|
|
07-13-2020, 08:24 AM
|
المشاركة رقم: 1 |
|
|
المنتدى :
موسوعة إشراق
ذباح الذيابه من جديد
السلام عليكم ورحمة الله وبركاته صبحكم الله بالخير الجميع يوم الخميس الماضي لفاني على المزرعه 3 اشخاص اكبرهم حسب ماعرفت من خوالي اكبر هالرجاجيل عمره حوالي 88 سنه لكنه يتمتع بصحه جيده ولا يعاني من اي مشاكل صحيه كانو يركبون خيول الشايب الكبير كان يركب حصان فصيلته العبيان لونه احمر يزين وجه خط ابيض وتحجيل برجوله الاماميه حين شفت الرجاجيل رحبت فيهم وكان معي صديق طفولتي زوج اختي بالرضاعه ( بنت خالتي ) قالولي : حنا ضيوفك اليوم يا معزب الرحمن رديت عليهم : هلا فيكم وحياكم الله يا ضيوف الرحمن تفضلو جا عامل من عمال المزرعه سحب خيولهم لاجل يربطها ويسقيها ويعلفها حين انزل العامل سرج الحصان الاحمر يقوم يطلق ذاك الصهيل ويشد حبل الرسن من يد العامل ويتوجه لفرسي العبيه ويلقحها كتبنا صك بهاذ الشي لفانا خالي ابو اسماعيل كان في بيت خالتي ( امي بالرضاعه ) تروشت وبدلت هدومي وجلست مع الربع في غرفة الضيوف وبسبب جائحة الكورونا جلسنا متباعدين كان الشايب يتفرس بوجهي بعيونه وهاذ الشي ما خفا على خالي ابو اسماعيل الشايب قال لخالي ابو اسماعيل : يا ابو اسماعيل وكاد هاذ ولد اختك شايبه رحمه الله ذباح الذيابه خالي ابو اسماعيل هز راسه انه موافق الشايب قلي : يا ولدي اعرف شايبك الله يرحمه كنت دووم اناديه ذباح الذيابه ذبح ذيبين واحد منهم لونه اسود وما ذبحهم الا بعد ما هاجمت الذيابه حلاله قمنا بواجب الربع سوينا لهم الغدا وحضر الغدا خوالي وصديقنا ابو مرزوق وازواج خالاتي وشايب زوج اختي صلة قرابته من ابناء عمومة شايبتي رحمها الله واموات المسلمين شايبي رحمه الله واموات المسلمين كان يشتغل بتربية الاغنام وقضى حياته برعي الاغنام في طفولتي كنت اطلع مع خوالي وصديقنا ابو مرزوق نرعى الحلال في عطلة المدرسه الصيفيه في سنوات الستينيات من القرن الماضي طلع شايبي وصديقنا ابو مرزوق وعزبو بالحلال في منطقه في ذيك الفتره ظهرت مجموعة من الذيابه وصارت تهاجم الحلال وفي ليله الذيابه هاجمت الحلال كلن بينها ذيب اسود خطف افضل شاه وانحاش فيها شايبي رحمه الله اطلق النار عليه ومع بعد المسافه ما اصابه بعد فتره حوالي 4 ايام شايبي شاف الذيب الاسود واقف على حجر كبير ويناظر الحلال تقدم منه شايبي وعلى مسافه حوالي 300 اطلق عليه شايبي النار فصابه في راسه فوقع ميت في حادثه ثانيه كان شايبي ومعاه خوالي وصديقنا ابو مرزوق لاحظ ابو مرزوق اثار ذيب وقال للربع انه يشوف اثار ذيب في المنطقه في ليله ذيب هاجم الحلال وهو هاجع الربع كانو جالسين في مغاره قريبه من الحلال طلعو على الصوت وعلى ضو القمر والذيب منحاش صوب عليه شايبي بندقيته واطلق عليه النار فاوقعه ميت ومن ذاك اليوم الربع صارو ينادونه ذباح الذايبه بعد ذيك الحادثه بسنتين ولدت في سنوات طفولتي كانو الربع ينادوني ولد ذباح الذيابه ومع توفي الكثيرين من الشياب تناست الناس هالسوالف وصار من النادر جدا اسمع شخص يقولي شايبك رحمه الله ذباح الذيابه اخر مره شخص قالي ولد ذباح الذيابه كانت قبل حوالي سنتين شايبي قال لابو مرزوق : يا خوي انت تدري اني ما قتلت الذيابه الا بعد ما هاجمت الحلال وكان الحل الوحيد اطلاق النار عليها والذيب حين يجوع لا بد انه يهاجم الحلال شايبي رحمه الله واموات المسلمين توفي وكان عمري سنتين وقام جدي واخوالي بتربيتي واخواتي الثنتين لين كبرنا خواتي تزوجن من اولاد خالي الكبير ابو محمد محدثكم العبد الفقير لله ابو ظاري بعد التقاعد من العسكريه يشتغل حاليا بتربية الاغنام عندي من فضل الله 300 راس نعاج وشياه هم مصدر دخل وراتبي التقاعدي والحمدلله دائما وابدا وسلامتكم يالربع ----------------- إعلان : نفتح باب الإعلان في (17 ) موقع ب 5 دولار فقط ( لطلب الخدمة اضغط هنا ) .! --------------- مواضيع قد تهمك مشاركة أرباح أدسنس . اكسب من مقالك . اضغط هنا ثقف نفسك , مواضيع ممتعة وغريبة وقد تفيدك المضمار - يقظة فكر اكتب واكسب بطاقات شحن ومبالغ مالية  خطر الإنترنت على الأسرة والأبناء - تقرير مهم  التجارة الفاضحة ( الابتزاز ) - تقرير مصور  خطر الإنترنت على الأسرة والأبناء - تقرير مهم  التعيين الخارجي للمعلمات وهدر دمائهن - تحقيق  مواقع الزواج والسهرات الحمراء - تقرير مصور ومهم  الوهم والحقيقة في صناعة الجمال - عمليات التجميل ومساوؤها - بالصور  نملة حاصرتها المياه فأنقذها الله تعالى بطريقة عجيبة - سبحان الله فيديو  |
|
|
«
الموضوع السابق
|
الموضوع التالي
»
العرض الشجري
|
|
المواضيع المتشابهه
|
||||
| الموضوع | كاتب الموضوع | المنتدى | مشاركات | آخر مشاركة |
| Deci Dela Nina Ricci عطر ديسي ديلا للنساء | مزاد rss | إعلانات ودعم | 0 | 07-13-2020 05:02 AM |
| للبيع ارض بمخطط 12 \49 هجره خور الذيابه بابقيق | مزاد rss | إعلانات ودعم | 0 | 02-05-2020 03:01 PM |
| حاكم الذيابه نجمنــآ لهذآ الشهر ~ | eshrag | اشراق شامل - منوعات | 0 | 01-09-2012 09:50 PM |
| تذكرون موضوع الذيابه والذيبين هههه (طلع خوينا لاطش الصور) | eshrag | اشراق شامل - منوعات | 0 | 08-05-2011 04:00 AM |
| مجزرة الغزلان - ذباح الغزلان في محيه في السعوديه | اشراق العالمrss | المنتدى العام - مواضيع عامة | 1 | 04-16-2010 03:59 AM |