوكي لاتنسون

ملابس النوم روب نوم طويل ايطالي كشخه وناعم بنفس الوقت
يكون لونه ابيض او سكري ونقشته هاديه .
كم بيجامه بيت ستن ومشجروكم قميص قصير وكم واحد طويل
4بناطيل وبلايزها و4تنانير و3جلابيات وملابس داخليه قطنيه
ودانتيل اصلي ..
ملاحظه.....اذا تبين تغسلينها اغسليا على يدك وانشريها
بتجف عادي ...
الجزم 2للطلعات وتكون كشخه و3مريحه للمشي الطويل
عبايه احتياط+مفرش ثاني +كور معطره للثياب +علبة خياطه صغيره
سجااااااااده +مصحف +اذكار+منبه للصلاه +بوصله للقبله..


واتقوا الله حيثما كنتم.....

على فكرة المواضيع منقولة

سلمت لنا غاليتي على النقل الرائع
ان شاء الله يستفيدو العرائس



لا حرمت روعة أناملك


ودمت بصحه وعافيه

الله يعطيك العافيه

على الموضوع المفيد

ياهلا فيكم



منورين

يعطيك العافيه

موضوع مميز

سلمت يمنااااك

تحياتي

يعطيك العااافيه

مووضووع مميز

بارك الله فيك

تحياااتي

سووووندريلا

ياهلا فيكم


منورين